dharmabhadras mdzad pa'i lta ba'i brjed byang chen mo || {a3} spyir gang zag rnams kyi lta

ba'i bye brag la | thar ba sgrub par 'dod pa dang mi 'dod pa zhes grags pa dang | 'jig rten phal pa dang bstan chos kyis blo bsgyur ba'i lta ba zhes grags pa yang yod | nang pa sangs rgyas pas brtags pa 'jig rten pa'i lta ba dang | 'jig rten las 'das pa'i lta ba zhes grags pa yang yod na | de dag las 'dir mdor bsdus pa cung zad tsam brjod pa | 1) bshes gnyen dang lung la brten pa bstan chos kyis blo bsgyur ba'i lta ba dang | 2) 'jig rten phal ba'i lta bstan chos kyis blo ma bsgyur ba gnyis kyi dbang du byas te dbye na | [1. 'jig rten phal ba'i lta bstan chos kyis blo ma bsgyur ba:] 'jig rten phal pa'i lta ba ni | phyi nang gi dngos po lus dang gnas dang spyod yul du snang ba'i 'di la dngos bdag tu lta ste | de yang lus la brten nas bdag tu lta | de dang 'brel ba la brten nas bdag gir lta | ma 'brel ba la brten nas gzhan du lta ste | de ltar dngos po gsum du yang dag par grub par lta'o || ma 'brel ba la brten nas gzhan du lta ste | de ltar dngos po gsum du yang dag par grub par lta'o || de la bdag tu lta ba de yang mtshan nyid rnam par dpyad pa me dpar bdag tu lta ste | mdo las |1 byis pa so so'i skye bo rnams thog ma med pa'i dus nas bdag gi mtshan nyid la rnam par dpyad pa med par | bdag go snyams pa'i blo kun nas 'byung ngo zhes gsungs pa lta bu'o || de yang gcig rtag tu lta ste | de la gcig [de yang lus dmigs nas bdag tu lta | gnas dang spyod pa la rang dang 'brel pa la bdag gir lta | de bzhin du ma 'brel ba la brten nas gzhan du lta'o || de yang tshul 'dir lta ste | bdag las gzhan ni bdag ma yin | bdag ni gzhan ma yin snyams pa'o || mnyam por lta ba ni | nga'i lus nga'i sems zhes bya ba bye brag phye yang bdag tu mnyam shing du mar song ba'i blo mi skye'o || khyab par lta ba ni | lus dang sems la bye brag ji ltar phye ba ni bdag las gyis shing gud du song ba'i blo mi skye'o || byed pa por lta ba ni | dud 'gro man chad byed pa por lta zhing chags pa'i dbang gis bya ba sna tshogs la 'jug pa'i blo 'byung ste | las sna tshogs mngon par 'du byed do || 'du byed pa'i dbang gis las kyi bag chags gsog go || las kyi bag chags kyi dbang gis rnam par smin pa grub pa dang | rnam shes skye bar 'gyur ro || des srid pa'i nying mtshams sbyor ba rgyun mi chad par grub bo || de ka la gang zag ches bya'o || ril por 'dzin zhes kyang bya'o || por lta ba ni 'gro ba rnams 'di snyam du rang gcig pu snyam pa'i blo rtag tu skye'i | nga gnyis sam nga mang po yod pa'i blo skye mi srid do || rtag par lta ba 'di snyam du gzhon nu dang dar la bab pa dang | rgyas pa la sogs pa'i gnas skabs su yang lus 'gyur ba dmigs kyang | nga ni gzhon nu tsam gyi nga {a4} nyid kyang da lta'i nga nyid yin no snyam du rtag pa'i blo 'byung la | de bzhin du tshe snga ma nas 'di ru skyes | 'di nas skye ba gzhan du 'pho snyam ste | nga ste phyi dum bur skye ba'i blo skye mi srid do || [2. bshes gnyen dang lung la brten pa bstan chos kyis blo bsgyur ba'i lta ba:]
1

bshes gnyen dang lung gis bsgyur ba'i lta ba la gnyis te | 1) phyi rol mi stegs can dang | 2) nang pa sangs rgyas pa'o || [2.1. phyi rol mi stegs can:] de la phyi rol pa ni | 'jig rten phal pa'i bdag de nyid gzhir byas te | mtshan nyid kun tu brtags nas bdag rtag go zhe'am | bdag chad do zhes 'byed do || de ltar bdag tu lta bar mtshungs kyang 'jig rten phyi nang gi dngos po 'di la rgyu gang las byung bar smra ba ni mi mthun te | kha gcig 'jig rten 'di ni dbang phyug gis sprul to zhe'o || de bzhin du kha cig bdag byed pa pos byas so || zhe'o || kha cig rang bzhin zhes bya ba mngon du byar mi nus pa | dngos po thams cad kyi rgyur gyur pa zhig las byung ngo zhe'o || kha cig rgyu med pa las glo bur du byung ste | de las 'bras bu skyed pa'i bya ba mi 'dod do || zhes char par lta'o || kha cig nu dus kyi dbang las byung ngo zhes dus rgyur lta'o || de la bdag dang bdag gir lta ba thams cad kyang gzhi phung po lta la brten nas lta ste | de yang bdag tu lta ba gcig | bdag gir lta ba gsum ste bzhi | gzhi phung po lngas phye bas 'jig tshogs kyi ri bo nyi shur 'gyur ro || de la bdag tu lta ba ni | 'di ltar gzugs bdag yin te bdag po dang 'dra zhes bya ba nas | rnam par shes pa bdag yin te bdag po dang 'dra zhes bya ba'i bar du'o || bdag gir lta ba gsum la | phung po lnga bdag gir byed par lta ba ni | gzugs bdag gi yin te bran dang 'dra zhes bya ba nas | rnam par shes pa bdag gi yin te bran dang 'dra zhes bya ba rnams so || bdag phung po lnga dang ldan par smra ba ni bdag gzugs dang ldan te rgyan dang 'dra zhes pa nas | bdag rnam par shes pa dang ldan te rgyan dang 'dra zhes pa rnams so || phung po lnga bdag gi gnas su lta ba ni | bdag gzugs la gnas te snod dang 'dra zhes pa nas | bdag rnam par shes pa la gnas te snod dang 'dra zhes bya ba'i bar du lta ba rnams so || de la bdag gir lta ba 'di rnams la | kha cig bdag dang phung po 'brel zhing ldan par smra'o || kha cig {a5} bdag gzugs dang ldan pa ma yin sems dang ldan pa ma yin zhes smra'o || kha cig ni bdag gam skyes bu ni gdod ma nas rang dag par byung bas gang gis kyang ma bskyed pa | skye ba ma yin | byas pa ma yin | gang yang mi skyed pas rang bzhin rgyu ma yin te | de bas na skyes bu mngon par 'dus ma byas pa skye ba med pa | 'gag pa med pa | ka dag pa'i rang bzhin du gnas pa | dus gsum du 'pho 'gyur med pa ste | 'di la rtag tu goms par byas na grol bar 'gyur ro zhes drang srong ser sya ba smra ste | drang srong ser skya ba'i lung nas rang bzhin gang zhig mthong ba min || yon tan gsum tshogs kun tu skyed || de las bzlog pa skyes bu nyid || de la rtag tu goms par gyis || zhes 'dod de de ltar lta'o || rnam par shes pa nyid bdag tu lta ba'i rigs las | rig byed kyi mtha' gsang bar smra ba zhes bya ba ni | 'di skad du srid pa gsum gyi 'gro ba thams cad dang rnam par grol ba thams cad kyi sems ni gcig pa yin | rtag pa yin | rang bzhin dag pa iyn te tha dad du dbye ba med do || 'jig rtten sna tshogs su snang ba thams cad kyang sems nyid yin te | 'on kyang sems kyi rang bzhin sna tshogs su 'gyur ba med do || de la brgal ba | 'o na 'gro ba gcig grol bas kun grol bar ji ltar mi 'gyur | 'gro ba gcig bcings pa dnag sdug bsngal bas kun bcings pa dang sdug bsngal bar cis mi 'gyur zhes rgyud tha dad du 'dod pa rnams kyis brgal ba dang | de la 'di skad du | 'o na bum pa gcig gi nang dri mas gang bar 'gyur ram bum pa gcig gi nang du bcud dang sman gyis gang bas | nam mkha' bcud dang sman gyis gang bar 'gyur ram | 'gro ba bcings pa

dang grol bar mthong ba ni sems kyi rang bzhin ma mthong bas | grol ba dang bcings pa tha dad du mthong bar zad de || sems kyi rang bzhin mthong na tha dad med de thams cad gcig pa yin no || gcig po de ni sna tshogs thams cad du khyab pa | rtag pa | dag pa yin no || zhes lta'o || lta ba de rnams las sangs rgyas bcom ldan 'das kyis bsngags pa 'jig rten gyi lta ba thams cad kyi mchog tu gyur pa ni | bdag 'ba' zhig pa'i stong pa zhes bya ba de {a6} yin par bshad de | de'i lta ba ni 'di skad du | 'jg rten phyi nang gi dngos po las dang nyon mongs pa'i dra bas kun nas dkris pa'i bslu ba yid brtan du mi rung ba 'di ni | yang dag par yod pa ma yin te | yang dag par yod pa ni | bdag ces bya ba phra ba mi gsal ba skra'i rtse mo 'bum gyi cha tsam zhig lus so || de yang phra ste de ni mkhas pa rnams kyis kyang rtogs par dka' ba | mi gsal te de ni lha dang lha ma yin dang mi la sogs pa'i blos mngon du byar mi nus pa | lha chen po thams cad mkhyen pa rnams dang | drang srong chen po lnga mngon par shes pa dang ldan pa rnams kyis bshad pa'i lung gis grub pa las dang yon tan tsam las rjes su dpag par bya'o || de yang rang bzhin ni mi 'gyur gnas skabs ni 'gyur du rung ste | bdag kun nas nyon mongs par yang 'gyur du rung | rnam par byang bar yang 'gyur du rung ngo || de la bdag kun nas nyon mongs par byed pa ni bda gi beyd pa ngan pa | yid la bya ba ngan pa la zhugs pas | 'dod pa la chags shing sred pa'i dbang gis mi dge ba bcu'i lam la spyod cing | 'dod pa'i yon tan lnga la chags shing zhen pas sred pa dang | mtshan ma sna tshogs su 'dzin cing zhen pa'i dbang gis | bdag de kun nas nyon mongs par 'gyur ro || bdag de rnam par byang bar byed pa ni bdag gi byed pa bzang po | yid la bya ba bzang po la zhugs pas sdig to mi dge ba'i chos rnams spangs te | dge ba bcu'i las kyi lam yang dag par blangs nas | 'dod pa thams cad la ma chags pa'i drang srong gi dka' thub bzang ba dang | bsam gtan gyi ting nge 'dzin thob par byas te | mtshan ma ci yang mi 'dzin pa'i snyoms par 'jug pa la gnas pas bdag rnam par byang bar 'gyur ro zhes 'dod do || spyir rtag chad gnyis su lta ba'i gzhi ni | rtag par lta ba rnams ni tshangs pa chen po rtag | dbang sgyur gyi lha rtag bdag rtag | rang bzhin rtag | rdul phra rab rtag | de rnams las mi rtag pa'i 'jig rten mngon par grub bo zhe'o || chad par lta ba rnams ni | rgyu med | 'bras bu med | byed rtsol med | yon tan khyad par can med do zhes 'dod do || lta ba de dag thams cad bsdus nas sangs rgyas pas 'jig rten pa'i lta ba zhes btags te | gang gi phyir de dag kun {a7} gyis bdag tu lta ba ma btang bas | 'jig rten las 'da' bar mi nus te | 'di ltar bdag byed pa la chags pa'i blo'i rum du zhugs pas de'i bya ba ngan pa rnams kyang mi ldog go || de ltar las ma log pas las kyi rnam par smin pa'i tshe mi ldog ste | las dang tshe las mi grol na thar ba thob par mi 'gyur ro zhes sangs rgyas pa 'dod do || sangs rgyas pa rang gi gzhung gis 'jig rten phyi nang gi dngos po 'di | rgyu dang 'bras bu'i mtshan nyid ni theg pa che chung med pas mthun par rten cing 'brel te 'byung ba'i mtshan nyid du smra ste | 'di skad du | 'jig rten phyi nang gi dngos po 'di dag ni | dbang phyung gis ma sprul | byed pa pos ma byas | rang bzhin las ma byung | rgyu med pa las ma byung | dus kyis ma bsgyur te | rgyu rkyen rten cing 'brel te 'byung ba'i mtshan nyid tsam las grub pa | rgyu 'bras bu la ltos | 'bras bu rgyu la ltos te | rang grub pa med pa | rgyu dang rkyen 'tshogs na ni 'bras bu skye ba | ma 'tshogs na ni skye bar yang mi 'gyur ba | rgyu la bar chod kyi gegs mi srid pa'i rgyu yang mi srid de rkyen la rag las pa tsam mo || de lta bas na | 'jig rten kun 'byung ba dang | sdug bsngal gyi chos thams cad

las 'das nas | phung po ma lus pa'i mya ngan las 'das pa'i dbyings su 'gyur du rung ngo zhes 'dod pa ni mthun no || de bas na sangs rgyas pa thams cad nyon mongs pa rnams kyi rtsa ba 'jig tshogs la lta ba yin te | 'di spangs nas stong pa dang bdag med pa'i lta ba gnas te | rnam par thar pa'i sgo gsum po stong pa nyid kyi ting nge 'dzin dang | mtshan ma med pa'i ting nge 'dzin dang | smon pa med pa'i ting nge 'dzin la gnas pas grol bar 'dod pa mthun no || de la sangs rgyas pa nang gi bye brag ni | nyan thos dag 'di skad du | 'di ni phung po tsam nyid de || bdag ni nam yang yod ma yin || dbang po'i grong khyer khams rnams kyis || 'jig rten don med rnam par nyams || 2 zhes zer te | 'jig rten phyi nang gi dngos po 'di la bdag ces bya ba ni skra'i rtse mo 'bum gyi cha tsam yang gtan med de | phung po tsam du zad pas bda gcig pu med de du ma 'dus pa tsam mi rtag pa'i mtshan nyid do || de yang gnyen pos bcom na de lta bu'i blo mi 'byung ba dang | blo yis gzhan {a8} bsal na de lta bu'i blo mi 'byung ba ni | kun rdzob tu yod pa de las bzlog pa ni don dam par yod pa'o || zhes 'dod do || de la bye brag tu smra ba dang | mdo sde pa lta ba mi mthun pa smra ba ni | bye brag tu smra ba ni lung bye brag bshad mdzod chen po zhes bya ba la brten nas | chos thams cad la rdzas su yod par smra ba pa zhes bya ste | de yang chos phung po dang khams dang skye mched kyi gzhi las 'dus byas thams cad mi rtag pa dang | 'dus ma byas gsum rtag pa dang| dbang po dang yul gyi zhi las | rdul phra rab dbyibs dang mthun pa cha shas dang bral ba don dam par rdzas su yod pa dang | dbang po dang don la brten pa'i blo | don la thung phrad du gcod pa dang | de'i phyir blo rnam pa med par skye'o || zhes bya ba la sogs par smra'o || mdo sde pa ni | mdo spyi'i lung btsan par byed pas mdo sde pa zhes bya ste | de dag ni 'dus ma byas thams cad kyang mo gsham gyi bu bzhi ndu smra | de la so sor brtags pa'i 'gog pa mya ngan las 'das pa'i mtshan nyid kyang mtsho la khyag ('khyag) zhu ba lta bur smra | mi ldan pa'i 'du byed dang | rnam par rig byed ma yin pa'i gzugs dag kyang rdzas med par smra | dbang po dang don du phrad pa'i blo rnam pa dang bcas par skye zhing | dbang po dang don yang kha dog dang mthun pa'i rdul phra rab rdzas su yod do zhes bya ba la sogs pa lta ba mi mthun pa'i bye brag mang du yod la | bye brag du smra ba nyid la yang kha che bye brag tu smra ba dang| yul dbus kyi bye brag tu smra ba la sogs pa yul gyis bye ba yang yod do || gzhan yang phung po dang khams dang skye mched kyi zhi las sde pa'i bye brag gis | rdzas su du yod mi mthun par smra ba mang ste | 'di ltar sde pa kha cig gzugs kyi gzhi las yul lnga dbang po lnga 'byung ba chen po bzhi ste rdzas su bcu bzhi | sems dang sems las byung ba thams cad rdzas gcig yin te bco lnga | mi mthun pa thams cad rdzas gcig yn te bcu drug | 'dus ma byas gsum rdzas gsum yin te bcu dgu zhes 'dod do || sde pa kha cig ni tshor ba dang 'du shes gnyis kyang yod de | de ltar na rdzas nyi shu rtsa gcig go zhes 'dod do || sde pa kha cig ni sangs rgyas kyis gsungs pa'i phung po lnga char rdzas su grub pa yin pas | sems pa yang rdzas su yod do de ltar na rdzas nyi shu rtsa gnyis so zhes 'dod do || {a9}
2

sde pa kha cig ni phung po dang khams dang skye mched kyi gzhi las ji skad du grags pa thams cad rdzas su yod de | chos brgya rdzas su yod do zhes 'dod do || gzhi de nyid las kha cig ni | sems las byung ba'i 'du byed rnams la yang kha cig ni rdzas su yod pa | kha cig ni cha la btags pa ste rdzas su med do zhes 'dod do || de la rdzas zhes bya ba rang gi ngo bo dang nges tshig ni | phyi rol pa bye brag pa'i gzhung las rdzas kyi ngo bo dgur smra ste | 'byung ba chen po bzhi | nam mkha' dang lnga | phyogs dang dus gnyis te bdun | bdag dang yid gnyis te dgu rdzas rang gi ngo bor 'dod do || rdzas spyi'i mtshan nyid du bya ba dang ldan pa | yon tan dang ldan pa | 'du ba'i rgyur gyur pa'o || rdzas kyi nges pa'i tshig ni | dravya ces pa'i sgras yongs su gzung bar bya ba ste | gzung zhing bcang du rung ba'i phyir nor rdzas zhes bya ste | ji ltar 'jig rten phal pa rnams gser dang dngul la sogs pa don che ba'i phyir | rdzas su lta zhing 'dzin par byed la | drang ba'i rdo bcon la sogs pa don chung ba rnams rdzas su mi 'dzin cing mi 'chang ngo || de bzhin du bstan chos kyis blo bsgyur ba'i gang zag lta ba la gnas shing zhen pa rnams | rang rang gi lung dang rigs pa la brten nas | shes bya rnams la blos rnam par gzhal te | gang dang gang ngo bo nyid du grub cing gzung zhing bcang du rung ba mthong ba la rdzas su grub pa zhes 'dod do || de la phyi rol pa'i rdzas kyi gzhi dgu las | nang pa sangs rgyas pa thams cad kyang bdag ces bya ba'i rdzas ni thams cad du gtan med par lta ba ni mthun no || de las nyan thos pa kha cig ni lhag ma brgyad char rdzas su yod par 'dod do || kha cig ni phyogs dang dus kyang rdzas su med de | lhag ma drug rdzas su yod par 'dod do || kha cig ni nam mkha' yang rdzas su med de | gzugs dang yid rdzas su 'dod do || rnam 'byor spyod pa ba ni 'byung ba chen po bzhi yang rdzas su med de | yid 'ba' zhig rdzas su yod do zhes 'dod do || dbu ma pa ni yid kyang don dam par rdzas su med de yang dag par na chos thams cad gdod ma nas skyes pa ngo bo nyid med pa | spros pa thams cad nye bar zhi ba'i mtshan nyid du 'dod do || gsang sngags kyi gzhung yang don dam pa'i mtshan nyid de dang mthun par 'dod de || lta ba'i bye {a10} brag 'di dag kyang rdzas su yod med kyi gzhi las brtsams te | lta ba'i dbye ba mdor bsdus te bstan pa'o ||

gzhan yang theg pa 'og ma dang gong mar grags pa las lta ba mthun pa dang khyad par du dbye ba'i gzhi las brtsams te lta ba'i bye brag bsdus te bstan pa | nang pa sangs rgyas pa'i gzhung du grub pa thams cad lta ba gong 'og gi bye brag dbye ba med kyang | gong ma gong ma rnams 'og ma 'og ma rnams kyi spros pa chod pa'i rigs las bog mi 'don phyir mi ldog go || spros pa ma chod pa'i rigs las spros pa gcad par bya ba yod ying gcod kyang gzhi khyad du mi gsod phyir mi zlog go || de bas na sangs rgyas kyis gsungs pa'i chos thams cad ni ro gcig pa'i tshul gcig las | 'di ltar de bzhin nyid kyi rjes su gzhol ba | de bzhin nyid kyi thog tu 'bab pa sha stag ste | bdag yod par 'dod pa dang med par 'dod pa ltar gzhi tshul tha dad du 'gyur ba med de || 'di ltar bdag med par smra ba nyid kyis dngos po thams cad kyi rtsad kyang chod par gyur pas | theg pa mtho dman thams cad kyang | dngos po'i spros pa je zhir ston par zad de | gzhi tha dad du smra ba med do || de bas na theg pa che chung dang lta ba gong 'og la gzhi lam srol so sor 'gro ba yang med la | 'bras bu so sor grub pa yang med do zhes shes par bya'o || gang dag lam sgo cung zad tha dad du smra ba yang

tshug gcig tu bsdu ru rung ba kho na yin no || de dag kang 'di lta ste nyan thos kyi tshul las phung po khams dang skye mched kyi chos la | gang zag gi bdag med par spros pa bcad pa de la | theg pa chen po pas kyang khyod kyi gang zag gi bdag med pa de bas khyad par du 'phags pa'i bdag med pa lta bu gnyis pa yod do || zhes bogs mi 'byin no || gang zag gi bdag med pa ma yin te yod do zhes phyir mi zlog go || spros pa ma chod pa | phung po dang | khams dang | skye mched kyi chos rdzas su 'dod pa la spros pa gcad par bya ba yod kang | phung po dang khams dang skye mched kyi chos zhes bya ba gang na yod | su la grags | mtshan nyid ni ci zhes khyad du mi gsod do || phung po dang | khams dang skye mched ma yin te | bdag dang 'jig rten yin no zhes phyir {a11} mi zlog go || de nas rnal 'byor spyod pa pas de'i steng du chos rnams gzung ba dang 'dzin par kun tu brtags pa'i dngos pos kun nas stong ngo zhes spros pa gcad pa la | rnal 'byor spyod pa'i dbu ma pa dag | khyod kyi gzung 'dzin gyi dngos por kun tu brtags pas stong pa las lhag pa stong pa nyid gnyis pa bcad du yod do zhes bogs mi 'byin no || gnyis pos mi stong ste gnyis po rdzas su grub pa'o || zhes phyir mi zlog go || spros pa ma chod pas sems dang sems las byung ba gnyis pos stong pa rang rig pa'i skad gcig (cig) ma | yang dag par yod pa la spros pa gcod par byed cing rang rig skad cig ma zhes bya ba gang na yod su grags zhes khyad du mi gsod do || rang rig pa ma yin te bems po yin no ze'am | skad cig ma ma yin te rtag pa yin no zhes phyir mi zlog go || mdo sde dbu ma pa nyan thos mdo sde pa la bogs mi 'bying cing khyad du mi gsod pa dang | phyir mi zlog pa'i tshul yang de dang mthun no || dbu ma rnam gnyis kun rdzob kyi tshul mi mthun pa la | lung dang rigs pa gang che ba ni rgyud dang mdo sde spyi'i gzhung dang | rigs pa'i spyi'i tshul dang | dbu ma'i mkhan po gzhung phyi mo mdzad pa'i slob dpon klu sgrub dang | aryadeva'i gzhung gi chos thams cad don dam par spros pa dang bral ba | yang dag pa'i kun rdzob kyi dbang la kun nas nyon mongs pa dang | rnam par byang ba'i chos spong ba dang blang bar bya ba'i don so so bya ba byed pa rdzas su yod do || zhes 'dod pa la | gsang sngags pa chos thams cad mnyam pa nyid du 'dod pa'ang | 'di skad du khyod kyi don dam par spros pa dang bral ba las lhag par spros pa dang bral ba gnyis pa 'di lta bu yod do zhes bogs mi 'byin no || don dam par spros pa dang bral ba ma yin te | sku'am ye she sam che ba'i yon tan gyi bkod pa 'di lta bu dag don dam par grub pa yod do zhes mi zlog go || kun rdzob kyi mtshan nyid don byed rdzas su 'dod pa la spros pa gcod par byed kyang | kun nas nyon mongs pa dang rnam par byang ba'i chos rgyu rkyen rten cing 'brel te 'byung ba'i mtshan nyid don byed nus pa zhes bya ba gang na yod su la grags zhes khyad du mi gsod do || kun rdzob {a12} kyi chos rten cing 'brel te 'byung ba'i mtshan nyid ma yin te rang byung rang grub tu rkyen la ltos pa med pa yin zhe'am | dbang phyug gis sprul pa'am | byed pa pos byas pa'am | rgyu dang rken med par byung ba'am | dus kyis bsgyur ba'i mtshan nyid can yin no zhes bya ba la sogs par mi zlog go || gsang sngags spyi'i tshul las kun rdzob tu phung po dang khams dang skye mched kyis bsdus pa'i chos rnams | sku dang ye shes kyi dkyil 'khor du sangs rgyas par smra ba yang | phung po dang khams dang skye mched zhes bya ba gang na yod su la grags zhes khyad du mi gsod cing | sku dang ye shes kyi dkyil 'khor yang phung po dang khams dang skye mchod kyi mtshan nyid las 'das te | mi ldan no zhe'am | bdag dang bdag gis byas pa'i mtshan nyid can no zhes bya ba la sogs par phyir mi zlog go

|| 'o na ji ltar zhe na phung po dang khams dang skye mched kyi mtshan nyid du snang bar 'dra yang | yongs su dag par snang ba dang | ma dag par snang ba gnyis || sems 'khrul ba'i bag chags che ba dang chung bar snang ba'i dbang las | dag pa dang ma dag par snang bar zad pas de gnyis ltos te bzhag na | 'khrul ba chung ba'i snang ba ltar bden par 'dod par zad de yang dag par grub pa'i sku dang ye shes cig 'dod na kun rdzob zhes kyang ci'i phyir brjod de | 'khrul pa'i bag chags 'thug sras kyi snang ba tsam du zad do || tha ma rzdogs pa chen po'i tshul las chos thams cad mnyam pa chen po'i ngang du blang dor med par smra ba'ang bden pa gnyis kyi brdas mi ston te | chos thams cad dbyer med par smra la | theg pa 'og ma rnams kyis rang rang so so'i spros pa ji ltar bcad pa rnams || de las lhag pa'i spros pa gcad pa'i bogs kyang mi 'byin la | spros pa dang bral ba ma yin pa sku dang ye shes la sogs lta bu'i dngos po'i ngo bo nyid gcig dang ldan no zhes phyir yang mi zlog go || theg pa 'og ma ba'i spang blang gi rdzas 'dod pa la | spang blang dang bral par spros pa gcod cing gol sgrib sel ber ston yang | gzhi de dag gang na yod su la grgs zhes khyad du mi gsod | bdag gis sprul pa yin no zhes bya ba la sogs par phyir mi zlog go || de bas na sangs rgyas kyi chos thams cad ni ro gcig pa tshul {a13} gcig pa ste | 'di ltar mnyam pa chen po'i ngang du mthar mi 'jug cing mi 'du ba med de | ji ltar chu phran thams cad kyang chu chen po rnams dang 'grogs te | rgya mtsho chen por phyin pa na thams cad lan tsha'i ror gcig pa bzhin du | theg pa 'og ma pa'i sgo phra mo thams cad kyang gang zag gi bdag med par rtogs pa'i chus | dngos por lta ba'i ljon ljin rnams rims kyis ded de | theg pa chen po chen po rnams dang bsdongs nas | mthar rdzogs pa chen po'i rgya mtsho chen por bab pa na | mnyam pa chen po'i ngang du ro mi gcig pa'i mtshan nyid rdul phra mo tsam yang med do || 'di ltar sangs rgyas pa'i theg pa rnams las gong ma gong mas 'og ma 'og ma rnams kyi lta ba la | spros pa chod pa dang ma chod pa'i bye brag las chod pa rnams las bogs mi 'byin pa dang | phyir mi zlog pa gnyis | spros pa ma chod pa rnams las spros pa gcod par byed kyang | gzhi khyad du mi gsod pa dang | gzhi phyir mi zlog pa gnyis te | de ltar tshul bzhi'i sgo nas | sangs rgyas kyis gsungs pa'i chos thams cad ro gcig cing tshul gcig par shes par bya ba dang | lta ba mtho dman gyi bye brag kyang shes par bya ba 'di ni | lta ba'i bye brag mdor bsdus pa phyogs gcig yin te | tshul 'di ni lta ba'i bye brag bshad pa thams cad kyi nang na yang snying po'i mchog tu 'di zug shig | lta ba'i bye brag ji ksad bshad pa de dag ni phyi rol mu stegs can rnams kyi lta ba'i bye brag bshad pa ni spyir grags pa'i gzhung bstan pa'o || nang pa sangs rgyas pa'i lta ba'i bye brag bstan pa de dag ni spyir chos rnams las | phyi rol mu stegs can gyis rdzas kyi dngos po dgu bzhag pa'i gzhi de las | sangs rgyas pa rnams kyis theg pa rim pa rim pas rdzas kyi rim pa rim par spros pa gcad pa'i tshul bstan pa dang | sangs rgyas kyis gsungs pa'i chos thams cad ro gcig pa'i tshul gcig pa 'bras bu tha dad med par mnyam pa chen po'i ngang du ro gcig par bstan pa'o || da ni sangs rgyas pa nang gi bye brag mi mthun pa cung zad bstan par bya ste | de la nyan thos bye brag tu smra ba dang | mdo sde pa ni rdzas yod med du 'dod pa'i skabs su phal {a14} cher bshad zin to | der ma smos pa cung zad bstan na | nyan thos bye [brag] (a=byag) tu smra ba'i gzhung la yang gnas ma bu'i sde la sogs pa kha cig gang zag yod par smra ste | gang zag de dang phung po klu dang chu bzhin du de nyid dang gzhan du med par smra'o || mu stegs can las khyad par du gang zag mi rtag par smra'o || gang zag la rdzus te byung ba'i sems can zhes 'dogs te | des rdul phra rab las bsdus pa'i lus len cing 'dor bar byed do zhes 'dod do || 'di ni sangs rgyas pa'i lta ba thams cad kyi

mtha' rmang gzhi yin no zhes grags so || bye brag tu smra ba phal cher ni gang zag gam sems can zhes bya ba gtan med par smra'o || spyir nyan thos pa ni bdag la chags pa spangs pas grol bar 'dod pa las | chags pa spong ba'i thabs kyi sgo gsum du smra ste | mi sdug pa bsgom pas chags pa spong ba dang | dbugs phyi nang du rgyu ba rjes su dran pa bsgom pas sems mnyam par bzhag pa thob pa'i phyir 'dod par chags pa'i gnyen por gyur te chags pa spongs pa dang | bden pa bzhi'i don bsgoms pas chags pa spongs pa'o || nyan thos dang rang sangs rgyas dang theg pa chen po rnams kyi lta ba dang| ting nge 'dzin dang | spong tshad gsum gyi bye brag mdor bsdus pa ni | nyan thos rnams kyi lta ba ni gang zag la bdag med par rtogs pa'o || ting nge 'dzin ni dmigs pa dang bcas pa'i sa la gnas pa'o || spong tshad ni srid pa kun tu sbyor ba thams cad spongs pa'o zhe'o || rang sangs rgyas rnams kyi lta ba ni | chos las gzugs kyi phung pos bsdus pa'i chos thams cad la bdag me dpar rtogs so || ting nge 'dzin tshig gi don med par rtogs te brjod du med pa'i chos kyi tshul la gnas pas | gzung ba'i rtog pa nyams par byas te | 'on kyang brjod du med do snyam pa'i 'du shes 'jug pas 'dzin pa'i rtog pa ni ma spangs so || spong tshad ni gang ci yang rung ste | kun 'byung ba'i chos de dag thams cad 'gog pa'i chos su shes so zhe'o || theg pa chen po spyir bsdus nas lta ba ni | chos dang gang zag gnyis ka la bdag med par rtogs so || ting nge 'dzin ni gzung ba dang 'dzin pa'i rtog pa thams cad las {a15} 'das te rnam par mi rtog pa'i ye shes thob nas | shin tu rnam par dag pa'i chos kyi dbyings la gnas so || spong tshad ni bag chags kyis mtshams sbyor ba thams cad yongs su spangs te | rnam pa thams cad mkhyen pa'i ye shes thob bo zhe'o || gzhan yang 'di rnams kyi ting nge 'dzin gyi mthu'i bye brag ni | nyan thos kyi ting nge 'dzin ni las kyi tshe rnam par sbyong ba la mthu chung ste | phyi nang gi gnod pas kyang brdzir rung ngo || rang sangs rgyas rnams kyi ting nge 'dzin rnam par sbyong pa la mthu che ste phyi nang gi gnod pas mi brdzi'o || byang chub sems dpa' rnams ni sa dang po thob nas dbang bcu'i gzhi thob ste | de nas rim gyis 'phel nas sa bcu pa la dbang bcu mthar phyin pa'i mthu thob bo || de bzhin gshegs pa ni byin rlabs bsam gyis mi khab ste | mthu'i tshad gzungs ba'i gnas ma yin no zhe'o || rang sangs rgyas kyang gnyis te | tshogs na spyod pa dbang po rtul po grogs la ltos pa dang | bse ru lta bu dbang po rnon po grogs la mi ltos pa ste | 'di dag la yang zhugs pa dang 'bras bu thob pa'i bye brag gis gang zag ni rnam pa bzhi yin la | tshogs bsags pa'i bye brag dang | dbang po rno rtul gyi bye brag dang | ting nge 'dzin gyi bye brag las | mthu'i bye brag kyang yod do zhe'o || rnam par rig pa tsam du smra ba la gnyis te | rnam pa dang bcas par smra ba dang | rnam pa med par smra ba'o || [rnam pa dang bcas par smra ba:] rnam pa dang bcas par smra ba la yang | nang gses kyi bye brag rnam pa gnyis te | rnam pa bden par smra ba dang | rnam pa brdzun par smra ba'o || de dag

la yang rnam pa 'dra gzhi yod par smra ba dang | 'dra gzhi med par smra ba la sogs pa nang mi mthun par smra ba du ma grags mod kyi | mdo 'di dag tsam du 'dus pas 'di dag tsam bshad do || de la rnam pa dang bcas par smra ba zhes bya ba ni | rnam pa'i sgra ni 'dir 'dra snang la bya ste | de yang 'dra gzhi yod par 'dod pa rnams ni | 'dra gzhi dang 'dra ba'i rnam par shes pa skye ba 'dra snang ste | 'dra gzhi med pa na gtan med kyang yod pas | 'dra bar snang ba la 'dra snang zhes bya'o || bsdus na rnam pa dang bcas par smra ba zhes bya ba {a16} phyi rol gyi don med kyang yod pa dang 'dra bar rnam par shes pa nyid | gzung ba dang 'dzin pa'i rnam par dbye ba yod do zhes 'dod do || de la yang 'dra gzhi yod par 'dod pa ni rnam par shes pa las gud na phyi rol gyi don med kyang | sems nyid phyi rol gyi don lta bur snang ba brtan pa zhig yod de | des 'dra gzhi byas nas rnam par shes pa thams cad de'i rnam par skye'o zhe'o || 'dra gzhi med par smra ba ni phyi'i skye mched du snang ba'i rim pa gnyis pa med de | rnam par shes pa nyid don yod par snang ba lta bu'o zhe'o || de la rnam pa bden par smra ba ni | lus dang gnas dang spyod yul du snang ba thams cad sems nyid kyi ngo bo yin pa'i phyir | ji ltar snang ba de bzhin du yang dag par bden pa ste | sems can gyi dus na'ang de bzhin du bden pa nyid yin la | sangs rgyas kyi sa la yang sku dang zhing gi bkod pa thams cad de bzhin du yang dag par bden pa yin no zhe'o || rnam pa rdzun par smra ba ni | sems can gyi dus na yang gzung 'dzin du skye ba'i rtog pa ni yod pa yin la | de ni yang dag pa ma yin pa'i kun tu rtog pa ste | yang dag par na gnyis pos stong pa | rang rig pa'i mtshan nyid tsam du yod la | sangs rgyas pa'i dus na yang | dag pa 'dzin rten pa'i ye shes kun rdzob kyi bden pa'i tshul tsam mnga' ste | 'on kyang yang dag pa'i ye shes ni rnam par mi rtog pa'i ye shes skad cig ma tsam mo || rnam pa med par smra ba ni | sems can kun gyi dus na yang yems dang sems las byung ba gzung 'dzin gyi rnam pa skad gcig tsam yang skye ma myong ste | gsal ba rang rig pa'i mtshan nyid tsam du gnas so || yul dang yul can du snang ba snyam byed pa 'di ni | sems dang de nyid dang gzhan du brjod du med pa ste de nyi dla bag chags zhes bya | gzung 'dzin zhes bya | kun brtags zhes bya'o || gang de nyid dang gzhan du brjod du med pa ni rdzas su yod par mi rung ste | btags pa tsam mo 'phags pa'i dus na yang ngo bo nyid de las bogs dbyung du med de | 'on kyang khyad par ni blo bur ba'i bag chags yod pa snyam byed pa | de dang bral ba'o zhe'o || de bas na 'phags pa'i dus na'ang dag pa 'jig rten pa'i ye shes mi 'dod do || {a17} sangs rgyas pa'i 'dod pa spyir bsdu na | 'jig rten las las skye bar 'dod par 'dra ba las | kha cig [nyan thos pa |] ni las kyi ngo bo nyid las sems pa dang sems pas kun nas bslang ba'i lus dang ngag dang yid kyi las te | las des las kyi bag chags rgyud la bsags pa'i mthus | rnam par shes pa skye ba dang rnam par smin pa mngon par grub pa gnyis skyed do || de la rnam smin mngon par 'grub pa ni | lus dang gnas dang spyod yul du smin cing grub pa 'di nyid yin no || de nyid sems kyi dbang las grub pa yin yang || bag chags kyi 'bras bu sems las gzhan du smin pa yin no ||

de nyid dmigs pa'i rkyen dang bdag po'i rkyen byas pas || bag chags gang gis rnam par shes pa skyed par byas pa'i bag chags des | rgyu'i rkyen byas nas rnam par shes pa yul la dmigs shing skye'o || zhes zer ro || kha cig [sems tsam pa|] ni las kyi bag chags sems kyi rgyud la bsags pa ni bden na | de nyid kyi phyir bag chags kyi 'bras bu yang sems kyi rgyud nyid la smin par rigs te dper na zhing la sa bon btab pa 'bras bu ri'i rtse mo la smin pa ga la srid | de bas na las kyi bag chags sems kyi rgyud la bsags shing smin pa'i sems de nyid lus dang gnas dang spyod yul ltar rnam par smin pa yin no || de bas na ji srid du chos su brtags shing grags pa thams cad sems nyid gyur pa yin no'zhe'o || de la yang bag chags kyi dbang gis sems nyid yul lta bu zhes pa dang | yul lta bur snang ba de kho na bag chags smin pa yin pas | sems kyi yul bag chags yin no zhes pa dang | gzhan yang 'jug pa'i rnam par shes pa sems las byung ba dang bcas pa'i bag chags kun gzhi la bsags pa dbang du gyur cing mthur gyur pa na | kun gzhi'i rnam par shes pa nyid 'bras bu'i ngo bo rnam par smin pa ste | de nyid lus dang gnas dang spyod yul du snang ba yin no || snang ba de nyid kyis 'jug pa'i rnam par shes pa'i bdag po'i rkyen dang yang dmigs pa'i rkyen yang byed do || 'jug pa'i rnam shes rang gis bzhag pa'i rgyu mthun pa'i bag chags kyis rgyu'i rkyen byed do zer ro || bsdus na gzhung 'di dag kun phyi rol pa ltar dbang phyug dang | bdag dang | rang {a18} bzhin pa sogs pa rgyu gzhan du mi tshol te | rnam par shes pa rang gis bsags pa'i las rang la skye | rang gi gnas dang spyod yul kyang grub par 'dod par 'dra bas | lhag par rtsod sgo chen po med do || [dbu ma pa ni |] ji skad du 'dod pa bshad pa 'di nyid lta ba'i gzhir bhag nas kun rdzob kyi bden par smra ba | de nyid rigs pa dam pas gzhal na | ji ltar snang zhing myong ba de ltar yang dag par grub pa med de | spros pa dang bral bar smra'o || de yang don dam pa'i lta ba mthun yang kun rdzob kyi bye brag gis | mdo sde dbu ma dang | rnal 'byor spyod pa'i dbu ma gnyis su gyes so || de la mdo sde dbu ma ni | kun rdzob nyan thos mdo sde pa dang mthun pas | tshul tha dad du ma yang med | 'phags pa'i dus na yang phung po ma lus pa'i mya ngan 'das pa'i dbyings su yongs su mya ngan las 'das par smra ste | 'di ltar shes rab kyi pha rol tu phyin pa 'bum pa las | ji skad du de la byang chub sems dpa' sems dpa' chen po'i theg pa chen po ni sangs rgyas kyi chos ma 'dres pa bco brgyad ste | bco brgyad gang zhe na gang gi mtshan la bla na med pa yang dag par rdzogs pa'i byang chub tu mngon par rdzogs pa sangs rgyas pa dang | gang gi nam la lha dang bcas bdud dang bcas dge sbyong dang bcas | bram ze dang bcas pa'i 'jig rten sdug bsngal thams cad zad pa'i rjes su bstun te | phung po ma lus pa'i mya ngan las 'das pa'i dbyings su yongs su mya ngan las 'das pa'i bar du | de bzhin gshegs pa la 'khrul pa mi mnga' 'o || ca ci mi mnga' 'o || zhes bya ba la sogs par gsung te | de ltar na byang chub sems dpa' srid pa tha ma pa'i lus ni smon lam gyi las kyis bsgrub pa rnam par smin pa'i lus kyi tha ma byang chub sems dpa'i rgyud kyis bsdus pa des | gang gi nam la ting nge 'dzin nam | dpa' bar 'gro ba'i ting nge 'dzin brnyes nas bdud bzhi las rgyal te | mngon par rdzogs par sangs rgyas nas sangs rgyas zhes bya | bde bar gshegs pa zhes bya ste | sangs rgyas kyi chos ma 'dres pa bco brgyad dang ldan no || de nas gang gi nam la phung po ma lus pa'i dbyings su yongs su mya ngan las 'das nas so sor brtags pa'i 'gog pa zhes bya | mya ngan las

'das pa zhes bya | chos kyi dbyings rnam par {a19} dag pa zhes bya ba'i gzhung 'di 'dzin to || rnam 'byor spyod pa'i dbu ma ni | kun rdzob sems tsam dang mthun par smra bas | sems tsam la don dam pa'i lta ba'i bye brag mang du yod pa la brten nas | rnam 'byor spyod pa'i kun rdzob kyi lta ba'i bye brag kyang sna tshogs su 'dzin to || de'i dbang gis sems can gyi dus na yang shes bya'i mtshan nyid sna tshogs su smra la | 'phags pa'i dus na yang kun rdzob kyi mtshan nyid | de bzhin gshegs pa la sku dang | ye shes dang zhing gi bkod pa la sogs pa gzhung rnams las ji ltar grags pa las | de dang mthun par smra te | kha cig [dbu ma'i] ni phung po khams dang skye mched kyi chos thams cad dang ldan te | de yang 'gro ba drug gi dbang po drug dus gcig tu bsdus pa bzhin du thams cad gzigs so || mkhyen to || longs spyod do zer ro || kha cig ni gzugs kyi chos las ni 'das te | dag pa 'jig rten pa'i ye shes kyi spyod yul du | rnam pa ni thams cad mkhyen | dngos su dbang po dang don gyi longs spyod pa ni mi mnga' 'o zhes zer ro || kha cig ni rnam par mi rtog pa'i ye shes kho na tsam ste | mnya snang thams cad dang bral lo zhes zer ro || kha cig ni sangs rgyas kyi mtshan nyid de lta bu zhig na sems tsam pa nyid dang khyad ci yod | ye shes dang ye shes kyi spyod yul de kun rdzob yin par khas len pa ni bzang na | de phyin ci log dang ldan pa zhig gam bral ba zhig | gal te ldan pa zhig na ni sangs rgyas su yang ji ltar rung | gal te bral pa zhig na ni phyin ci log med pa zhes bya ba dang | yang dag pa zhes bya ba dang | dam pa'i don zhes bya ba ni rnam grangs tsam du ma zad dam | phyin ci log ni med la | rig pas kyang gnod ces bya ba 'di su'i lung | phyin ci log med pa'i dngos po skye 'gag yod na don dam par chos thams cad gdod ma nas skye ba med pa | ngo bo nyid med pa | spros pa nye bar zhi ba zhes 'byung ba de chos can | gang gi chos su gzhag go || de bas na bcom ldan 'das kyi mdo las | ji ltar na nu rnam par grol || zhes pa'i lan du | sems ni ngo bo nyid med phyir || rgyu dang 'bras bu rnam spang zhing || las dang tshe las rnam grol na || nam mkha' lta bur 'gyur ba yin || zhes gsungs {a20} pa yin te | gal te yang dag par na sems dang ngo bo nyid cig yod par bden na ni | yang dag par thob pa'i sangs rgyas kyang rgyu dang 'bras bu'i dngos po zhig tu grub par rigs la | de ste yang dag par na sems ngo bo nyid med par bden na | yang dag par thob pa'i sangs rgyas kyang spros pa thams cad zhi ba'i mtshan nyid du rigs so || de bas na shes bya yongs su gcod pa'i dus na | yang dag par na chos thams cad gdod ma nas ma skyes par smra ba rnams kyis | yang dag pa'i dus na | rgyu dang 'bras bu'i dngos po skye ba'i mtshan nyid khas blang du mi rung ngo || de bas na sangs rgyas kyi sa ni chos kyi dbyings rnam par dag pa tsam mo || dbu ma'i lta ba mdor bsdu na | ma ya ste sgyu ma lta bur 'dod pa dang | apratisti te rab tu mi gnas par 'dod pa'o || de la sgyu ma lta bu ni phyi nang gi dngos por snang ba rnams la | rigs pa dam pas gzhal zhing brtags na | yang

dag pa'i dngos po yang mi rnyed la | mngon sum du dmigs pas gzhal na rgyu dang 'bras bu'i dngos por yang de bzhin du bden te | bden pa 'di gnyis ka yang khyad du gsod du mi rung bas | bsdus na dngos po rnams kyi chos nyid ni | ngo bo nyid sgyu ma lta bu'i chos nyid ni bden no zhes 'dod do || rab tu shin tu mi gnas pa ni chos thams cad la ming dang brda dang tha snyad kyi mtshan nyid sna tshogs su bstan cing | rnam par bzhag kyang ji lta bu'i mtshan nyid du'ang gnas pa mi 'grub ste | rags pa a cad ches kyi | tha na rab tu phra ba zhe'am | shin tu zab pa'i gnas gcig la yang mi gnas mi rten pas | rab tu shin tu mi gnas pa zhes bya'o || 'di ni shes bya yongs su gcod pa'i dus na'ang 'di ltar gcod la | sangs rgyas kyi sa'i dus na'ang chos kyi dbyings rnam par dag pa spros pa yongs su zhi ba'i mtshan nyid du 'dod do || da ni gsang sngags kyi gzhung las grags pa'i lta ba cung zad brjod par bya ste | don dam par skye 'gag med par 'dod pa ni dbu ma dang mthun no || kun rdzob tu phung po khams dang skye mched sgyu ma tsam du lta ba'ang mthun no || bye brag tu na sgyu ma'i mtshan nyid {a21} de dag kyang yongs su dag pa'i lha'i mtshan nyid du lta ba dang | bden pa gnyis kyang dbyer med par lta bas bye brag tu byas pa'o || gzhan yang dbang po rnon po'i spyod yul yin pa dang | thabs mkhas pa'i spyod yul yin pa dang | snying rje chen pos gzhis zin pa'i spyod yul yin pa la sogs pa khyad par du ma yod mod kyi | mdor bsdus na de dag kun tshang zhing 'dus pa'i rig sngags dang gsang sngags mnyes par bya ba'i sgo nas bdag dang gzhan gyi don thams cad rdzogs par grub par lta'o || de la nang gses kyi bye brag ni | bya ba rgyud kyi tshul gyi ltar lta ba yang chos nyid dag pa'i sgo nas lhar lta zhes grags te | de yang bden a gnyis dbyer med par lta ba'i mthas grub ste | chos nyid sangs rgyas yin na | chos can sangs rgyas ma yin par mi rung ste | chos can gyi ngo bo nyid chos nyid yin pa'i phyir | chos can dang chos nyid sangs rgyas pa yin zhing | bdag dang sangs rgyas dbyer med par rtogs shing | ci yang mi gnas ci la yang mi len pa'i shes rab dang ting nge 'dzin ni sangs rgyas kyi lam yin par nges pa don gyi mdo sde las kyang 'byung ste | 'di ltar sdong po brgyan pa'i mdo las | gang zhig bdag dang sangs rgyas rnams || rang bzhin mnyam par rag gnas shing || mi ngas len pa med pa de || de dag bde bar gshegs par 'gyur || gzugs dang tshor ba 'du shes dang || rnam par shes dang sems pa rnams || grangs med de bzhin gshegs pa rnams || de dag thub pa chen por 'gyur || zhes gsungs pa lta bu yin no || de bas na yongs su dag pa'i lha'i rang bzhin yin pa la de bzhin du bsgom zhing bsten pas de nyid 'grub par 'gyur te | bdag dang gzhan gyi don spyod par nus so || spyir sangs rgyas pa'i gang zag gi spyod pa yang theg pa chung ngu ba ni | sngon gyi 'phags pa dgra bcom pa rnams kyi rjes su slob po || theg pa chen po pha rol tu phyin pa'i tshul gyis ni | sa chen po la gnas pa'i byang chub sems dpa' rnams kyi rjes su slob bo || gsang sngas kyi tshul gyis ni sangs rgyas kyi rjes su slob ste | de yang theg pa 'og ma pa ltar rang bzhin tha dad pa'i rjes su slob pa ma yin gyi | sangs rgyas rnams kyi rjes su slob bo || de la kriya dag pa chos nyid kyi ltar lta ba zhes ba ba dang | yoga de'i steng du {a22} rdo rje sems dpa' mi gnas pa'i ye shes chen po'i byin gyis brlabs kyis thams cad du khyab cing byin gyis brlabs pa'i lha yin pa dang | rnal

'byor chenpo de gnyi ga'i steng du lhun gyis grub pa'i gzugs brnyan gyi dkyil 'khor du lta ba dang | rdzogs pa chen po bya rtsol dang blang dor thams cad dang bral bar lta zhes bya ba 'di rnams bden pa gnyis dbyer med par lta ba'i gzhi las byung bar mthun yang | thog ma med pa'i dus nas dngos bdag gi rnam rtog zhen pa'i dbang gis lta bas chod kyang | spyod pa nyams su len pa'i dus na | khu 'khrig che chung zlog pa dang ma bzlog pa'i dbang las | de dang mthun pa'i sgo so sor bstan par zad de | 'di ltar bya ba'i rgyud las dngos grub rab 'bring thob pa'i rgyu yang | gtsang sbras gzhi bzung ba'i dka' thub rab 'bring gsum | sngar bsags pa'i bsod nams kyi las rnam par smin pa las byung ba rab 'bring gsum dang | sems mnyam par bzhag pa rab 'bring gsum dang | dad pa rab 'bring gsum las dngos grub rab 'bring gsum 'byung bar bshad do || rnal 'byor gyi rgyud las dngos grub rab 'bring gsum 'byung bar bshad do || rnal 'byor chen po'i tshul las dka' thub dang skal pa gnyis ga med kyang lhag ma gnyis rab 'bring gsum las dngos grub rnam pa gsum 'byung bar bshad do || de bas na lta spyod kyi bye brag gi khyad par 'di dag kyang | dngos dag gi zhen pa che chung gi snod kyi dbang du gsungs pa ste | chos rnams kyi mtshan nyid la ngo bo nyid so sor grub pa ni med par shes par bya'o || de bzhin du mtshan nyid kyi theg pa'i lta spyod kyi bye brag snod kyi dbang du gsungs par zad de | chos kyi mtshan nyid la rgyu rang grub dang | rkyen rang grub dang | 'bras bu rang grub so sor spyad dgos pa yod par mi blta ste | 'di ltar shes rab kyi pha rol tu phyin pa las | gzugs rang bzhin gyis stong pa zhig ma yin na ni | theg pa chen po 'dis kyang lha dang mi dang lha ma yin du bcas pa'i 'jig rten zil gyis mnan te mi 'byung ba zhig na zhe'am | chos thams cad chos kyi dbyings ma yin na ni | byang chub sems dpa' sems dpa' chen po {a23} shes rab kyi pha rol tu phyin pa la bslab cing mngon par rdzogs par 'tshang rgya par mi 'gyur te | zhes gsungs pa lta bu yin no || de bas na mdor bsdu na gong du sangs rgyas kyis gsungs pa'i chos thams cad ro gcig pa tshul gcig par smos pa'i skabs bzhin du theg pa mtho dman thams cad la | chos thams cad la bdag med par lta ba las tshul tha dad med do || lam thams cad la rnam par thar pa'i sgo gsum la rten pa las tha dad med do || lam gyi grogs thams cad snying rje chen pos gzhi bzung ba'i thabs la mkhas pa'i spyod pa la rim gyis bslab pa ma gtogs pa lam gyi grogs tha dad med do || mthar thug pa'i 'bras bu thams cad la yang dag par rdzogs pa'i sangs rgyas ma yin pa | mthar thug pa zin pa'i 'bras bu gzhan med do || sangs rgyas kyi sa la yang lam so so nas bsgrub pa'i dbang gis | sangs rgyas kyi 'bras bu so so bye brag mi 'dra ba thob pa gang yang med do || chos thams cad kyi ngo bo nyi dchos kyi dbyings yin pa'i phyir | gang zag gi rgyud rigs tha dad med do || gzhung las rigs kyi dbye ba gsungs pa yang rkyen gyi dbang gis gnas ngan len gyi bag chags dang rnam pa dkar ba'i bag chags 'thug srab kyi dbang las de ltar bstan par zad do || da ni lta ba'i bye brag di dag gi dgag sgrub kyi rigs pa cung zad brjod par bya ste | de yang rang gi lta ba sgrub cing 'og ma'i lta ba 'gogs pa na | nyan thos pa mu stegs kyi lta ba sun 'byin pa'i skabs su | 'di skad du | so so'i skye bo 'jig rten pa thams cad lhan cig skyes pa'i bdag tu lta ba dang ldan gyi steng du | khyed ykis lhag par kun tu brtags pa'i bdag gis bsnan na yang | bdag tu lta bar 'dzin pa na | gzhan thams cad las log pa'i phyir | bdag gcig pur 'dzin | las dang bya ba thams cad rag lus pa'i phyir | bdag byed pa por 'dzin | skye gnas thams cad du 'jug cing 'pho ba'i phyir | gang rag rtag par 'dzin | de bzhin thams cad du 'jug pas khyab par 'dzin pa dang | 'phro gzhir gyur pas snying por 'dzin pa yin la | rten gyi phung po la dmigs te bdag dang bdag gir lta ba yin na | phung

po la ni khyed 'dod pa'i bdag de lta bu shes pa gang gis {a24} kyang ma dmigs te | 'di ltar gzugs ni 'byung ba chen po rdul 'dus pa tsam | phyigs kyi cha can du dmigs pa las | yan lag can gyi rdzas gcig pu cha med pa ma dmigs so || sems ni tshogs drug sems las byung ba dang bcas pa | dmigs pa dang rnam pa'i cha can du dmigs te | spyi khyab pa'i rdzas ni ma dmigs so || de bas na phung po la bdag gcig pur 'dzin pa nyams so || bdag med pas bdag de yang byed pa po yang ma yin te | phung po nyid rgyu dang 'bras bu'i dngos por gnas par mngon sum dang mi dmigs pas grub pas | byed pa po yang ma grub la | gang zag rtag pa yang ma grub bo || de ltar na spyi'i rdzas ma grub pa nyid kyis | khyab pa yang mi 'grub la | gcig pur bzhag pa yang ma grub pas | snying po yang mi 'grub ste | da lta phyi nang gi dngos po | dbang po'i mngon sum dang | rang rig pa'i mngon sum gyis grub pa 'di ni | 'di ni phung po tsam nyid de || bdag ni nam yang yod ma yin || zhes bdag ni med chos tsam ni yod par sgrub bo || 'di lta bu'i rigs pa re re'i ngor byas te | lta ba'i rim pa rnam par gzhag par zad kyi | rigs pa'i shugs brdas na ni nyan thos kyi phung po la gcig pa | bye dpa po med pa | gang zag med pa | spyi'i rdzas med pa | snying po'i rdzas med pa | 'di nyid kyis mthar gtugs na chos thams cad la snang ba dmigs kyang | gcig pur bzhag ma mi rnyed | byed par bzhag ma mi rnyed | gang zag tu bzhag pa mi rnyed | spyir bzhag pa mi rnyed | snying por bzhag pa mi rnyed de | gal te phung po la de lta bu zhig rnyed par gyur na ni | bdag gi ngo bor grub par 'gyur ro || gal te ma rnyed na ni chos sna tshogs su gzhag pa'i gzhi yang mi rnyed de | 'di ltar gcig ma grub pas du ma'i gzhi mi rnyed de | du ma'i blo yang tha snyad kyi blor 'gyur ro || byed po ma grub pas las dang bya ba thams cad mi 'grub ste | 'du byed thams cad ngo bo nyid kyis ma skyes par 'gyur ro || gang zag ma grub pas gang zag gcig gi shes pa'i rgyud kyis bsdus pa'i phung po'i rgyun yang | bdag tu lta ba'i sgyu 'phrul tsam du 'gyur ro || khyab pa ma grub pas spyi'i mtshan nyid mi 'grub bo || snying po ma grub pas rang gi mtshan nyid gzhag pa mi 'grub bo || rtag pa ma grub pas rgyu dang 'bras bu thams cad gzhan dang gzhan du {a25} 'gyur te | rang gis ni chos gnyis la khyab tu mi rung ngo || rang zhes bya ba gcig pu bzhag pa ma rnyed pa tsam gyis | de las ltos pa'i gzhan du gzhag pa mi 'grub la | rang dang gzhan du gzhag pa ma grub na | rgyu dang 'bras bu'i dngos po thams cad kyang ngo bo nyid med pa nyid du grub par 'gyur ro || 'di skad du || skye ba shes pas 'jig pa shes || 'jig pa shes pas mi rtag shes || mi rtag nyid la 'jug shes pas || chos kyi dam pa rtogs par 'gyur || zhes slob dpon klu grub kyi zhal nas gsungs pa'i tshul yang de 'dra'o ||# sdong po brgyan pa'i mdo las | byed pa po la chags pas las rnams yod par 'gyur te | byed pa po med na las yang dag par yod par mi 'gyur ro ||

zhes gsungs pa'am | gzhan du na | bdag tu 'dzin pa yongs su spangs nas ni || chos su 'dzin par byed pa gang yang med || bdag 'dzin sgyu mkhan yod kyi bar du ni || ro 'dra'i zhi gnas thob kyang grol mi 'gyur || zhes pa'am | gang zag la bda gmed par rtogs pas bag chags la sogs pa'i gnas med zhes gsungs pa lta bu don 'dra ste | gang zag gi bdag 'dod pa'ang phung po la dmigs te | dngos gzhi gcig 'grub par 'dod pa yin la | chos kyi bdag 'dod pa'ang | phung po la dngos gzhi zhig 'dod pa yin te | de bas na ji srid du chos kyi ngo bo 'dod pa ma btang gi bar du gang zag gi bdag kyang gtong bar mi 'gyur ro || gang gi tshe gang zag gi bdag lhag ma ma lus pa btang ba de'i tshe | chos kyi bdag shin tu phra ba'i cha yang rnyed par mi 'gyur ro || de nyid kyis dngos med pa'i ngo bo nyid kyang rnyed par mi 'gyur te | tha snyad thams cad las 'das pa'i blo 'di ni | stong pa nyid kyi don shes pa zhes bya ste | 'dis mya ngan las 'das par 'gyur ro || ji skad du | gang gis stong nyid mi shes pa || de yis mya ngan 'das mi shes || de phyir dngos dang dnogs med pa || 'jig pas stong nyid shes par bya || zhes gsungs pa lta bu yin te | dngos por lta ba ma log par || mtshan nyid kyi blo ldog par mi 'gyur ro || de ma log na sred pa'i blo ldog par mi 'gyu ro || ji srid du sred pa ma log pa de srid du |[|] srid pa kun tu sbyor ba ldog par mi 'gyur ro || 'di ni gang zag la bdag med par rtogs pa'i shugs kyis | chos mnyam pa nyid du lam {a26} bstan pa yin no || mdor na nyan thos kyi gang zag gi bdag gcig rtag bshig pas | rang gi chos kyi mtshan nyid 'jig go || sems tsam gyis phyi rol gyi rdul phra rab la phyogs cha'i gnod pa bsgrub pas | rang gi sems dang sems las byung ba'ang rnam pa dang dus kyi cha shes kyi gnod pa 'grub bo || rdu phra rab la chos can shes pa gang gis kyang ma gurb zhes brgyal na'ang | rang gi sems kyi dus kyi mtha'i skad yig ma | shes pa gang gis kyang ma dmigs so || dus kyi mtha'i skad cig ma lta zhog gi | rnam par shes pa'i khams kyi rgyu ba nyi dkyang rjes su dpag pa tsam gyi yul te | 'di skad du | bzang skyong gis zhus pa'i mdo las gzhon nu sman chen gyis zhus pa'i skabs nas | sman chen rlung gi khams ni | sgra 'ur 'ur por grags pa dang | rtsi shing g.yo ba dang | sa tshub ldang ba

dang | lus g.yo bar byed pa la rjes su dpag gi | rlung gi khams ni mi mthong mi rig go ||de bzhin du rnam par shes pa'i khams de yang | dran pa dang tshor ba dang | sems pa dag las rjes su dpag gi | rnam par shes pa'i khams ni mi mthong mi rig go || zhes gsungs pa yin te | rnam par shes pa nyi dkyang sems las byung ba las | rjes su dpag par bya ba yin na | de'i dus kyi mtha'i skad cig la lta ci smos | de bas na gzugs kyi mtha' rdul phra rab dang | dus kyi mtha' skad cig ma gnyis la | rigs pas gnod pa mtshungs so || de bzhin du dbu mas chos rnams la yang dag par sgrub pa'i rig pa mi bzod de | spros pa thams cad dang bral ba'i rigs pa 'di nyid kyis | rang gi yang dag pa'i kun rdzob kyi rdzas su grub par 'dod pa la gnod de || 'di ltar chos can gyi dngos po gcig la | mtshan nyid gcig gis gcig spangs pa'i 'gal ba gnyis | bden par rtsal mnyam du ni bsgrub tu mi rung la | mi mnyam na ni gcig shos 'khrul pa'i spyod yul du 'gyur | gang 'khrul pa de ni ji ltar snang ba de ltar ma yin pas || rang gi bdag nyid thob par mi 'gyur te || de ltar yongs su bzung bar bya ba ma yin pa de la ni rdzas kyi tha snyad mi 'jug go || lta ba'i bye brag rdzogs so || lta ba'i brjed byang chen po zhes grags pa Dharmabhadras mdzad pa'o || ||