BMA AW An Official Organ of The Bangalore Mizo Association
Registered Under Societies Act of Karnataka No. BLU-S188-2007-08 Date 7 May 2007
Vol. XVI Issue No.36 Bangalore Mizo Association Pathianni Tin Chhuak Chanchinbu Date: 5th December 2010 Phek Khatna
TUALCHHUNG
&& BMCF Zaipawl Retreat
November 26th – 28th khan Peace
Centre, Bagalur ah neih a ni.
Zaipawl member mi 20 chuang an
kal a. Hun hlimawm tak an hmang.
He hunah hian hla zir leh rinna
lama intuaitharna neiin, Zaipawl
Director Rev. R. Lalthanmawia
hnen atangin thusawi tha tak tak
ngaihthlak a ni.
&& Pi Sawmpuii te chhung, kan
member lo ni thin, tuna Bangkok
lama khawsa ta te pawh, Zirtawpni
khan Bangalore-ah lo chhukin
naktuk Thawhtanni hian Zoram
lama Christmas hmang turin an
haw chho ang.
&& TBZ Choir, Mizoram ami te
chuan SAMSA Open Theatre,
Kannada Bhavan, JC Road ah
vawiin tlai dar 6:30pm hian hnam
lam leh zai te an entir dawn.
&& BMA lehkhabu chhuah tur
‘Zoram Thar A Awm Thei Ang
Em?’ tih chu hun reiloteah peihfel
theih beisei a ni. A ngaihnawm
dawn hle a ni.
&& Pu Malsawma, thin cancer
chu nimin khan kan member
thenkhat ten thisen an pe. (phek
thumnaah chanchin kimchang)
&& BMA Directory 2010-2011
Bu khat Rs.50/- in lei theih a ni e.
BMCF INKHAWM
12th December 2010, 3:00pm
Hruaitu: Rev. LH Rawsea
Tantu: Nl. Zoremsangi
Thawhlawm: Pi Thangliani
Special No.: Tv. Michael Lalchhuanliana
Thusawitu: Rev. C. Vanlaldika
Changvawn:
Article
A HMINGAH ISUA
ISUA I SA ANG
(Mat. 1: 20-21; Lk 1: 30-31)
Mi tinin hming kan neih theuh va. Rannungte lamin hming an nei
vek. Khawvela thil awm zawng zawngte thliar hran nan hming hi a
pawimawh a ni. Hming hi tu sak nge? Hming hi Pathian sak ni lovin,
mihring sak a ni tlat. Hming sak theihna hi Pathian thilpek a ni, chu
thu Bible-in min hrilh. “Lalpa Pathian chuan, leiin ramsa tinreng leh
chungleng sava tinreng chu a siam a; tin, thil nung tinrengte chu
Adama hnenah a hruai hlawm a; tin, thil nung tinrengte chu Adaman
an hming a lo vuah apaing chu an hming a lo ni hlen ta a,” tiin (Gen.
2: 19). Heti anga hming sak theihna mihringin a neih hi Pathian
hriatpui leh ruat thlap a ni. Chu nihna ropui tak chu vawiin thlengin
mihring kutah a la awm.
Pathian Fapa mihringa lo chang pawhin hming tur a mamawh. A
hming sa turin mihring bawk a ruat, mihringte hnena hming sak theih
pek hi van lamin an chuhpui lo. Pathian Fapa hming meuh sa turin
mihringte a ring tawk a ni ang. Matthaia ziak dan chuan Lalpa
vantirhkohvin Josefa hnenah “A hmingah ISUA i sa ang,” a ti (Mat.
1: 21); Luka ziak dan chuan vantirhkoh Gabriela’n Mari hnenah, “A
hmingah Isua i sa tur ni,” a ti ve thung (Lk. 1: 31). Josefa sak a ni
emaw, Mari zawk a ni emaw, a lem chuang lo, a satu chu mihring an
ni tho. Isua hming leh a kaihhnawih hi thupuiah neihin i han um zui
dawn teh ang.
Eden huana Adaman thil hming a sak dan leh Isua hming sak a nih
dan hi a dang hret. Eden huanah kha chuan hming nei lo thilsiamte
kha Adama a duh angin a lo sa mai a; Pathian Fapa hming erawh chu
chung lamin a hauh va, lei lamin an sa thung a ni. Eng vangin nge
chung lamin an hauh tlat bik? A nih loh leh engvangin a hming tur
hual sa khiau siin an sak tlang law law mai loh?
Khawvel chhandam hna thawk tur a nih avangin chung lamin an hauh
a ngai a. A nih loh chuan mihringin a hming an phuah sual thei. Tun
hma chuan hming hi mihring nihna phur chhuak tha taka phuah a ni
thin a, chhungkua dinhmun zuia phuah pawh a awm bawk.
Tunah erawh chuan hming kan
inphuah danah ‘a thang mawi
apiangte’ tih ang main a mawi leh
Pathianni hmasa
nalh kan dah pawimawh hle niin a kha BMA Aw
lang. Pathian Fapa hming pawh tihchhuah a nih loh
hi tunlai mite hian an duh anga an avangin vawiinah
phuah tur ni ta se, Pathian Fapa hian phek riatin
hming atana inhmeh lam aiin a kan rawn siam e.
mawihawih ngawt kan thlu hle thei
ang. (phek hnihnaah chhunzawm)
 Vol. XVI Issue No.36 Bangalore Mizo Association
Editor
Mâdawnga Hauhnâr
Phone: +91 98865 27194
Joint Editors
Lalremruati Rokhum
Samuel Buatsaiha
Contributors
Nancy L. Sailo
Rev. LH Rawsea
Circulation Managers
Jenny Vanlalpari
Bethel Pautu
BMA AW lak man:
Thla khat - Rs.20
Thla thum - Rs.50
Thla ruk - Rs.90
Thla sawmpahnih - Rs.180
E-mail: bmanews@gmail.com
Website: www.bangaloremizo.info
I mobile-ah khan JOIN BloreMizo tih type
la, 567678 ah thawn rawh. Bangalore
Mizote tana Hriattirna leh thutharte ilo
dawng thin dawn nia.
Editorial
Chhandamtu Pian Ni
Hunte a lo inher danglam zel a,
Masi thla kan lo chuangkai leh der
mai. Member zawng zawngte hun
kal ta thlir letin, mahni nun kawng
theuh bihchhian a chi viauin ka
ring. Chutih rualin kan hma lawka
Lal Isua piancham, khawvel
chhandam tura a lo pian ni hi
engtinnge awmze nei takin ka
hman ang tih ngaihtuah a hun ta
hle bawk. Awmze nei kan tih chin a
inang lo mai thei e. Krismas hi kan
lo hmang ve nual tawh ang, mahni
tawka hmang tha inti pawh kan
awm theuh ka ring. Awmze nei kan
tih dan ang tawkin ka tihna nih
chu. Mahse han thlir let vang vang
la, awmze nei i tih kha a lo tawk lo
mai thei a sin. Awmze nei chu enge
ni ta ang le? Krismas hman tum
dan leh hman tawh dan tam tak
karah hian min chhandam tura a lo
pianna ni a ni tih hi hre reng ila,
awmzia a nei berin ka hria. He ni
leh a kungkaih, gift exchange,
Santa Clause leh a dang zawng
zawng hi Kross-in a lo hmuah a,
thawhlehnain a delhkilh loh chuan
awmzia a nei tak tak lo. Enge i
ngaihdan ve le? – Joint Editor
Pathianni Tin Chhuak Chanchinbu Date: 5th December 2010 Phek Hnihna
Pathian Fapa hming atana hming dang zawng zawng aia “ISUA” tih
van lamin an lo hauh hi a awm hle. A mite chhandam tura Pathian
sahriak thiha hming atan hei aia inhmeh leh tha leh chuang tur a awm
thei lo. Isua tih hi Grik tawnga Juda hming Josua an ziak dan a ni.
Hebrai tawnga Josua tih chu “Jehovan a chhandam” tihna a ni.
Tichuan Isua tih pawhin a awmze ngai tho, “Jehovan a chhandam” tih
kha a la pu reng. Sam hla phuahtuin, “Tichuan ani chuan Israel-ho
chu an khawlohna zawng zawng ata a chhan chhuak ang,” tiin a lo
sawi tawh a ni (Sam 130: 8). Josefa hnena nau lo piang tur chu
Chhandamtu a la ni dawn a, ani chuan Pathian mite an thil tihsual
laka ata a chhandam dawn tih a hrilh a ni. “A hmingah ISUA i sa
ang,” tih thu chu “Ani chuan a mite an thil thisual lakah a chhandam
dawn sia,” tihin a zui a nih reng hi (Mat. 1: 21). Mihringte chhandam
tura lo kal hian a mite a chhandam dawn a. Chuti ang Chhandamtu
ropui chuan ISUA tih tluka inhmeh hming dang a nei lo. Van lamin
chu hming chu an rawn hauh va, lei lamin a sa ta a ni.
Shakespeare-a khan, “Hmingah hian eng nge awm? Rose hi hming
dang vuah ila, a rimtuina a bo chuang lo,” a ti a ni awm e. Nia, rose
par hi “Derhken” ti pawhin sawi ila, a rimtuina a chuai chuang kher lo
vang. He thu hi pangparah chuan dik mah se thil zawng zawngah a
dik vek lem lo. Pathian thu zir mite chuan hming hi hming a ni satliah
mai lo va, a ruak ngawt hek lo niin an sawi. Hming hian awmzia a nei
a, hming hi a putu nen a inzawm tlat a ni. Mihring ran vulh pakhat
chu “Ui” tiin kan ko chu kan ran vulh zinga ke pali nei, bauh dat dat
thin sawina a ni. Tichuan ui chu, “Buanga” tia kan koh chuan a mei a
hem vat vat ang. A hming bik kha ui a nihna nen a inzawm tlat a, a
hminga kan koh hian ui a nihna a ko chhuak thin a ni.
Hming hi a va pawimawh em! Mi tu emaw hnenah bank-a cheng
nuai sawmnga zet lak chhuah theihna lehkha (check) ka hminga
ziakin pe ila, miin a ringhlelh ang. Chuti ang thova tangka tam lak
chhuah theih lehkha (check) a hmaa mi ang chiah chiah, a rawng leh a
len zawng pawh inang thlap chu mi hausa tak mai hming ziak hnan pe
ila, a dawngtu chu a lawm hle ang. Hming avangin engkim a danglam
vek a ni. “Zan ina kan thuhriltu tur chu Pu Liana a ni,” a tih ai chuan,
“Zanin hian thuhriltu lar tak, Billy Graham-a kan ruai dawn a,” tih
chuan mi tam zawk a ko haw ngei ang. Hming hian awmzia a nei.
Isua hming lek phei chuan a va nei nasat lehzual dawn em!
Hming hian a putu thuneihna a keng tel a, a putu hmangaihna a kalpui
a, a putu inpekna a chelh tlat. Alexander Ropuia hming hian
thuneihna a nei. Naupang tak a la nih laiin khawvel a ngam; mahse zu
heh leh nun lehpchiah avangin kum sawmthum leh pathum mi niin a
boral a, a hming a ropuina a chuai ve nghal. Rom Lalber Kaisar
hming chu a ropui a ni. Rom sipai rual nen ram a la a, a kalna apiang
a su tlang a, tuman an chelh zo lo. Mahse ni khat chu ama thianpa kut
ngei atangin chemte zuma vih a tuar a, hnehin a awm. A hming
ropuina a chuai ve ta. Chuti ang zelin Napoleon-a te pawh an ni e.
Europe khawmualpui chu a kutah a dah a, a hming a ropui. Waterloo-
ah a ngam loh a tawng a, St. Helena thliarkarah a r^tlan a. A hming a
ropui reng ta lo. (phek thumnaah chhunzawm)
 Vol. XVI Issue No.36 Bangalore Mizo Association Pathianni Tin Chhuak Chanchinbu Date: 5th December 2010 Phek Thumna
Khawvela hming ropui nazawng hi an ropui reng lo.
Isua hming erawh a ropui zual zel. Ropuia ngamtu,
hneh tawh leh hneh chung zela ram la tur a ni. Isua
hming hian thiltihtheihna a nei. Khawvel
chhandamtu a ni a, khawvel chanchin kal zel tur
vawngtu a ni a, a ropuina hi engmahin a chhuhsak
dawn lo va, a tichuai dawn hek suh. Lei leh vana
thuneihna zawng zawng a hnena pek a nih tawh tlat
avangin.
Isua, lei leh van lalber hian a hming tihbawrhban a
phal lo. “Lalpa, Lalpa, i hmingin thute kan sawiin, i
hmingin ramhuaite kan hnawt chhuakin, i hmingin
thil mak takte kan ti thin lo em ni, a la ti ang,” a ti
(Mat. 7: 22). Isua hming leh a nihna a inzawm tlat.
A hming ring lo leh a duhzawng ti lo chuan Isua
hminga an tih chhuanin awmzia a nei lo vang. A
hming hi a nihnain a khat a, chumi tihruah chu a
phal lo. Hming hian ken tel a nei takzet a ni. Thutak
leh hmangaihna leh hming thatna a keng tel tur a ni.
(LHRawsea)
-------------------------------------------------------------
Bangalore Mizo
@ Thisen Pe. Nimin Inrinni khan Thin cancer
avanga damlo, Global Care damlo enkawlna hmun a
enkawl mek Pu Malsawma chu heng kan memberte
hian thisen unit khat theuh an pe: V. Lalremruata,
John Vanlalruata, K. Remruatfela, Jacob
Vanlalnghaka. Anni hi KLE a zirlaite vek an ni. Pu
Malsawma leh a chhungte hi i tawngtaipui zel ang
u.
BMCF Area Hrang Hrang Inkhawm
Kan inkhawmna Jesus Calls chu thla khata
Pathianni vawi lina hi an thalai inkhawm hun a nih
avangin inkhawm theih a nilo a. BMCF hruaitute
chuan Area hrang hranga inkhawm ni se an ti a.
Hetiang hian inkhawm hun an nei hlawm.
Area-I: MG Road atanga hmarthlang lam: Anni hi
kan inkhawmna bul Telegu biakinah an inkhawm a.
Pheikhawk phelh thlapin an inkhawm nghe nghe.
Tv. Joela hnen atangin thusawi an ngaithla a,
chanvo dang pawh thalai lamin an chang, inkhawm
an hlimin nuam an ti hle. Mi 62 vel an inkhawm.
Area-II: Anni hi Bangalore hmarchhak lam a ni a.
Kamanahalli kawn a Empire Hotel chunga NEST an
an inkhawm a, mi 55 vel an inkhawm. Rev. Athang
Leivon in Josefa (Thuthlung hlui) nun atanga
‘Rinawmna’ pawimawhzia leh thatzia a sawi a.
Naupang lamin inkhawmna hran Pu Levis K.
Lalsiamliana Inah an nei thei bawk.
Area-III: Bangalore chhimchhak lam an ni a. JNC
bula Christalaya Biakinah inkhawmna hi an nei.
Area leader in a kaihruaia, inkhawm thupui neiin, Pi
Rosy leh Tv. Benjamin Rualthanzaua ten thu an
sawi. An thupui chu ‘Thalaite u in thatlai hun chen
rawh u’ tih lam kha a ni. Mi 67 vel an inkhawm a,
nuam an tiin an hlawkpui hle.
Area-IV: Anni Area huam chhung chu chhimthlang
lampang a ni a. Anni Area lam hi chu Dr.AIT leh
BU a zirlaite an ni deuh ber. Hun hlimawm tak an
hmanga; zing dar 10 ah inkhawm hun an nei a,
tawngtairual, Bible chang sawi, sharing leh thusawi
ngaihthlakin hun an hmang. Tv. Maruata te chenna
Inah inkhawm hun hi an nei a, mi 58 lai an
inkhawm a ni.
Lawmthu
Thisen hlu tak pe a min tanpuina leh in mi
tawngtaisakna te avangin Bangalore Mizote chungah
lawmthu kan sawi tak meuh meuh a ni. Pathianin
malsawm zel che u rawh se.
Pi Angela w/o Pu Malsawma
Ngaihtuah Zui Atan
Hmuhtheih Pathian
Naupang te takte kum sawm mi emaw lek hi
vawikhat chu Broadway kawtthlera pheikhawk
zawrhna dawr pawnah hian a ding a. Darthlalang
chhan atang chuan dawr chhunga pheikhawk mawi
tak tak mai inrem that mai chu a en ngawih ngawih
a. Chutihlai chuan nu pakhat hi a rawn kal a. Chutia
naupang te taktein pheikhawk dawr chhunga
pheikhawkte ngun taka a thlir lai a han hmuh chuan
a rawn pan hnai a, “Taite, enge ni i en a? A va’n
hmuhnawm awm ve” tiin nui sang chung hian
naupang chu a han bia a. Chu naupang chuan Dawr
chhunga pheikhawk intlar that mai chu kawkin,
“Pathian hnenah pheikhawk bun khat chauh tal min
pe turin ka lo tawngtai a” tiin a chhang a. Chu nu
chu a ngawi vang vang a, chutah naupangte banah
chuan kaiin dawr chhungah a hruai lut ta a. Dawr
nghaktu hnenah chuan naupangte tana mawza bun
ruk han la turin a ti a, tin, tui leh inhrukpuan a dil tel
bawk a. Dawrnghaktu chuan a thil dil ang chu a
rawn pe thuai a. Chu nu chuan naupangte chu a
silfai a, inhrukpuana a hruk hul hnu chuan mawza
bun khat chu a han buntir a a, chutah naupangte-in
nalh a tih ber mai pheikhawk chu a leisak bawk a.
Chumi hnu chuan, naupangte chu mawza dang
panga lai mai a leisak chu pein, dawr atang chuan a
hriauchhuak leh ta a. A kalsan dawn lai chuan chu
naupangte chuan a rawn au zui a, “Pathian nupui em
ni i nih?” tiin a rawn zawt a.
 Vol. XVI Issue No.36 Bangalore Mizo Association Pathianni Tin Chhuak Chanchinbu Date: 5th December 2010 Phek Lina
Hre Tawh Ngai Em?
Mario Games: Engemaw lai
a games lar tak mai, naupang
chu sawi loh, thalai mai pawh
nilo, nu leh pa thenkhat pawhin
a tlaivar deuh thaw a an khelh
thin Mario chanchin hi… Kum
1981 vela lo chhuak a ni a, a
hming dik tak chu ‘Jumpman’ a
ni. A hnu deuh khan America
rama games Nintendo siamtu
lar tak Mario Segali chawimawi
nan ‘Mario’ tiin an thlak ta ani.
Sakawr Intlansiak:
Khawvel infiamna hrang hrangah Sakawr intlansiak
hi infiamna hlauhawm ber pawl ni a ngaih a ni. He
infiamnaa tel Sakawr khalhtu mi 2 emaw 3 emaw hi
kum tina chesual a boral anga chhut a ni a. An tlem
hle na a, mahse Baseball kheltu pakhat a
eizawnnana a khelh theih hun chhunga baseball
khelh naa boral zat vel chauh a ni.
ATM
Tunlaiah ATM kan hmang nasa ta hle mai a. A
lampum chu ‘Automatic Teller Machine’ tih a ni a,
chu chu bank dawrtute hnena pawisa petu khawl a
ni. Kum 1960 bawr chho vel deih tawh khan
England ah hman a lo ni tawh a, chumi hnu ah US
ah leh Japan ah.
ATM i hmanin fimkhur hle la, hmun fianrial a mi
chu nangmahin hmang ngai suh ang che. ATM
hmun khat ami pawh hman rengah neih loh tur, a
theih hram chuan hmun hrang hrang ami hman tur. I
PIN tumah hriattir suh ang che.
Mizo Upate Thurochhiah Thenkhat
% Mai leng an um ngai lo. Mai hi a zam
nasa thei hle a. Thenawmte ram emaw a zam
lut chu rah pawh nise an lo ngailo a ni. A va
zam luhna a mite chan torah an ngai mai.
% Vantlang kawng an tihnawk ngai lo e.
Kan pi leh pute hian Vantlang thu leh hla te,
vantlang hrim hrim mai hi an zah hle a,
chuvang chuan kawngpui emaw, vantlang
kawng emaw te hi tihhnawk leh tihchhiatte an
duh lo reng reng a ni. Chutiang bawkin
kawnglaia awm te, midang tana kal harsa a
awm te hi an duh lo reng reng bawk. Vantlang
tana mi hnawksak nih hi malsawm lohnaah an
ngai tlat a ni.
☺☺☺ FIAMTHLALANG – Kimtea Pa
Keini chhung hi kan vanduai thin angreng a.
Aung San Suu Kyi-i an chhuah zalen lai khan
mikhual tlangnel, changkang lo zet mai kan nei
ve pek a. Suu Kyi-i hi ka mi ngaih san tak a ni a,
a chanchin bak sawi tur dang ka hre lo. Kan
mikhual nu pawh chu Suu Kyi-i chanchin
sawipui ngei ka tum a. “Ram leh hnam tana kum
21 chhunga kum 15 zet mai pawn chhuak lova an
amw mai chu ava ngaih san awm ve aw ...” kan ti
dek dek. Ani lah chuan hre thiam der lo, “E, kum
6 ruk lek rawng a bawl a nih chu ... kei chu kum
30 chhung chhum lo chat lovin rawng ka bawl
asin,” te a ti vel a! A ngaihna ka hre lo hle a,
mawl deuh zawka han hrilhfiah kan tum a.
“Ngawi teh, a nun hi ava tlawm ve aw, ka hmuh
tirh atangin a hairstyle hi a la ngai reng a ni,” kan
ti leh bauh a. Ani lah chu a bo tawlh tawlh emaw
tih tur a ni. “Eeee ... a creative lo em a nih chu, a
beauty concept a hniam lutuk, ram hruai lu ni
tlak pawh a ni lo vang,” a ti tak deuh deuh va!
Kan rilru inhmu lo lutuk chu kan meng deuh
kawk kawk tawh a, mahni mikhual han hnial
hrep lah ka hreh ve tum hrang a. Kan thenawm
nu a rawn lut a, thil awmzia a hriat chuan thinin a
tuar ta lo. “Ani chuan kum 6 lek chhungin
khawvelin a hria a, nanga kum 30 lo tih ve nen
chuan a inang lo em ...” a rawn ti tap hiar phiar a!
Kan mikhual nu haw hnua Kimtea nu leh kan
thenawm nun ti ti ka ngaithlai ru a, “Champ thing
kan tam lutuk a,” an tih sep hi ka hria a, tu
chanchin nge an sawi erawh ka hre pha chiah lo
va ...
An Interesting Story of Four People.
This is the story about four people named
Everybody, Somebody, Anybody and Nobody.
There was an important job to be done and
Everybody was sure that Somebody would do it.
Anybody could have done it, but Nobody did it.
Somebody got angry about that because it was
Everybody’s job. Everybody thought that Anybody
could do it, but Nobody realized that Everybody
would not do it. It ended up that Everybody blamed
Somebody, when Nobody accused Anybody.
- Anonymous
“Thil tha lo titu mah a huaisen chuan thil tha
duhtu chu a huaisen tur a ni.”
“Thil tha i duh a nih ngai chuan nangmah
atangin zawng rawh.” – Thomas Fuller
 Vol. XVI Issue No.36 Bangalore Mizo Association Pathianni Tin Chhuak Chanchinbu Date: 5th December 2010 Phek Ngana
K☺ Hmanlai Leh Tunlai ☺K
++++++++++++++++++++++++++++
• Hmanlai chuan khawhar chhungte puala mi turin
thla an la a, tunlai chuan Facebook atan kan la.
• Hmanlai chuan nuhovin mi an rel a, pahovin an
khap a; tunlai chuan pahovin mi an rel a, nu
hovin an khap.
• Hmanlai chuan “charity begins at home” an ti a,
tunlai chuan “charity begins at PG” kan ti.
• Hmanlai chuan milian chaw kan eipui a, tunlai
chuan milianin chaw min eipui.
• Hmanlai chuan haw turte rel station-ah guitar nen
kan thlah thin a, tunlai chuan “gate bulah”
camera nen.
• Hmanlai chuan hmeichhiain sam an tikir a,
mipain an khuih pial a; tunlai chuan hmeichhiain
an khuih pial a, mipain an tikir.
• Hmanlai chuan “saw lam team” leh “he lam
team” an inkhel thin a, tunlai chuan “hla hming
team” leh “hla hming team” kan inkhel.
• Hman chuan inkhawm bana chaw ei nghalna tur
an zawng a, tunlai chuan riah nghalna tur kan
zawng.
• Hmanlai chuan nula senior-in mahni pualin torch
light an nei a, tunlai chuan mahni pualin hostel an
nei.
• Hmanlai chanvo insemah mi an phatin an bel lui
a, tunlai chuan an phatin kan phatpui.
• Hmanlai chuan pawisa neih lovin PCO boot an
pan a, tunlai chuan ATM boot kan pan.
• Hmanlai chuan an zai tuiin an maimit chhing a,
tunlai chuan kan meng no.
Hmanlai chuan thil changkang apiang a lian a, tunlai
chuan thil changkang apiang a te thung.
Thufing Dangte
% Tuar chhuak peihte hi a hlawhtling thinate
chu an ni”
% I sawi hmain ngaihtuah la, i sawi tak tam
takte kha i sawi lo tur.
Ambidexterity
Ambidexterity tih awmzia chu, kut dinglam leh kut
veilam te, awlsam dan inang chiaha hman theih hi a
ni.
“Hmeichhe nunah Khawngaihnain Hmangaihna
a hring a, Mipa nunah erawh chuan
Hmangaihnain Khawngaihna a hring thung”
J. Churton Collins
Sakhua
HEI HI KEIMA TIH A NI E (I Lalte 12:24)
12:24)
- B. Kapthuama
Mamuana (Lalmuanpuia), UTC-a kan thlah zo,
zanlai pelh hretin mahni inlam panin Pi Hmangaihi
nen kan inkhalh haw ta a. Airport lama a ruang an
phurh chhuah thleng han thut puive pawh duh hle
mah ila, Bible kum (Sam 90:10) han thlen meuh
chuan rilru lamin peih mahse tisa lamin zan hnih
khat han tlaivar mai pawh a tlin tawh si lo. Ka zawh
thin lam kawng zawh lovin Brigade road lamah,
Austin Town lam kawng kan zawh a. Chutia
muangchanga zanlai kawng thengthaw taka kan tlan
chu inrinlawkna awm hman miah lovin kan hmalam
atangin motorbike chak fahrana ui rualin an rawn
um chuan min rawn su ta bur mai a. Keimahni lam
chhiatna pawh ngaihtuah hman lovin kan chhuk a,
Bike khalhtu leh a pillion rider chu kawngah thi ang
dera thalin kan hmu ta a. Min sutu bike pawh a ke
hmalam chu a chhumchhe chiang hle a; a hrilhai
thlak hle mai.
Chutiang dinhmuna awm chu a namai lo hle a,
ngaihtuahna a bibo duh hle. Mahni lam
inngaihtuahna hman reng awm lovin min sutute lam
chu sawngbawl an tul zawk hle-in kan hria a; kawng
laiah na tuara thal der hmu mahse, tuma’n, “Engnge
ni ta, tanpui inngai em?” ti a han ding eih pawh
awm si lo hi kan tunlai kan khawvel dinhmun ani ta
si. A hnu deuhvah Bike-a chuang pakhat erawh
chuan, ‘Good Samaritan’ hna a rawn thawk ta a,
min sutu hliam leh an bike chhia chu kawng sirah
min saseng pui a; zinga thlawk chhuaktur anih
avangin min kalsan leh ta a. Hospital hnai ber
Hosmat lama a hliam na zawk chu saseng mai ka
rilruk ta a. Mahse, chutiang taka accident chu Police
hrilh tulin ka hre bawk si. Police han koh mai ka’n
tum chuan , “Khawngaihin police chu hrilh lo mai
rawh ka pu, car siamthatna man chu keiman ka pe
vek ang,” tiin bike khaltu chuan min rawn ngen
lawm lawm a. Thian emaw, chhungte emaw an neih
chuan ko turin ka ti a; reiloteah a pa a lo thlenga, ani
pawh chuan police-a report lo turin min ngen nghal
a. ‘Ani tehtak e,’ tiin a fapa hliam na zawk chu kan
hlang a, an inah kan dah a, keini pawh zawiin inlam
panin zing lama tih fel turin kan inkhalh haw ta a.
Zingah chuan car chu a siam man tlem thei ang bera
siam turin ka lak tir ta a. Min sutu chhungkaw
chanchin tlem a zawng ka’n hriat chuan kan
accident dan pawh khawlai stray dog uma chi ai an..
 Vol. XVI Issue No.36 Bangalore Mizo Association Pathianni Tin Chhuak Chanchinbu Date: 5th December 2010 Phek Rukna
nih avanga bike control theilo chu kei an cushion atan ka
lo awm ve mai ni zawkin ka hria a. An bike accident pui
pawh an ta a ni lo tih ka hre leh zel a. Kei pawh
pensioner mai ka ni na chungin an ni ai chuan ka
dinhmun tha deuh zawkin ka hria a, chuvangin an pek
theih ang ang peturin ka hrilh a; ringtu ka nihna lam
hriain ngaidam thei dinhmunah ka awm zawk tih pawh
hria se ka duh a. Tichuan an theih tawk tawk chu min
hlan a, chu chapter chu kan titawp ta a ni.
Hetih hun lai hi kan chhungkaw lamah pawh kan buaive
lai tak a ni awm e. Ka nau B.V. Chhuana, BMCF
memberte paw’n nasa taka min tawngtaipui kha a thin
cancer, Cyberknife enkawlna zova Zoram lama a chho
kha, Hospital lamin lo chhuk leh vat se an tih avanga
Hospital lama a awm lai a ni a. Kan nu dam that mang
loh lai a lo ni vei nen. Juda Lal Rehoboama’n a sipai
rual nuai khat leh sing riat lai khawm a, a Israel unaute
do tura a in buatsaih laia, Pathianin a zawlnei Shemaia
hmanga, “Hei hi keima tih a ni e,” ti a indo lo tura a tih
kha mi hriat chhuah tir hle a, (1 Lalte 12) ka hnenah
pawh a sawi ve ngei niin ka hria.
Zawhna tam tak rilruah a awm thei awm e.
Engvanginnge khatiang zanlai reh tawhah bike kha
uiin an rawn um? Engvanginnge khalaiah kher khan
suttura ka lo awm a, sut turin keini kha lo awm lo ila,
engtianga nasain nge kawng sirah an tluk anga, an
nunna hial pawhin a tawrh ang? Khati khawpa rawn su
si, engatinge ka car kha cheng singhnih man chauhva
ni li chhung leka a siamthat leh theih mai? Car chhiat
vangin lo inkhalh haw thei ta lo ila, tunge inlam min
thlenpui ta ang? Khati khawpa accident-a natuar thal
dera tlu awm si, tumah min pui tura an din duh loh?
Engatinge keini pawh na tuar miah lova hima kan
chhuah theih? Lalpan, “Heihi keima tih a ni e,” tiin
min hrilh ve ani ngei ang. Min sutu leh an thenawmte
khan tunge kan niha, eng Pathian nge kan biak tih
hriat theihna tura testimony min sawi tir a tum ve
pawh a ni mahna. Pathian nung ringtu leh hretu kan
nih vanga ngaihdamna Chanchin Tha hrilhturin min
duhve ani ngei ang.
---------------------------------------------------------------
(column lehlama ami chhunzawmna)
Khawi le, kansawi kual chiam a, kan duh ber chu
hei hi a ni. December thla kan chuang kai ta, chang
dang a kan thieh ta loh! Krismas rim a nam chem.
chem. ta mai! A haw tur tur chu han haw sel a, keini
helaia hmang turho chu van mipuite kalsan hnua
khawhara phulleng nghakho ang mai khan Krismas
chu helamah bawk kan han mhang leh ang. “Mi
ramah zawng lunglen a na e,” kan ti chuai raih bik
lo turah han ngiah ram tum pawhin – krismas hi
zawngin lunglen a kai tho si thin, lunglen a inzep tel
tlat hi eng vang ni maw? [BMA News Network]
--------------------------------------------------------------
KRISMAS-AH LUNGLEN A INZEP TEL
Krismas kan hman dan hi a danglam nasa fe ta
mai. Chuti chung chuan “lunglen” erawh Krismas
hian a la phur reng!
Hun inher zelah Mizo Kristianten Krismas kan
hmelhriat dan pawh hi a danglam chho zel niin a
lang. Kan rilruah chuan “thil lunglenthlâk”
engemaw a inzep tel thin a. Kan hlim ni neih chhun
a nih avangin a hlu lo thei lo. A hun hi kum tawp
lam a lo ni a. Kut hnathawktu tan ngat phei chuan,
kum tluana thifa hnukchata, a sur a sa hnuai
thawkrimte chawlh hun a ni. Thawmhnaw mawi
nen, ruai tui tak nena lawm a ni. Lal thar lo piang
lawm kan ni bawk si! Sawrkar hna thawk chawlh
nei lem lo, leh sum dawng tana bu lu chuh tan chuan
a lunglen thlakna a ral tial tial.
Kan rilrua krismas ti-krismastu chu biak in leh a
chhehvel cheimawi hi a ni thin. Tlângsam par te,
khawchhak lamah tleizawng par, changel kung,
Biak in an han cheimawi a, Biak in tual hi a ngaw
deuh chuk a ni ber a, thlasik boruak nen a inhmeh
em em a ni. A nei khua chuan biak in tualah far tuai
an dah bawk a! Tunlai chuan khati ang khan han
chei leh ni ila, thangtharten inkhualtelem tlukah
pawh min ngai lo vang! Ready made hmanga kan
han chei chhung pawh hian ‘thil mawi’ a tling lo!
Tunlai mite nunah chuan biak in chei ai chuan kawn
chei hian a ti-mas zawk awm e.
Krismas leh zaikhawm hi Mizo Kristiante rilruah
chuan a inkawp tlat a. ‘Tlaivar zan’ tih tawngkama
neih hnam kan ni a. Mahni neih ang tha
thawmhnaw ngei mai kan han inbel a, lungduh
lenrual an kim si, khuang puten hla an la sual duh
bawk si lo, zan a rei tial tial a, thimhlim hlimhlawp
boruak a bo tial tial a, zai a tui tawlh tawlh mai.
“Puankawp sawr ang tluk tluk han zaikhawm chu a
hlimawm e,” an lo ni thin reng a.(veilam column-ah)
 Vol. XVI Issue No.36 Bangalore Mizo Association Pathianni Tin Chhuak Chanchinbu Date: 5th December 2010 Phek Sarihna
Mizo tawng upa thenkhatte:
1. Ni la vui zo lo - Naupang nilenga muhil lo va
la awm thei lo sawi nan hman a ni.
2. Tleirawl – He thu hi tunlai hian kan hmang
diklo nasa hle thin. Hmeichhia nulat hre tan
sawi nan hman a ni.
3. Rawlthar – Mipa tlangval hre tan sawina a ni.
4. Kawlva len chham – Hmun hla tak, Sava
pawh a thlawh thlen phak loh sawina ni.
5. Arkai den zan – Thla bial zan (Thla det a
tanga ni 15) zan hi a ni.
6. Tuana saruh khel – Kum lama upa ve tawh
viau si thang lian thei vaklo sawina a ni.
7. Sangawizawnpui – Thurualpui.
8. Charsut phawi – Hmeichhe unau, a upa
zawk aia a naupang zawkin pasal a neih khalh
hi ‘charsut phawi’ an ti.
9. Hringkir – Pasal nei a fa neih tawh hnua kir
leh.
10. Sehrui sat chat – Innei tur a sawi fel vek
tawh, mahse mi dangin engemaw avanga an
thulh tir sawina a ni.
Goal thun hnem
International football match-a la inhneh chiang ber,
goal luh hnem berna match chu June 30, 1951 khan
Australia rama Sidney ah a ni a. England 17-0
Australia a ni.
Samak
Samak ki kan tih mai, a hnar chung a mi hi, ruh ni
lovin, sam a ni.
MIZORAM Political Party Ni lo Pawl
dang chanchin tlem.
@ YMA – 15th June 1935 khan Young Lushai
Association tiin din a ni a. Kum 1947, October khan
YMA tiin thlak ani leh ta a ni. President hmasaber
chu L.Evans a ni a. Secretary hmasaber te chu
Pasena leh Vankhuma te an ni.
@ MHIP – Kum 1946 khan Mizo Hmeichhe
Tangrual Pawl tiin din a ni a. June 6, 1947 khan
MHIP tiin din ani leh ta a ni. President atan
Malsawmi, Secretary atan Saikhumi te anni.
@ MZP – Kum 1935 khan din a ni a. Kum 1980 ah
Mizoram sawrkar nen intihthiamlohna avangin thiah
a ni a. Kum 1993 khan din leh a nit a a ni. President
hmasaber Hrawva a ni a, Secretary hmasaber LH
Liana a ni.Khawvel a Thingpui lilamna hmun lian
ber pahnih chu Guwahati leh Colombo (Sri Lanka)
te an ni.
Computer / Sc.&Tech. / Environment / Health, etc
Cellphone chungchanga tih tur leh loh tur:
1. Cellphone aiin landline hmang tam ang che.
2. Signal i neih that loh lai chuan cellphone hmang
lo hram rawh. A chhan chu signal a that loh lai hian
radiation a chak ve thung a, radiation hi taksa tan a
hlauhawm hle a ni.
3. Tawngkaa mi biak nan hmang tlem la, text
hmanga thuthawn nan hmang uar ang che.
4. Handset i leiin SAR (Specific absorption rate)
hniam apiang lei thin la, i mut dawnin handset chu i
taksa, a bikin i lu hnaihah dah lo hram thin ang che.
5. Rikrum thil a nih loh chuan naupang kum 8
hnuai lam reng reng chu cellphone hmantir loh hram
tum tur.
6. Cellphone i hman reng rengin minute 2 aia rei
hmang lo turin nangmah in thunun hram rawh.
7. Cellphone tower hnaih lutuk a khawsak hi a him
lo a nia. Km. 5 aia hnaihah awm tam lo ang che.
A him tawk loh chhan nia an sawite chu
1. Cellphone chhuah hma a raipuarte dinhmun leh
cellphone kan hman hnu a an dinhmun hlauh
thawnawm zual zia hi. Raipuarin cellphone a hman
hnem lutuk chuan a naupai hrinna kawngah harsatna
a thlen nasa bik tih hmuh chhuah a ni. Hetiang deuh
bawk hian mipate tan pawn cellphone avang hian
chi thlahna kawngah hnufumna a thlen bawk.
2. Cellphone leh a tower atanga radiation chhuak
hian DNA a khawih pha a. A radiation hi thluakah
lutin thluak atanga natna chhuak thei hrang hrang-
Alzheimer’s, Parkinson’s leh Multiple Sclerosis te a
thlen thei a ni.
3. Cellphone atanga radiation chhuak hian lu-ah leh
nghawng velah harsatna a thlen thei a. Taksa
lumdan mumal lo a thlen sam em em a ni.
4. Cellphone hman nasat hian thluakah hna nasa
taka thawkin, mi tam takah phei chuan taksa chak
vang ni si lovin taksa a tiharh a, mut a tihar em em
thei bawk ani.
5. Naupangte tan cellphone hi a him lo bawk.
Naupang thang laiin an hman nasat chuan an
nervous system a tibuai thei a, an ruh a tipan thei a,
an rualpui dangte aia chak lohna an neih phah nasa
thei. Hei hian thil hriat reng theihna kawngah a
tihnufum thei bawk a ni.
Kum 10 chhung regular taka hman hian thluak
cancer a thlen awlsam ani. An zir chiannaah chuan
hetianga kum 10 cellphone hmang thinte hi chu a
hmang ve vak ngai lo aiin thluaka bawk awm (tisa
chawr) an neih theihna chance a let li aiin a sang
zok ani. (Nancy)
 Vol. XVI Issue No.36 Bangalore Mizo Association Pathianni Tin Chhuak Chanchinbu Date: 5th December 2010 Phek Riatna

Mi Haihawt Tana Chanchin Tha ## ManU goalkeeper lei thar Anders Lindegaard,
He thil hi hmuh a harsa mai thei a, mahse ‘khawnge kum 26 mi chuan Old Trafford-a goal ven a zir ta
ka car key?’ ‘khawnge ka sahdah bawm?’ ‘khawnge tlauh tlauh mai, January thla lamah a hmel hmuh lo
ka pen kha?’ ‘ka mobile awmna i hria em?’ ti thin te beisei teh chhin.
tan chuan zawn char char ## Tottenham star vul mek Gareth Bale chu big-
chi tak a ni ang. spending Manchester-in £45 million zet White Hart
Lehkhabu pakhat Lane atanga Eastlands lama January transfer inhawn
Journal of Agricultural chhunga lakluh an tum. He Welsh tlangval hi an
and Food Chemistry in a chan theih dawn phawt chuan Emmanuel Adebayor
tarlan danin blueberry leh Joleon Lescott pawh chhawm tel an hnial lo.
juice in hian chuan kan haihawtna a ti reh thei. He Spurs fans erawh chuan an player tha hi an chan an
zirchiannain a sawi danin, chawhruala kum 78 a upa ring lo thung.
mi 16 hnenah enchhinna an nei a. An zinga mi 9 te
chu nitin kar 12 chhung blueberry juice vawi 2 in
ziah turin an ti a. Hetianga an enchhin hnu hian RAVE UP
th
heng mi 9 te hi chuan midang 7, thil thlum dang in (7 Block, Koramangala)
ringawt te ai chuan nasa fe in an haihawtna a reh tih Pheikhawk, Bag, Kekawr chi hrang
hmuhchhuah a ni. hrang, tha leh mawi tak tak, tlawm
Thlai thenkhat takin kan pe thei reng e.
Hmâsang hunah chuan thlai thenkhat chu hriat ngai Contact: +91 96322 29665
reng reng loh an ni a. He’ng, hmarcha te, bawkbawn
te, alu leh tomato te hi kum 1500 bawr vel, Spanish English Premier League:
in America an run atang chauh khan Europe ramah Zanina Inkhel turte:
khuan hriat a ni. WBA vs Newcastle 06:55pm ESPN
Sunderland vs West Ham 09:25pm ESPN
Guwahati Nizan Inkhel Result:
Khawvel a Thingpui lilamna hmun lian ber pahnih Arsenal chuan Fulham an mikhual a, 2-1 in an hneh.
chu Guwahati leh Colombo (Sri Lanka) te an ni. An goal hnih te hi Samir Nasri tih luh v eve an ni.
--------------------------------------------------------------- Lehlamah Chelsea leh Everton an inkhel ve thung a.
INFIAMNA Chelsea chuan ti lut hmasain, Everton a mi J.
## Bolton Wanderers manager Owen Coyle leh an Beckford chuan 86mins ah an draw na goal a ti lut
striker Johan Elmander te putu chu Barclays ve leh bawk, 1-1 in an in draw ta a ni. Manchester
Manager leh Player of the Month (November) atana City chuan Bolton chu 1-0 in an hneh bawk. Nizan
thlan an ni. The Trotters hi EPL-a parukna ni mek a vek kha Manchester United leh Blackpool inkhelh
ni. hun a ni a, mahse postponed a ni. Manchester
United hian tunkar Thawhlehni hian Champions
## Chelsea captain John Terry-a chu Everton nena
League an khel dawn a, Valencia an mikhual dawn
inhmachhawn huna khel ngei thei turin a boot a
a ni.
nawt tle leh ta sauh sauh mai le.
English Premier League point dinhmun:
## Manchester United manager Sir Alex Ferguson (as on 5th December 2010, 08:00am)
chuan Arsenal leh Chelsea nena an intum hun tur a Position Club Played GD Point
lungkham tan, fixture pawimawh tak a nih tur a pha 1 Arsenal 16 +16 32
lo. 2 Manchester United 15 +19 31
## Arsene Wenger-a a tleirawl rualte chunga rinna a 3 Chelsea 16 +19 30
nghah ngamna chu 2011ngei a taka chhanglet turin 4 Manchester City 16 +9 29
a naute a cho. 5 Tottenham 16 +3 26
6 Bolton 16 +5 23
## Butt-a kha i la hria em? Nicky Butt-a ngei mai 7 Stoke City 16 0 21
kha. EPL-a New Castle a rawn letpui sauh sauh a, a 8 Blackburn 16 -4 21
boot a khai hil ta der emaw i ti ang e, tunlai hian 9 Sunderland 15 +1 20
Hong Kong lamah engemaw tih a tum nia sawi a nia 10 Newcastle 15 +1 19
aw!