You are on page 1of 1

Hamon kay Singson:'Supplier ng cocaine ibunyag'

By Malou Escudero

MANILA, Philippines - Hinamon


kahapon ng isang senador si Ilocos
Sur Rep. Ronald Singson na ibunyag
kung sino ang supplier niya ng
cocaine dito sa Pilipinas na naging
dahilan ng pagkakakulong niya sa
Hong Kong.

Ayon sa senador na tumangging


magpabanggit ng pangalan,
posibleng mabawi pa ni Singson ang
nasirang reputasyon kung gagawa
ito ng kabutihan at ibubunyag kung
sino ang binilihan niya ng cocaine.

Naniniwala ang senador na malaki ang magagawa ni Singson para mahuli ang nasabing supplier niya ng
cocaine na maliwanag naman umanong gumagawa ng ilegal at lumalabag sa Dangerous Drugs Act.

Ayon sa Senador, posibleng marami pang mabiktima ang ‘pusher’ na cocaine na binibilhan ni Singson
kung hindi ito papangalanan ng congressman.

Nahulihan si Singson ng 26 gramo ng cocaine sa HK kaya hindi na ito nakabalik sa Pilipinas simula noong
Hulyo 11, 2010.

Nasa ikalawang termino na si Singson bilang kinatawan ng Ilocos Sur matapos manalo sa eleksiyon
noong Mayo 2010, pero halos hindi pa ito nakapagsilbi sa kaniyang mga kababayan ngayong 15th
Congress dahil hindi na siya nakabalik pa sa bansa.

Nakatakda nang hatulan ng HK court si Singson sa Pebrero 18, 2011.

You might also like