You are on page 1of 29

.

ဒီဇင်ဘာလထဲ တုန်းက “မွေးနေ့ဗေဒင်” ကို နေ့စဉ် တင်ပေးမယ်ဆိုပြီး လုပ်လိုက်ပေမယ့်


အကြောင်းကြောင်းကြောင့် အစီအစဉ် ရပ်ဆိုင်း သွားရပါတယ်။ အခု လောလောဆယ် လူတိုင်း
ကိုယ့်မွေးနေ့ကို ရောက်လာရင် တနှစ်တာရဲ့ အကောင်းအဆိုးကို ကြိုတင်သိနိုင်အောင်
ပရိုဂရမ်လေးတစ်ခု ရေးဆွဲနေပါတယ်။

ဒါပေမယ့် ပရိုဂရမ်က ထင်ထားတာထက် ပိုပြီး ကြာနေပါတယ်။ ဒါကြောင့် ဒီပရိုဂရမ်လေးကို


တင်မပေးမှီ လောလောဆယ် “မဟာဘုတ”် နည်းနဲ့ ကိုယ်တိုင်ကိုယ်တွက်လို့ရမယ့်
“မွေးနေ့ဗေဒင်တွက်နည်း” လေးတစ်ခု တင်ဆက်ပေးလိုက်ပါတယ်။

ဒီ မဟာဘုတ် တွက်နည်းလေးက အင်မတန် ရိုးရှင်းပါတယ်။ “တွက်နည်း” လို့သာ ပြောရတာ ဘာမှ


သိပ်တွက်စရာ မလိုပါဘူး။ လွယ်သမှ သိပ်လွယ်ပါတယ်။ ဒါပေမယ့် မှန်ကန်မှု ရာနှုံးကတော့
မနည်းလှဘူးခင်ဗျ။ ကိုယ့်ဟာကိုယ် ပြန်ပြီးတွက်ကြည့်လေ။ ပြီးခဲ့တဲ့ နှစ်တွေကို ပြန်ပြီး
လက်တွေ့တွက်ကြည့်။ ဘ၀မှာ မှတ်မှတ်ထင်ထင်ဖြစ်ခဲ့တဲ့ “ကောင်းတဲ့နှစ် နဲ့ ဆိုးတဲ့နှစ”် တွေကို
တွက်ကြည့်။ အနည်းဆုံး (၇၅-၈၀) % မှန်ဖို့ များပါတယ်။

တွက်နည်းမှာ အဆင့် (၆)ဆင့်ရှိပါတယ်

(၁) ကိုယ့်ရဲ့ “မူလ မဟာဘုတ”် ခွင်ကို အရင် ထူ။

(၂) ကိုယ်တွက်ချင်တဲ့ “မွေးနေ့ရဲ့ မဟာဘုတ”် ခွင်ကို ထူ။


(၃) ကိုယ့်တွက်ချင်တဲ့ မွေးနေ့ဟာ “ဘာနေ့ကျသလဲ” ဆိုတာ ရှာ။

(၄) ကိုယ်တွက်ချင်တဲ့ မွေးနေ့ပြီးရင် “ဘာ သက္ခတ်(သက်ရောက်) ထဲမှာ ကျသလဲ” ဆိုတာ ရှာ။

(၅) ပြီးရင် မဟာဘုတ်ခွင် (၂)ခုထဲမှာ ရှိတဲ့ ကိုယ့်နေ့သားရယ်၊ ကိုယ့်မွေးနေ့ကျတဲ့ နေ့ရယ်၊


ရှေ့လာမယ့် သက္ခတ်နေ့ရယ် ကို “စက်ဝိုင်း”လေးတွေ လိုက်ပြီး ၀ိုင်းလိုက်။

(၆) နောက်ဆုံး မဟာဘုတ်ခွင် “အလွတ်တစ်ခ”ု ထဲမှာ စက်ဝိုင်း ၀ိုင်းထားတဲ့ နေ့နံတွေကို


ပြောင်းထည့် ။ ဒါဆိုတွက်နည်း ပြီးသွားပါပြီ။

ရှုပ်သွားသလား ? မရှုပ်ပါဘူး။ စာနဲ့ ပြောနေလို့ပါ။ လက်တွေ့ တွက်ကြည့်ရအောင်။

ဥပမာ(၁)

၁၉၆၁ ခုနှစ် သြဂုတ်လ (၄)ရက်နေ့မှာ မွေးတဲ့ သောကြာသား တစ်ယောက်ရဲ့ ၂၀၀၈ ခုနှစ်မှာ


ကြုံခဲ့တဲ့ “မွေးနေ့” ကို တွက်ကြည့် ကြရအောင်။

ပထမဆုံး ခရစ် သက္ကရာဇ်ကို မြန်မာသက္ကရာဇ် ပြောင်းရမယ်။ ပြောင်းနည်းလေးကို


အရင်ဆောင်းပါးတွေမှာ ရေးထားတယ်။ ဒါပေမယ့် ပြန်ရေးပေးပါ့မယ်။

ခရစ် သက္ကရာဇ် ထဲကနေ (၆၃၈) ဆိုတဲ့ဂဏန်းကို “ပုံသေ” နုတ်သွားရင် မြန်မာသက္ကရာဇ်ကို


ရလိမ့်မယ်။ ဒါပေမယ့် သတိထားရမှာက မြန်မာနှစ် နဲ့ ခရစ်နှစ် နှစ်ကူးပုံခြင်း မတူလို့ မြန်မာနှစ်ဆန်း
(၁)ရက်နေ့ မတိုင်မှီဆိုရင် (၆၃၉) ကို နုတ်ရ လိမ့်မယ်။ မြန်မာနှစ်ဆန်း (၁)ရက်နေ့က စပြီး
နောက်ပိုင်းရက်/လ တွေမှာ မွေးရင် (၆၃၈)ကို နုတ်ရမယ်။

အဆင့် (၁)

၁၉၆၁- ၆၃၈= ၁၃၂၃ (မြန်မာသက္ကရာဇ်) ရမယ်။ ဒီ ၁၃၂၃ ကို (၇) နဲ့ စားလိုက်ပါ။ (၀)ကြွင်း
လိမ့်မယ်။ ဒါကြောင့် ဒီ သောကြာ သားဟာ (၀)ကြွင်း မဟာဘုတ်ဖွားဖြစ်တယ်။ (၀)ကြွင်းမဟာဘုတ်
ဆိုတော့ အောက်က ခွင်ကလေးပေါ့။ ဒါကို “မူလ မဟာဘုတ”် လို့ ခေါ်ပါတယ်။
အဆင့် (၂)

တွက်ချင်တဲ့ မွေးနေ့က ခရစ် ၂၀၀၈ ခုဖြစ်တယ်။ ဒီထဲကနေ နုတ်ကိန်း (၆၃၈)ကို နုတ်လိုက်တော့ –


၁၃၇၀ ရမယ်။ ဒါမြန်မာ သက္ကရာဇ်ပေါ့။ အဲဒီ ၁၃၇၀ ကို (၇)နဲ့ စားလိုက်ရင် (၅)ကြွင်း လိမ့်မယ်။
ဒီမဟာဘုတ်ကို “ကောဇာ မဟာဘုတ”် လို့ခေါ်မယ်။ အောက်က မဟာဘုတ်ခွင်လေး ဖြစ်ပါတယ်။

အဆင့် (၃)
ခရစ်နှစ် ၂၀၀၈ ခုနှစ် မွေးနေ့ဗေဒင်ကို တွက်ချင်တာ ဆိုတော့ ၂၀၀၈ ခုနှစ် သြဂုတ်လ
(၄)ရက်နေ့ဟာ “ဘာနေ့” ကျလဲ ဆိုတာ နှစ်တစ်ထောင် ပြက္ခဒိန်မှာ ရှာကြည့်လိုက်တော့
“တနင်္လာနေ့” ဖြစ်နေတာကို တွေ့ရပါတယ်။ ဒါကို မှတ်ထားပါ။ နှစ်တစ်ထောင်ပြက္ခဒိန်ကို လိုချင်ရင်
ဒီနေရာကို ကလစ်နှိပ်ပြီး Link ယူလက
ိုပါ။ http://www.timeanddate.com/calendar/

အဆင့် (၄)

၂၀၀၈ ခုနှစ်မွေးနေ့ပြီးရင် “ဘာ သက္ခတ”် ထဲမှာ ရောက်နေမလဲဆိုတာကို သိဖို့အတွက် ၂၀၀၈


ထဲကနေ မွေးခုနှစ် ၁၉၆၁ ကို နုတ်လိုက်ပါ။ (၄၇) ရမယ်။ ဒီတော့ ဒီသောကြာသားဟာ အသက်
(၄၈)ထဲကို ၀င်လာပြီပေါ့။ သောကြာသား အသက် (၄၈) နှစ်ရဲ့ သက္ခတ်က “ရာဟု”
သက္ခတ်ဖြစ်ပါတယ်။ ဒီဇယားလေးကို ဒေါင်းလုပ်လုပ်ပြီး ကြည့်ပါ။

http://download641.mediafire.com/bwqnlwjlebjg/mmnjhjwjdem/Thathet+Table.pdf

အဆင့် (၅)

အထက်က ရရှိလာတဲ့ “မူလမဟာဘုတ်ခွင် နဲ့ ကောဇာမဟာဘုတ”် ခွင်နှစ်ခုထဲမှာ ရှိတဲ့ (က)


မွေးနေ့(သောကြာ) ရယ် (ခ) မွေးနေ့မှာကျရောက်တဲ့ (တနင်္လာ)ရယ်၊ သက္ခတ် (ရာဟု)ရယ်တို့ကို
“စက်ဝိုင်း” လေးတွေ ၀ိုင်းလိုက်ပါ။

တနင်္ဂနွေ ဆိုရင် (၁)ဂဏန်း၊ တနင်္လာဆိုရင် (၂)ဂဏန်း၊ အင်္ဂါဆိုရင် (၃)ဂဏန်း၊ ဗုဒ္ဓဟူး နဲ့ ရာဟု
ဆိုရင် (၄)ဂဏန်း၊ ကြာသပတေးဆိုရင် (၅) ဂဏန်း၊ သောကြာဆိုရင် (၆)ဂဏန်း နဲ့ စနေ ဆိုရင်
(၀)ဂဏန်းတွေကို ယူရမယ်နော်။ ဒီတော့ကာ- ဒီအောက်က မဟာဘုတ်ခွင် နှစ်ခုကို ရလိမ့်မယ်။

.
နောက်ဆုံးအဆင့်အနေနဲ့ မဟာဘုတ်ခွင် အလွတ်တစ်ခုကို “ချ” ပြီး အထက်က “စက်ဝိုင်း”
ဝိုင်းထားတဲ့ နေ့နံတွေကို သူ့နေရာ နဲ့သူ ထည့်လိုက်ရင် တစ်နှစ်စာ ဟောပြောလို့ရတဲ့
မဟာဘုတ်ခွင် တစ်ခုရပြီပေါ့။ အောက်ပုံကို ကြည့်ပါ။

ဒီ နောက်ဆုံးရလာတဲ့ မဟာဘုတ်ခွင်မှာ မွေးနံ သောကြာ(၆) ကို ထည့်မတွက်ရပါ။ မွေးနံဂြိုဟ်ဖြစ်လို့


သူ့ကို စက်ဝိုင်းတစ်ဝိုင်း ၀ိုင်းထားလိုက်ပါ။ ဒီတော့ မွေးနံဂြိုဟ်မပါဘဲ ဂြိုဟ် (၅)လုံး ရှိလိမ့်မယ်။
ကြည့်လိုက်ပါ။

= အဓိပတိမှာ ဂြိုဟ်(၂)လုံး (၂ နဲ့ ၄)

= အထွန်းမှာ ဂြိုဟ် တစ်လုံး (၄)

= သိုက်မှာ ဂြိုဟ်တစ်လုံး(၂)

= ပုတိမှာ ဂြိုဟ်တစ်လုံး (၆) – - – - စုစုပေါင်း ဂြိုဟ်(၅)လုံးရှိတယ်။

ဂြိုဟ်(၅)လုံးရှိတဲ့အနက် ဂြိုဟ်(၄)လုံးက “အထွန်း၊ သိုက်၊ အဓိပတိ” ဆိုတဲ့


ကောင်းတဲ့ဌာနတွေမှာရပ်တည်ပြီး ဂြိုဟ်တစ်လုံး သာ အောက်တန်းက “ပုတိ” ဌာနမှာ ရှိနေ တာကို
တွေ့ရပါလိမ့်မယ်။

သတိထားရမယ့် အချက်(၁)ချက် ရှိပါတယ်။ အဲဒါက ဂြိုဟ် (၂)လုံး ထပ်နေတာပါ။ ဥပမာ-


“သက္ခတ”် ကလည်း ဗုဒ္ဓဟူးဂြိုဟ်၊ မွေးနေ့ ကျတဲ့နေ့ကလည်း ဗုဒ္ဓဟူး ဂြိုဟ်ဘဲ ဖြစ်နေရင် စက်ဝိုင်းကို
(၂)ခါ ၀ိုင်းရပါမယ်။ ပြီးရင် နောက်ဆုံး မဟာဘုတ်ခွင်မှာ ဗုဒ္ဓဟူး=(၄)ဂဏန်းကို နှစ်ခု
ထည့်ပေးရမှာပေါ့။ ဒါ အရေးကြီးတယ်။ တချို့ စက်ဝိုင်းဝိုင်းတာ ဂြိုဟ် (၃)လုံးမရဘဲ (၂)လုံးဘဲ
ရနေတယ်ဆိုတာ အဲဒါကြောင့်ဘဲ။
.

ဒီတော့ မဟာဘုတ် ဌာနတွေမှာ ဂြိုဟ်ရပ်တည်ပုံကို လေ့လာကြည့်ရအောင်။

= အထွန်း ဌာနမှာ ဂြိုဟ်ရပ်တည်ရင် – အောင်မြင်မယ်၊ တိုးတက်ထွန်းကားမယ်၊ နာမည်ဂုဏ်သတင်း


ကျော်စောမယ်၊ ငွေကြေးဝင်မယ်။ စုတ်ကော၊ လာဘ်ကော ကောင်းမွန်မယ်။ လုပ်သမျှ ကိုင်သမျှ
အဆင်ပြေမယ်။ ဂုဏ်ပြုချီးမွမ်းခံရမယ်။ လူမှုဆက်ဆံရေး အလွန် အောင်မြင်မယ်။

= သိုက် ဌာနမှာ ဂြိုဟ်ရပ်တည်ရင် – စိတ်ချမ်းသာမယ်။ ငွေကြေး စီးပွားဝင်မယ်။ မိသားစုနဲ့


ပျော်ရွှင်ရမယ်။ ဘ၀လုံခြံမှုနဲ့ စိတ်အေးချမ်းမှု ကို ရမယ်။ အိမ်ထောင်ရေး၊ အချစ်ရေး ကံကောင်းမယ်။

= ရာဇ ဌာနမှာ ဂြိုဟ်ရပ်တည်ရင် – ရာထူးတက်မယ်။ အလုပ်အကိုင် တိုးတက်မယ်။ ဘ၀အဆင့်


မြင့်မားလာမယ်။ အကြီးအကဲ ဆရာသမား စောင့်ရှောက်ခံ ရမယ်။ အိမ်ထောင်ရေး၊ အချစ်ရေး
ရှုတ်ထွေးမယ်။ ဘွဲ့ထူး၊ ဂုဏ်ထူးတွေ ရတတ်တယ်။ လုပ်ငန်းတူ အပြိုင်အဆိုင် ပေါ်မယ်။
ရန်သူပေါ်မယ်။ ရန်သူရှိတယ်။

= အဓိပတိ ဌာနမှာ ဂြိုဟ်ရပ်တည်ရင် – အကြီးအကဲဖြစ်မယ်။ တာဝန်ကြီးတွေ ယူရမယ်။


စိတ်သောက များမယ်။ Stress များမယ်။ အပြိုင်အဆိုင်တွေကို အနိုင်ရမယ်။ မတော်တဆ
ထိခိုက်မှုတွေ ဖြစ်တတ်တယ်။ အနားမယူနိုင်လောက်အောင် အလုပ်များလိမ့် မယ်။ နာမည်
ဂုဏ်သတင်းလည်း အလွန်ကြီးမယ်။ “သက္ခတ”် ကောင်းရင် ထိပ်ဆုံးထိ ရောက်မယ်။

= ပုတိ ဌာနမှာ ဂြိုဟ်ရပ်တည်ရင် – ကောင်းစရာ ရှိရင်လည်း အရမ်းကောင်းမယ်။ ဆိုးစရာ ရှိရင်လည်း


အရမ်းဆိုးမယ်။ ကောင်းအား/ဆိုးအား ပြင်းထန်တတ်တယ်။ မကောင်းသတင်း ကျော်စောတတ်တယ်။
အရှက်တကွဲ အကျိုးနည်းဖြစ်တတ်တယ်။ ကျန်းမာရေး သတိထားရမယ်။ အစားမှား၊ ဆေးမှား
ဖြစ်တတ်တယ်။ ကိုယ့်ကို နာမည်ဖျက် အရှက်ခွဲသူပေါ်မယ်။ ရန်သူပေါ်မယ်။ တိတ်တဆိတ်
လုပ်ကြံခံရတတ်တယ်။

= ဘင်္ဂ ဌာမှာ ဂြိုဟ်ရပ်တည်ရင် – အလုပ်၊ နေရာထိုင်ခင်း အပြောင်းအလဲ ဖြစ်တတ်တယ်။


ကျန်းမာရေး ချို့ယွင်းတတ်တယ်။ မတော်တဆဘေးဥပဒ်တို့၊ သဘာဝ ဘေးဥပဒ်တို့
တွေ့ကြုံတတ်တယ်။ အခက်အခဲ ပြဿနာကြီးတွေ ၀င်မယ်။ ငွေကြေး အလုပ်အကိုင်၊
အိမ်ထောင်ရေး၊ လူမှုဆက်ဆံရေးတွေမှာ ကြီးမားတဲ့ ပြဿနာတွေ ကြုံမယ်။

= မရဏ ဌာနမှာ ဂြိုဟ်ရပ်တည်ရင် – ကျန်းမာရေး အလွန်ညံ့မယ်။ ဘေးဥပဒ်ကြီးတွေ ကြုံမယ်။


ဆေးရုံဆေးခန်းတွေ ရောက်တတ်တယ်။ ရန်သူမျိုး (၅)ပါး တွေ့ကြုံတတ်တယ်။ ရှောင်တခင်
ဘေးဥပဒ်များ တွေ့တတ်တယ်။ Accident ကြုံတတ်တယ်။ အမှားတွေ အများကြီး လုပ်မိတတ်တယ်။
ဘာအရာကိုမဆို အလွန်အကျွံ လုပ်မိတတ်လို့ “တန်ဆေး လွန်ဘေး” ဆိုတာ ဖြစ်တတ်ပါတယ်။

= မွေးနံဂြိုဟ်၊ မွေးနေ့ဂြိုဟ် နဲ့ သက္ခတ်ဂြိုဟ်တစ်လုံး နဲ့ တစ်လုံး “ပက္ခတ်” မိနေရင် ဒီနှစ်ဟာ


အထူးသတိထားရမယ်။ Accident , ကျန်းမာရေး, အိမ်ထောင်ရေး, လူမှုရေး ပြဿနာကြီးတွေ
ဝင်တတ်တယ်။ အဓိက ကတော့ ကျန်းမာရေး နဲ့ Accident ဖြစ်ပါတယ်။

ကဲ- ဒါတွေကတော့ မဟာဘုတ် (၇)ဌာနမှာ ဂြိုဟ်ရပ်တည်မှု အကြမ်းဖျဉ်းလေးပေါ့နော်။ ဒီတော့


ယေဘူယျပြောရရင် “အပေါ် ဌာန(၄)အိမ် ဖြစ်တဲ့ “အဓိပတိ၊ အထွန်း၊ သိုက်၊ ရာဇ” တွေမှာ
ဂြိုဟ်ရပ်တည်မှု များရင် အဲဒီနှစ်ဟာ ကောင်းတဲ့ နှစ်ဖြစ်မယ်။ “အောက်ဌာန (၃)အိမ် ဖြစ်တဲ့ “ပုတိ၊
ဘင်္ဂ၊ မရဏ” မှာ ဂြိုဟ်ရပ်တည်မှု များရင် အဲဒီနှစ်ဟာ ညံ့တဲ့နှစ်ဖြစ်မယ်”။

ဒါပေမယ့် အောက်(၃) လုံးထဲက “ပုတ”ိ ကတော့ အကောင်း နဲ့ အဆိုး ရောနေတယ်။ ဒီလိုဘဲ အပေါ်
(၄)လုံးထဲက “အဓိပတိဌာန” ဟာလည်း အကောင်း သက်သက်ချည်း မဟုတ်ဘူး။ အဆိုးနဲနဲ
ရောနေပါတယ်။

ဒီတော့ အထက်က တွက်ပြတဲ့ နမူနာဇာတာရှင်ဟာ ၂၀၀၈ ခုနှစ် မွေးနေ့ကျော်ပြီး


တစ်နှစ်တာကာလဟာ အပေါ်ဖက်အိမ် တွေမှာ ဂြိုဟ် (၄)လုံး ရပ်တည်ပြီး၊ အောက်ဖက်မှာ
ဂြိုဟ်တစ်လုံးသာ ရပ်တည်လို့ သူ့အတွက် အတော်ကောင်းလိမ့်မယ်လို့ ဟောရမယ်။ နောက်ပြီး
“ပုတ”ိ အိမ်မှာ ရပ်တဲ့ “သောကြာ” ဂြိုဟ်ကလည်း “ကောင်းမိရင် သူမတူအောင်” ကောင်းတတ်တယ်။

အဲဒီ မွေးနေ့ ပိုင်ရှင်က ဘယ်သူများပါလိမ့် ? ။ ၁၉၆၁ သြဂုတ်လ (၄)ရက် ၊ သောကြာသားတဲ့။


ဒီမွေးနေ့လေး မမှတ်မိကြတော့ ဘူးလား ?

သူကတော့ ၂၀၀၈ ခုနှစ် အောက်တိုဘာလအတွင်းမှာ “အမေရိကန်နိုင်ငံရဲ့ ပထမဆုံး


လူမည်းသမ္မတ” ဖြစ်လာတဲ့ “ဘားရတ် အိုဘားမား” ဖြစ်ပါတယ်။ ၂၀၀၈ ခုနှစ် သြဂုတ်လ (၄)ရက်
မွေးနေ့ကျော်သွားပြီး အသက် (၄၈)နှစ် (ရာဟုသက္ခတ)် ထဲမှာ သူ, သမ္မတ ဖြစ်လာခဲ့ခြင်းဖြစ်ပါတယ်။
ဒီတော့ ဒီတွက်ကိန်းလေးဟာ သိပ်မဆိုးဘူး ပြောရမှာပေါ့နော်။

နောက်ထပ် နာမည်ကျော်တစ်ဦးကို တွက်ပြပါဦးမယ်။


သူကတော့ ၁၉၆၁ ဂျူလိုင်လ (၁)ရက်၊ စနေနေ့ မှာ မွေးဖွားပါတယ်။ သူရဲ့ ၁၉၉၇ ခုနှစ်မှာ
ကျရောက်မယ့် မွေးနေ့ပြီး နောက်နှစ် ကို တွက်ကြည့်ရအောင်။ အထက် တွက်နည်းလေးကို
ပြန်ကြည့်လိုက်နော်။

အဆင့် (၁) အရ “သူ့ရဲ့ မွေးမဟာဘုတ”် က “(၀)ကြွင်း မဟာဘုတ”် ဖြစ်တယ်။

အဆင့် (၂) အရ (၁၉၉၇)ခုနှစ်ရဲ့ “ကောဇာမဟာဘုတ”် က (၁)ကြွင်း ဖြစ်တယ်။

အဆင့် (၃) အရ (၁၉၉၇)ခုနှစ် ဇူလိုင်လ (၁)ရက်နေ့ဟာ “အင်္ဂါနေ့” ဖြစ်ပါတယ်။၏

အဆင့် (၄) အရ ၁၉၉၇ ဇူလိုင်လ (၁)ရက်နေ့ပြီးရင် အသက် (၃၇)ထဲကို ရောက်မယ်။ စနေသမီး


ဖြစ်လို့ “တနင်္ဂနွေသက္ခတ”် ထဲမှာ ရောက်နေပါတယ်။

အဆင့် (၅) အရ အထက်က ရရှိလာတဲ့ “မူလမဟာဘုတ်ခွင် နဲ့ ကောဇာမဟာဘုတ”် ခွင်နှစ်ခုထဲမှာ


ရှိတဲ့ (က) မွေးနေ့(စနေ) ရယ် (ခ) မွေးနေ့မှာကျရောက်တဲ့ (အင်္ဂါ)ရယ်၊ သက္ခတ်
(တနင်္ဂနွေ)ရယ်တို့ကို “စက်ဝိုင်း” လေးတွေ ၀ိုင်းလိုက်ပါ။ ပြီးရင် နောက်ဆုံး အဆင့်ကို သွားလိုက်ပါ။
အောက်က ပုံကို ရပါလိမ့်မယ်။

နောက်ဆုံးခွင်အရ မွေးနံ “စနေ” မပါဘဲ ကျန်ဂြိုဟ် (၅)လုံးကို ကြည့်ရင် အောက်တန်း “ပုတိ၊ ဘင်္ဂ၊
မရဏ” မှာ ဂြိုဟ် (၃)လုံး၊ အပေါ်တန်း “သိုက် နဲ့ အထွန်း” မှာ ဂြိုဟ် (၂)လုံး ရှိတာတွေ့ရပါမယ်။
ဒါကြောင့် ပုတိ၊ ဘင်္ဂ၊ မရဏ အားက ပိုများနေပါတယ်။ ပိုဆိုးတာက “သက္ခတ”် တနင်္ဂနွေဟာ “ဘင်္ဂ”
နဲ့ “ပုတ”ိ မှာ ရောက်နေပြီး မွေးနံ “စနေ” နဲ့ “ပက္ခတ”် နှစ်ထပ်ကွမ်း မိနေပါတယ်။ “ပုတိ၊ ဘင်္ဂ၊
မရဏ” ဌာနတွေမှာ ဂြိုဟ်တွေအားလုံး ရှိနေတာကလည်း မကောင်းပါဘူး။ ဒီဌာန (၃)ခွင်လုံးမှာ
ဂြိုဟ်အပြည့် ရှိနေတဲ့ နှစ်တွေဟာ သတိ ထားရမယ့် နှစ်တွေ ဖြစ်ပါတယ်။

အထက်ပါ မဟာဘုတ်ပိုင်ရှင်ကတော့ ၁၉၉၇ ခုနှစ်၊ သြဂုတ်လ (၃၁)ရက်နေ့မှာ မော်တော်ကား


Accident နဲ့ ကွယ်လွန် သွားရရှာတဲ့ “ဝေလမင်းသမီး” “လေဒီ ဒိုင်ယာနာ” ဖြစ်ပါတယ်။
(ဒိုင်ယာနာဟာ မူလဇာတာမှာ ကတည်းက နာမည် “ပက္ခတ”် မိနေသူ ဖြစ်ပါတယ်)။

ကဲ ဒီနေ့တော့ ဒီကမ္ဘာကျော် နှစ်ယောက်ကို တွက်ပြပေးပြီး နောက်ရက် အပိုင်း (၂)မှာ C-Box ထဲမှာ


မွေးသက္ကရာဇ် ပေးထားတဲ့ သူတွေကို နမူနာ တွက်ပြပါဦးမယ်။ ဒီနေ့တော့ ဒီလောက်နဲ့ဘဲ
နားပါဦးမယ်။ မရှင်းတာရှိရင် Comment ထဲမှာ ၀င်မေးပါ။

ဖြည့်စွက်ချက်(၁)။ ။ ခုနှစ်ကို နုတ်လိုက/် စားလိုက်လုပ်ပြီး


အကြွင်းမရှာတတ်သူတွေအတွက် ကိုယ်မွေးတဲ့ ခုနှစ်ရယ်၊ ကိုယ်တွက်ချင်တဲ့ ခုနှစ်ရယ် ရှာပြီး
ဘာအကြွင်း ကြွင်းသလဲဆိုတာ အဆင်သင့် ဇယားလေး ထပ်ထည့်ပေးလိုက်ပါတယ်။

ဒီဇယားထဲကအတိုင်း မဟာဘုတ်တိုင် (၂)တိုင်ထူ။ မူလမွေးနေ့ရယ်၊ ကိုယ်တွက်ချင်တဲ့ မွေးနေ့မှာ


ကျတဲ့နေ့ရယ်၊ သက်ရောက်ဂြိုဟ်ရယ် (၃)လုံးကို ရှာ။ စက်ဝိုင်းလေးတွေလိုက် ၀ိုင်း။ ပြီးရင်
မဟာဘုတ်အလွတ်ထဲမှာ ပြောင်းထည့်။ ဒါလေးများ။ ဒီမှာ ဇယား — -

.
.

ကဲ- မဟာဘုတ်အကြွင်းတော့ သိပြီ။ မဟာဘုတ်တိုင် မထူတတ်သေးဘူးလား ? ။ “အောင် – လံ –


ထူ – စစ် – သူ – ကြီး – ပွဲ ” တွေ လုပ်မနေနဲ့။ ရှုပ်ကုန်မယ်။ “သင့်နာမည် ပက္ခတ်လွတ်ရဲ့လား”
ဆောင်းပါး ဆီကို လင့်ကို သွား။ အဲဒီမှာ (၁)ကြွင်း ကနေ (၀)ကြွင်း အထိ မဟာဘုတ်ခွင် (၇)ခုကို
တွေ့လိမ့်မယ်။ ကိုယ့်အကြွင်းအတိုင်း အဲဒီက ကူးယူလိုက်။ “ပက္ခတ်” အကြောင်းလည်း
ဖတ်ကြည့်လိုက်ဦး။ ဒီနေရာကို Link နှိပ်လိုက်ပါ။

# သင့်နာမည် ပက္ခတ်လွတ်ရဲ့လား ?
16
September 9, 2009
by Dr.Tin Bo Bo

“မိုက်ကယ်ဂျက်ဆင် နှင့် နာမည်ပက္ခတ်မိခြင်း” Click ဆောင်းပါးမှာ နာမည် ပက္ခတ်မိခြင်း


အကြောင်းကို ပဏာမ ဖော်ပြခဲ့ဘူးပြီး ဆက်ရေးဖို့ ကျန်နေပါတယ်။ နာမည်ပေး ဗေဒင်ပညာနဲ့
ပတ်သက်ပြီး ကျွန်တော် လေ့လာခဲ့တဲ့ သက်တမ်း တစ်လျှောက်မှာ ပက္ခတ် မိခြင်းဟာ ကျန်တဲ့ နာမည်
အမှားတွေထက် ဆိုးကျိုး အလွန်ပေးနိုင်တာကို သတိထား မိလာ ခဲ့ပါတယ်။
အရင်တုန်းကတော့ ပက္ခတ် ကို သိပ်အရေးကြီးလှတယ်လို့ မထင်ခဲ့ ပါဘူး။ ဗေဒင်ကျမ်း တွေမှာလည်း
ပက္ခတ် အကြောင်းကို သာမန်မျှလောက်ဘဲ ဖော်ပြနေကြ တာကြောင့် တစ်ချို့ နာမည်ပေး
ပညာရှင်တွေဆိုရင် ပက္ခတ်မိနေတဲ့ နာမည်တွေကို ပေးနေကြ တာကို တွေ့မြင်နေရပါ တယ်။

“ပက္ခတ”် သို့မဟုတ် “ပက္ခ”ဆိုတာ ပဋိပက္ခ ဖြစ်ခြင်း အဓိပ္ပါယ်ကို ဆိုလိုပါတယ်။ နာမည် တစ်ခုရဲ့


ရှေ့ဆုံး နေ့နံ နဲ့ နောက်ဆုံး နေ့နံဟာ “ပက္ခတ”် မိနေတယ်ဆိုရင် ဘဝတစ်ချိန်ချိန်မှာ -

= မတော်တဆ ထိခိုက်ဒဏ်ရာရခြင်း၊ သွေးထွက်သံယိုဖြစ်ခြင်း၊ မပျောက်နိုင်သော


နာတာရှည်ရောဂါကြီးများရခြင်း(ဥပမာ- ဆီးချိုရောဂါ)

= ကိုယ်လက်အင်္ဂါ ချို့ယွင်းခြင်း၊ ခွဲစိတ်ကုသခံရတတ်ပြီး ကိုယ်အင်္ဂါအစိတ် အပိုင်းတစ်ခုခု ဆုံးရှုံးခြင်း၊

= အိမ်ထောင်ရေးပြိုကွဲခြင်း၊ အိမ်ထောင်ရေးအတွက် အမြဲစိတ်ဆင်းရဲနေရခြင်း၊


အိမ်ထောင်ရေးဖောက်ပြန်မှု ဖြစ်ခြင်း၊

= ဘ၀မှာ အမြင့်ဆုံးသို့ ရောက် ပြီးခါမှ ပြန်၍ကျခြင်း၊ ဘဝအဆုံးသတ်မကောင်းခြင်း၊


အိုဇာတာညံ့ခြင်း၊

= Current of Destiny မကောင်းပါက ဥပစ္ဆေဒကကံနဲ့ ကွယ်လွန်ခြင်းများ (သို့မဟုတ)်


အသက်တိုခြင်း များဖြစ်တတ်ပါတယ်။

ဥပစ္ဆေဒကကံနဲ့ ကွယ်လွန်သွားရတဲ့ သူတွေ အတော်များ များရဲ့ နာမည်မှာ “ပက္ခတ”် မိနေတာကို


အထင်အရှား တွေ့ရတတ်ပါတယ်။ ဒီအထဲမှာ ဒုတိယကမ္ဘာစစ်မီးကြီးကို မွှေးခဲ့တဲ ဂျာမဏီအာဏာရှင်
ဟစ်တလာ၊ မြန်မာနိုင်ငံက အာဇာနည် ခေါင်းဆောင် ဗိုလ်ချုပ်အောင်ဆန်း၊ အိန္ဒိယ နိုင်ငံရဲ့
လွတ်လပ်ရေးဖခင်ကြီး မဟတ္တမဂန္ဒီ နဲ့ အင်္ဂလန် ဝေလမင်းသမီး ဒိုင်ယာနာ ၊ မိကျောင်းမုဆိုး
စတိအာဝင်၊ ဘင်နာဇီယာဘူတို တို့ ပါဝင်နေပါတယ်။ “မိုက်ကယ်ဂျက်ဆင်ရဲ့ ဆောင်းပါး” ထဲမှာလည်း
ကမ္ဘာပေါ်က ထင်ပေါ်ကျော်ကြားသူများထဲမှာ နာမည် ပက္ခတ်မိသူများကို ဖော်ပြထားပါတယ်။ အခြား
နာမည် မဖော်ပြလိုတဲ့ ကျော်ကြားသူ အများအပြားလည်း ပါဝင်နေပါတယ်။ ပက္ခတ်အကြောင်း
ရေးရမယ်ဆိုရင်တော့ ကျမ်းတစောင် ပေတစ်ဖွဲ့ ဖြစ်လောက်တာမို့ လိုရင်းကိုဘဲဆက်ပြောပါမယ်။
ဒါကြောင့် ဘယ်လိုနာမည်တွေဟာ “ပက္ခတ”် မိနေ တဲ့နာမည်တွေလည်း ဆိုတာ စစ်ဆေး ကြည့်ကြ
ရအောင်။
နာမည်တစ်ခု “ပက္ခတ”် ငြိ မငြိ ဆိုတာ နာမည်တစ်ခုရဲ့ ရှေ့ဆုံး နေ့နံ နဲ့ နောက်ဆုံး နေ့နံ နှစ်ခုကိုဘဲ
ကြည့်ရပါ တယ်။ အလယ်လုံး တွေကို ကြည့်စရာမလိုပါ။ နာမည် ရှေ့ဆုံးနဲ့ နောက်ဆုံးနေ့နံ
ငြိနေမှသာ “ပက္ခတ”် အစစ် မိတယ်လို့ ဆိုနိုင်ပါတယ်။

“ပက္ခတ”် စစ်ဆေးရာမှာလည်း သက်ဆိုင်ရာအကြွင်းနှစ် အလိုက်စစ်ဆေးရပါတယ်။


ကြည့်ကြရအောင်။

(၁) ကြွင်း ဖွားများအား ပက္ခတ်စစ်ဆေးနည်း

ကိုယ် ဘာအကြွင်းဖွားလည်း ဆိုတာတွက်နည်းကို ကျွန်တော့် ဆောင်းပါးတွေမှာ


အကြိမ်ကြိမ်ဖော်ပြဘူးခဲ့ပေမယ့် ထပ်ပြော ပါဦးမယ်။ ဒီခေတ်မှာ ကိုယ့်မွေးသက္ကရာဇ်ကို အင်္ဂလိပ်လိုဘဲ
မှတ်သားကြတော့ အင်္ဂလိပ်ခုနှစ်ထဲက (၆၃၈)ဂဏန်းကို နုတ်လိုက်ရင် မြန်မာ သက္ကရာဇ်ကို ရပါတယ်။
မြန်မာ သက္ကရာဇ်ကို (၇)နဲ့စားပြီး ရတဲ့ အကြွင်းဟာ ကိုယ့်မွေးတဲ့ မဟာဘုတ် အကြွင်းဘဲ ဖြစ်ပါတယ်။
တစ်ခုသတိထားရမှာက မြန်မာနှစ်ဆန်း (၁)ရက်နေ့ မတိုင်ခင်မွေးရင်တော့ တစ်တိုးပြီး (၆၃၉)ကို
နုတ်ရပါမယ်။ နှစ်ဆန်းတစ်ရက်နေ့နဲ့ နောက်ပိုင်းမွေးတဲ့သူတွေကတော့ (၆၃၈)ကို
နုတ်ရမှာဖြစ်ပါတယ်။ အကြွင်းရပြီ ဆိုတော့ နာမည်တစ်ခု “ပက္ခတ”် မိ, မမိ ကို စစ်ဆေးကြည့်လို့
ရပါပြီ။

အောက်က မဟာဘုတ်ခွင်ကို ကြည့်ပါ။


ဒါကတော့ (၁)ကြွင်း မဟာဘုတ်ခွင် ဖြစ်ပါတယ်

ကိုယ်မွေးတဲ့ ခုနှစ်ဟာ (၁)ကြွင်းဖြစ်နေရင် ဒီမဟာဘုတ်ခွင်နဲ့ သက်ဆိုင် ပါတယ်။ ၁= တနင်္ဂနွေ , ၂=


တနင်္လာ , ၃ = အင်္ဂါ , ၄ = ဗုဒ္ဓဟူး , ၅ = ကြာသပတေး , ၆ = သောကြာ , ၀ = စနေ ဆိုတာတော့
သိကြတယ်မဟုတ်လား။ မသိသေးရင် မှတ်ထားပါ။ အဲဒီ (၁)ကြွင်းမဟာဘုတ်မှာမွေးတဲ့ သူတစ်ဦးရဲ့
နာမည်ဟာ -

(၁) တနင်္ဂနွေစပြီး တနင်္ဂနွေ ဆုံးနေရင် ပက္ခတ်မိပါတယ်။

ဥပမာ- အောင်အောင်၊ အေးအေး

(၂) စနေစပြီး တနင်္လာ ဆုံးနေရင် (သိ)ု့ တနင်္လာစပြီး စနေ ဆုံးနေရင် ပက္ခတ်မိပါတယ်။

ဥပမာ- ကျော်ထွန်း၊ တင်ကို၊ တင်တင်ချို၊ ခိုင်ခိုင်နွယ်

(၃) အင်္ဂါစပြီး သောကြာဆုံးနေရင် (သိ)ု့ သောကြာစပြီး အင်္ဂါ ဆုံးနေရင် ပက္ခတ်မိပါတယ်။

ဥပမာ- စည်သူ၊ သိန်းဇော်၊ သန်းသန်းစိုး၊ ဇင်မာသန်း

(၄) ဗုဒ္ဓဟူးစပြီး ကြာသပတေး ဆုံးနေရင် (သိ)ု့ ကြာသပတေး စပြီး ဗုဒ္ဓဟူး ဆုံးနေရင်


ပက္ခတ်မိပါတယ်။

ဥပမာ- ဝင်းမြင့်၊ မျိုးဝင်း၊ ဝေဝေမြင့်၊ မြမြဝင်း

ဒီ(၄)မျိုး နဲ့လွတ်ရင်တော့ “ပက္ခတ”် လွတ်ပါတယ်။ သတိပြုရမှာ နာမည် အစ နဲ့ အဆုံး နေ့နံကိုသာ


ယူပါတယ်။ အလယ်နေ့နံတွေကို မယူရပါဘူး။

(၂) ကြွင်း ဖွားများအား ပက္ခတ်စစ်ဆေးနည်း


ဒါကတော့ (၂)ကြွင်း မဟာဘုတ်ခွင် ဖြစ်ပါတယ်

ကိုယ်မွေးတဲ့ ခုနှစ်ဟာ (၂)ကြွင်းဖြစ်နေရင် ဒီမဟာဘုတ်ခွင်နဲ့ သက်ဆိုင် ပါတယ်။ အဲဒီ


(၂)ကြွင်းမဟာဘုတ်မှာမွေးတဲ့ သူတစ်ဦးရဲ့ နာမည်ဟာ -

(၁) တနင်္လာစပြီး တနင်္လာ ဆုံးနေရင် ပက္ခတ်မိပါတယ်။

ဥပမာ- ကျော်ကျော်၊ ကြည်ကြည်

(၂) တနင်္ဂနွေစပြီး အင်္ဂါ ဆုံးနေရင် (သိ)ု့ အင်္ဂါစပြီး တနင်္ဂနွေ ဆုံးနေရင် ပက္ခတ်မိပါတယ်။

ဥပမာ- အောင်ဇော်၊ စိုးဦး၊ စိုးစိုးအေး၊ အိအိဆွေ

(၃) ဗုဒ္ဓဟူးစပြီး စနေဆုံးနေရင် (သိ)ု့ စနေစပြီး ဗုဒ္ဓဟူး ဆုံးနေရင် ပက္ခတ်မိပါတယ်။

ဥပမာ- ထွန်းဝင်း၊ ရဲနိုင်၊ နီနီလွင်၊ ရီရီနိုင်

(၄) ကြာသပတေးစပြီး သောကြာ ဆုံးနေရင် (သိ)ု့ သောကြာ စပြီး ကြာသပတေး ဆုံးနေရင်


ပက္ခတ်မိပါတယ်။

ဥပမာ- မင်းသူ၊ သိန်းမြင့်၊ သီသီမာ၊ မိုးမိုးသန်း


ဒီ(၄)မျိုး နဲ့လွတ်ရင်တော့ “ပက္ခတ”် လွတ်ပါတယ်။ သတိပြုရမှာ နာမည် အစ နဲ့ အဆုံး နေ့နံကိုသာ
ယူပါတယ်။ အလယ်နေ့နံတွေကို မယူရပါဘူး။

(၃) ကြွင်း ဖွားများအား ပက္ခတ်စစ်ဆေးနည်း

ဒါကတော့ (၃)ကြွင်း မဟာဘုတ်ခွင် ဖြစ်ပါတယ်

ကိုယ်မွေးတဲ့ ခုနှစ်ဟာ (၃)ကြွင်းဖြစ်နေရင် ဒီမဟာဘုတ်ခွင်နဲ့ သက်ဆိုင် ပါတယ်။ အဲဒီ


(၃)ကြွင်းမဟာဘုတ်မှာမွေးတဲ့ သူတစ်ဦးရဲ့ နာမည်ဟာ -

(၁) အင်္ဂါစပြီး အင်္ဂါ ဆုံးနေရင် ပက္ခတ်မိပါတယ်။

ဥပမာ- ဇော်ဇော် ၊ ဇင်မာစိုး

(၂) တနင်္လာစပြီး ဗုဒ္ဓဟူး ဆုံးနေရင် (သိ)ု့ ဗုဒ္ဓဟူးစပြီး တနင်္လာ ဆုံးနေရင် ပက္ခတ်မိပါတယ်။

ဥပမာ- ကျော်ဝင်း၊ ရဲငြိမ်း၊ ခိုင်ခိုင်လွင်၊ ဝင်းဝင်းချို

(၃) ကြာသပတေးစပြီး တနင်္ဂနွေဆုံးနေရင် (သို့) တနင်္ဂနွေ စပြီး ကြာသပတေး ဆုံးနေရင်


ပက္ခတ်မိပါတယ်။
ဥပမာ- အောင်မြင့်၊ မင်းဦး၊ အေးအေးမွန်၊ မြမြအေး

(၄) သောကြာစပြီး စနေ ဆုံးနေရင် (သိ)ု့ စနေ စပြီး သောကြာ ဆုံးနေရင် ပက္ခတ်မိပါတယ်။

ဥပမာ- သိန်းထွန်း၊ တင်သန်း၊ သီသီနွယ်၊ နီနီဟန်

ဒီ(၄)မျိုး နဲ့လွတ်ရင်တော့ “ပက္ခတ”် လွတ်ပါတယ်။ သတိပြုရမှာ နာမည် အစ နဲ့ အဆုံး နေ့နံကိုသာ


ယူပါတယ်။ အလယ်နေ့နံတွေကို မယူရပါဘူး။

(၄)ကြွင်းဖွားများအား ပက္ခတ်စစ်ဆေးနည်း

ဒါကတော့ (၄)ကြွင်း မဟာဘုတ်ခွင် ဖြစ်ပါတယ်

ကိုယ်မွေးတဲ့ ခုနှစ်ဟာ (၄)ကြွင်းဖြစ်နေရင် ဒီမဟာဘုတ်ခွင်နဲ့ သက်ဆိုင် ပါတယ်။ အဲဒီ


(၄)ကြွင်းမဟာဘုတ်မှာမွေးတဲ့ သူတစ်ဦးရဲ့ နာမည်ဟာ -

(၁) ဗုဒ္ဓဟူးစပြီး ဗုဒ္ဓဟူး ဆုံးနေရင် ပက္ခတ်မိပါတယ်။

ဥပမာ- ဝေလင်း ၊ ရီရီလွင်

(၂) အင်္ဂါစပြီး ကြာသပတေး ဆုံးနေရင် (သိ)ု့ ကြာသပတေး စပြီး အင်္ဂါ ဆုံးနေရင် ပက္ခတ်မိပါတယ်။
ဥပမာ- စိုးမိုး၊ မြင့်ဆွေ၊ ဇင်ဇင်မာ၊ ဖြူဖြူစိုး

(၃) သောကြာစပြီး တနင်္လာဆုံးနေရင် (သိ)ု့ တနင်္လာ စပြီး သောကြာ ဆုံးနေရင် ပက္ခတ်မိပါတယ်။

ဥပမာ- သိန်းကို၊ ကျော်သောင်း၊ သီသီခင်၊ ခင်ခင်သူ

(၄) စနေစပြီး တနင်္ဂနွေ ဆုံးနေရင် (သိ)ု့ တနင်္ဂနွေစပြီး စနေ ဆုံးနေရင် ပက္ခတ်မိပါတယ်။

ဥပမာ- ထွန်းဦး၊ အောင်နိုင်၊ တင်တင်အေး၊ အိအိနိုင်

ဒီ(၄)မျိုး နဲ့လွတ်ရင်တော့ “ပက္ခတ”် လွတ်ပါတယ်။ သတိပြုရမှာ နာမည် အစ နဲ့ အဆုံး နေ့နံကိုသာ


ယူပါတယ်။ အလယ်နေ့နံတွေကို မယူရပါဘူး။

(၅) ကြွင်း ဖွားများအား ပက္ခတ်စစ်ဆေးနည်း

ဒါကတော့ (၅)ကြွင်း မဟာဘုတ်ခွင် ဖြစ်ပါတယ်

ကိုယ်မွေးတဲ့ ခုနှစ်ဟာ (၅)ကြွင်းဖြစ်နေရင် ဒီမဟာဘုတ်ခွင်နဲ့ သက်ဆိုင် ပါတယ်။ အဲဒီ


(၅)ကြွင်းမဟာဘုတ်မှာမွေးတဲ့ သူတစ်ဦးရဲ့ နာမည်ဟာ -

(၁) ကြာသပတေးစပြီး ကြာသပတေးဆုံးရင် ပက္ခတ်မိပါတယ်။


ဥပမာ- မောင်မောင် ၊ မိုးမိုး

(၂) ဗုဒ္ဓဟူးစပြီး သောကြာ ဆုံးနေရင် (သိ)ု့ သောကြာ စပြီး ဗုဒ္ဓဟူး ဆုံးနေရင် ပက္ခတ်မိပါတယ်။

ဥပမာ- ဝင်းသိန်း၊ သန်းလွင်၊ လှလှသူ၊ သီသီဝင်း

(၃) စနေစပြီး အင်္ဂါဆုံးနေရင် (သို့) အင်္ဂါ စပြီး စနေ ဆုံးနေရင် ပက္ခတ်မိပါတယ်။

ဥပမာ- နိုင်ဇော်၊ စိုးတင့်၊ နွယ်နွယ်ဇင်၊ ဇင်မာထွန်း

(၄) တနင်္ဂနွေစပြီး တနင်္လာ ဆုံးနေရင် (သိ)ု့ တနင်္လာစပြီး တနင်္ဂနွေ ဆုံးနေရင် ပက္ခတ်မိပါတယ်။

ဥပမာ- အောင်ကျော်၊ ချမ်းအေး၊ အိအိခင်၊ ခိုင်ခိုင်ဦး

ဒီ(၄)မျိုး နဲ့လွတ်ရင်တော့ “ပက္ခတ”် လွတ်ပါတယ်။ သတိပြုရမှာ နာမည် အစ နဲ့ အဆုံး နေ့နံကိုသာ


ယူပါတယ်။ အလယ်နေ့နံတွေကို မယူရပါဘူး။

(၆) ကြွင်း ဖွားများအား ပက္ခတ်စစ်ဆေးနည်း

ဒါကတော့ (၆)ကြွင်း မဟာဘုတ်ခွင် ဖြစ်ပါတယ်


ကိုယ်မွေးတဲ့ ခုနှစ်ဟာ (၆)ကြွင်းဖြစ်နေရင် ဒီမဟာဘုတ်ခွင်နဲ့ သက်ဆိုင် ပါတယ်။ အဲဒီ
(၆)ကြွင်းမဟာဘုတ်မှာမွေးတဲ့ သူတစ်ဦးရဲ့ နာမည်ဟာ -

(၁) သောကြာ စပြီး သောကြာ ဆုံးရင် ပက္ခတ်မိပါတယ်။

ဥပမာ- သိန်းဟန် ၊ သီသီ

(၂) ကြာသပတေးစပြီး စနေ ဆုံးနေရင် (သိ)ု့ စနေ စပြီး ကြာသပတေး ဆုံးနေရင် ပက္ခတ်မိပါတယ်။

ဥပမာ- မင်းထွန်း၊ နိုင်မင်း၊ မိုးမိုးနိုင်၊ တင်တင်မြင့်

(၃) တနင်္ဂနွေစပြီး ဗုဒ္ဓဟူးဆုံးနေရင် (သိ)ု့ ဗုဒ္ဓဟူး စပြီး တနင်္ဂနွေ ဆုံးနေရင် ပက္ခတ်မိပါတယ်။

ဥပမာ- အောင်ဝင်း၊ ရန်အောင်၊ အိအိဝင်း၊ ယုယုအေး

(၄) တနင်္လာစပြီး အင်္ဂါ ဆုံးနေရင် (သိ)ု့ အင်္ဂါစပြီး တနင်္လာ ဆုံးနေရင် ပက္ခတ်မိပါတယ်။

ဥပမာ- ကျော်ညွန့်၊ စိုးခိုင်၊ ခင်ခင်ညွန့်၊ ညိုညိုခင်

ဒီ(၄)မျိုး နဲ့လွတ်ရင်တော့ “ပက္ခတ”် လွတ်ပါတယ်။ သတိပြုရမှာ နာမည် အစ နဲ့ အဆုံး နေ့နံကိုသာ


ယူပါတယ်။ အလယ်နေ့နံတွေကို မယူရပါဘူး။

(ဝ) ကြွင်း ဖွားများအား ပက္ခတ်စစ်ဆေးနည်း


ဒါကတော့ (၀)ကြွင်း မဟာဘုတ်ခွင် ဖြစ်ပါတယ်

ကိုယ်မွေးတဲ့ ခုနှစ်ဟာ (၀)ကြွင်းဖြစ်နေရင် ဒီမဟာဘုတ်ခွင်နဲ့ သက်ဆိုင် ပါတယ်။ အဲဒီ


(၀)ကြွင်းမဟာဘုတ်မှာမွေးတဲ့ သူတစ်ဦးရဲ့ နာမည်ဟာ -

(၁) စနေ စပြီး စနေ ဆုံးရင် ပက္ခတ်မိပါတယ်။

ဥပမာ- ထွန်းထွန်း ၊ နွယ်နီ

(၂) သောကြာစပြီး တနင်္ဂနွေ ဆုံးနေရင် (သိ)ု့ တနင်္ဂနွေ စပြီး သောကြာ ဆုံးနေရင် ပက္ခတ်မိပါတယ်။

ဥပမာ- သန်းအေး၊ အောင်သိန်း၊ သီသီအေး၊ အိအိဟန်

(၃) တနင်္လာစပြီး ကြာသပတေးဆုံးရင် (သိ)ု့ ကြာသပတေး စပြီး တနင်္လာ ဆုံးနေရင်


ပက္ခတ်မိပါတယ်။

ဥပမာ- ကျော်မင်း၊ ပြေငြိမ်း၊ ခိုင်ခိုင်မော်၊ မီမီကို

(၄) အင်္ဂါစပြီး ဗုဒ္ဓဟူး ဆုံးနေရင် (သိ)ု့ ဗုဒ္ဓဟူးစပြီး အင်္ဂါ ဆုံးနေရင် ပက္ခတ်မိပါတယ်။

ဥပမာ- စိန်ဝင်း၊ ရဲဇော်၊ စိုးစိုးဝင်း၊ ယဉ်ယဉ်ဆွေ


ဒီ(၄)မျိုး နဲ့လွတ်ရင်တော့ “ပက္ခတ”် လွတ်ပါတယ်။ သတိပြုရမှာ နာမည် အစ နဲ့ အဆုံး နေ့နံကိုသာ
ယူပါတယ်။ အလယ်နေ့နံတွေကို မယူရပါဘူး။

စာရေးသူရဲ့ ဗေဒင်လေ့လာမှုသက်တမ်းတစ်လျှောက်မှာ ပက္ခတ်မိခြင်းကြောင့် ဒုက္ခအမျိုးမျိုးနဲ့


ကြုံရသူတွေ ဒုနဲ့ဒေး ရှိနေပါတယ်။ ဒီလို ဘာကြောင့် ပက္ခတ်မိနေတဲ့ နာမည်တွေ ကို
အတွေ့ရများရတာလည်းဆိုတော့ တစ်ချို့သော ဗေဒင် နည်းစနစ်တွေမှာကိုယ်၌က
အလွန်ပက္ခတ်မိလွယ်တဲ့ ဗေဒင် နည်းစနစ် တွေဖြစ်နေလို့ပါဘဲ။ အလွန်သတိထားရပါတယ်။

ဒါပေမယ့် “ပက္ခတ”် မိတိုင်း ကြောက်စရာလား။ အသေဆိုးသေမှာလား၊ ကိုယ်အင်္ဂါ ချို့ယွင်းမှာလား။


အိမ်ထောင်ကွဲမှာ လားလို့ မေးစရာရှိပါတယ်။ “ပက္ခတ”် မိပေမယ့်လည်း ဘာမှ မဖြစ်ဘဲ
ကျန်းကျန်းမာမာ၊ ချမ်းချမ်းသာသာနဲ့ သက်တမ်းပြည့် နေသွားရသူတွေလည်း ရှိပါတယ်။ ဒါပေမယ့်
အရေအတွက်တော့ နည်းပါတယ်။ တစ်ချို့ကြပြန်တော့လည်း ငယ်ငယ်ရွယ်ရွယ်နဲ့ တစ်ခုလပ်၊ မုဆိုးဖိ/ု
မုဆိုးမဖြစ်ပြီး နောက်အိမ်ထောင် ထပ်ကျပြီး ကာမှ ဘာဘေးဥပဒ်မျိုးမှ မတွေ့ရတော့ဘဲ
နောက်အိမ်ထောင်နဲ့ အိုအောင်,မင်းအောင် ပေါင်းသင်းသွားရတာမျိုးလည်း ရှိပါတယ်။ (တစ်ခါနဲ့
ပြီးသွားတဲ့ သဘောပေါ့)။

တစ်ချို့ကျတော့ Accident တွေ အကြိမ်ကြိမ်ဖြစ်တယ်။ ဒါပေမယ့် မသေဘူး။ ကြံဖန်လွတ်တယ်။


ခဏခဏ တော့ ကြုံရတယ်။ ဥပမာ- ဗဟုသုတအနေနဲ့ ပြောရင် ကျူးဘားနိုင်ငံ ရဲ့ သမ္မတကြီး
“ဖီဒယ်ကတ်စ်ထရိ”ု ကို အမေရိကန် စီအိုင်အေ(C.I.A)က အကြိမ်ပေါင်းများစွာ လုပ်ကြံဖို့
ကြိုးစားခဲ့ပေမယ့် မသေဘဲ အကြိမ်ကြိမ် လွတ်မြောက်ခဲ့ဘူးတဲ့ သာဓက ရှိပါတယ်။
“ဖီဒယ်ကတ်စ်ထရိ”ု ဟာ နာမည် ပက္ခတ်မိနေသူတစ်ဦးဖြစ်ပါတယ်။

ဒါကြောင့် ကိုယ့်နာမည် ပက္ခတ် မိနေရင် အရမ်းမကြောက်ပါနဲ့။ သတိတော့ ထားပါ။


သိပ်စွန့်စားရမယ့် အလုပ်တွေကို ရှောင်ပါ။ ကျွန်တော်ရဲ့ Download ယူကြမယ် ထဲက
လက်ကမ်းစာစောင်လေးကို Download လုပ်ယူပြီး ကိုယ့်ရဲ့ “ကောင်းတဲ့ သက္ခတ် နဲ့ မကောင်းတဲ့
သက္ခတ”် တွေလေ့လာကြည့်ပါ။ သက္ခတ်အညံ့ထဲမှာ ရောက်နေရင် ယတြာပြုပေးပါ။ နောက်ပြီး
ယခင်ဘ၀တွေက ပါမလာခဲ့တဲ့ “အကုသိုလ”် ကို အခုဘ၀မှာ မပြုစု မပျိုးထောင် မိပါစေနဲ့။ နာမည်
ပက္ခတ်မိသူတွေဟာ ယခုဘ၀မှာ အကုသိုလ်များလာရင် နောင်ဘ၀မဆိုင်းဘဲ အကျိုးပေးတတ်တာကို
(လက်တွေ့ သုတေသန များအရ) တွေ့ရှိထားကြောင်း တင်ပြလိုက်ရပါတယ် ခင်ဗျား။

# Pop ဘုရင်ကြီး မိုက်ကယ်ဂျက်ဆင် နှင့်


နာမည်ပက္ခတ်မိခြင်း
1
June 26, 2009
by Dr.Tin Bo Bo

လူသားအားလုံးကို နှုတ်ဆက်ခဲ့ပါတယ်။ ဘယ်လောက်ဘဲ နာမည်ကြီးကြီး၊ ချမ်းသာချမ်းသာ၊ သြဇာ


ကြီးကြီး နောက်ဆုံးမှာတော့ ကျွန်တော့်လိုဘဲ “မရဏ” ဆိုတဲ့ သေခြင်းတရားနဲ့
ရင်ဆိုင်ကြရမယ်ဆိုတာ သတိရပြီး နေရစ် ခဲ့ကြပါ။ ကျွန်တော်ရဲ့ အောင်မြင်မှု၊ ကျော်ကြားမှု၊
ချမ်းသာကြွယ်ဝမှု တွေကို ဘာတစ်ခုမှ ယူမသွား နိုင်ခဲ့ပါဘူး။

အားလုံးထားရစ်ခဲ့ရပါတယ်။ ကျွန်တော် ယူသွား နိုင်တာကတော့ ကျွန်တော်လုပ်ခဲ့တဲ့ “ကုသိုလ် နဲ့


အကုသိုလ”် ဆိုတဲ့ အရာ(၂)ခုတည်းပါ။ ဘုရားသခင်ရဲ့ ရှေ့မှောက်မှာ ကျွန်တော့်ရဲ့ ကုသိုလ် နဲ့
အကုသိုလ်ကို ချိန်ခွင်လျှာတင်ပြီး အစစ်ဆေးခံရပါဦးမယ်။ ကောင်းကင်ဘုံ မှာဘဲ နေခွင့်ပြုမလား၊
ငရဲဘုံကို အပို့ခံရမလားဆိုတာ ကျွန်တော် မသိသေး ပါဘူး။

ဘာမှ ရေရာမှုမရှိတဲ့ တိုတောင်းလှတဲ့ လူ့ဘဝမှာ လူတိုင်းလူတိုင်း ကြုံတွေ့ရမယ့်


“သေခြင်းတရား”ကို အမြဲအမှတ်ရ နေကြပြီး၊ တမလွန်မှာ ကိုယ်နဲ့အတူ
အမှန်တကယ်ယူဆောင်သွားရမယ့် ကုသလ
ိုတရားကိုသာ များများယူသွားနိုင်အောင် ကြိုးစားပြီး
နေရစ်ခဲ့ကြပါတော့ ခင်ဗျား။ – - – (မိုက်ကယ်ဂျက်ဆင်)

ဒီကနေ့နံနက်သတင်းမှာ Pop ဘုရင်ကြီး မိုက်ကယ်ဂျက်ဆင် ရုတ်တရက်ကွယ်လွန်သွားတယ်ဆိုတဲ့


သတင်းကို ကြားလိုက်တော့ စိတ်မကောင်းခြင်း နဲ့အတူ “နာမည်ပက္ခတ်မိနေသူ” ကမ္ဘာကျော်
တစ်ဦးတော့ သွားရှာပြန်ပေါ့လို့လည်း သံဝေဂရလိုက်ပါတယ်။ လွန်ခဲ့တဲ့ နှစ်အနည်းငယ်က
Discovery Channel မှာ သရုပ်ဆောင်လူစွမ်းကောင်းတစ်ဦးဖြစ်တဲ့ “စတိအာဝင်”
ကွယ်လွန်သွားခဲ့စဉ်ကလည်း ဒီလိုဘဲ စိတ်မကောင်း ဖြစ်ခဲ့ရပါတယ်။

နာမည် “ပက္ခတ”် မိခြင်းဟာ နာမည်အမှားတွေထဲမှာ ဆိုးကျိုးအလွန်ပေးနိုင်တယ် ဆိုတာ စာရေးသူ


သတိထားမိချိန်က စပြီး ကမာကျော် ပုဂ္ဂိုလ်တွေရဲ့ မွေးသက္ကရာဇ်တွေကို လိုက်လံစုဆောင်းပြီး
သုတေသနပြုကြည့်ပါတယ်။ အဲဒီမှာ နာမည် ပက္ခတ်မိခြင်း ရဲ့ ဆိုးကျိုးဟာ ပိုမိုသိသာ ထင်ရှား
ပေါ်လွင် လာပါတယ်။ မငြင်းနိုင်အောင် ဖြစ်လာရပါတယ်။

နာမည် ပက္ခတ်မိတယ်ဆိုတာ နာမည်တစ်ခုရဲ့ အရင်းလုံး(အစ,လုံး) နဲ့ အဖျားလုံး(အဆုံး,လုံး)


တို့ဟာ မဟာဘုတ်တိုင်မှာ အောက်ပါ အနေအထားတွေ ဖြစ်နေရင် “ပက္ခတ”် မိတယ်လို့ ဆိုပါတယ်။
“ပက္ခတ”် မိခြင်း (၄)မျိုးရှိပါတယ်။

နာမည် အစ,လုံး + နာမည် အဆုံး,လုံး

(၁) ဘင်္ဂ + ဘင်္ဂ

(၂) အထွန်း + ပုတိ (သိ)ု့ ပုတိ + အထွန်း

(၃) မရဏ + အဓိပတိ (သိ)ု့ အဓိပတိ + မရဏ

(၄) ရာဇ + သိုက် (သိ)ု့ သိုက် + ရာဇ

ဆိုပြီး (၄)မျိုးရှိပါတယ်။ အဲဒီလို နာမည် ပက္ခတ် မိနေသူတွေဟာ ဘာတွေဖြစ်နိုင်လဲဆိုတာ


လေ့လာကြည့်တော့ -
= အိမ်ထောင်ရေးပြိုကွဲတတ်တယ်။ အိမ်ထောင်ဆက်များတတ်တယ်။ မုဆိုးဖိ/ု မ ၊ တစ်ခုလပ်
ဖြစ်လွယ်တယ်။ အငယ်အနှောင်းဖြစ်လွယ်တယ်။

= မတော်တဆထိခိုက်မှုဖြစ်တတ်တယ်။ ကိုယ်အင်္ဂါ ချို့ယွင်းတတ်တယ်။

= အမြင့်ဆုံး အထွဋ်အထိပ်ရောက်ပြီးမှ ရုတ်တရက် ပြုတ်ကျတတ်တယ်။ ကြီးမားတဲ့


လောကဓံကြီးတွေကို တွေ့တတ်တယ်။ ချမ်းသာပြီးမှ ပြန်မွဲသွားတတ်တယ်။

= အသက်အရွယ်မတိုင်မှီ (ကျော်ကြားနေဆဲ)မှာ ရုတ်တရက် ကွယ်လွန်တတ်တယ်။


အသက်တိုတတ်တယ်။

= ဥပစ္ဆေဒက ကံနဲ့ ကွယ်လွန်တတ်တယ်။ သို့မဟုတ် ပုံမှန် သွေးရိုးသားရိုးမဟုတ်တဲ့ သေနည်းမျိုးနဲ့


သေဆုံးတတ်တယ်။ ဆိုတဲ့ အချက်တွေ တစ်ခုမဟုတ်တစ်ခု ဖြစ်တတ်ကြတာကို တွေ့လာရပါတယ်။
လုပ်ကြံခံရတဲ့ ခေါင်းဆောင်တွေ အတော်များများဟာလည်း နာမည် “ပက္ခတ”်
မိနေသူတွေဖြစ်တာများတယ်ဆိုတာ တွေ့ရပါတယ်။

ပက္ခတ်မိခြင်းမှာ နာမည် အသံထွက်အရ ပက္ခတ် မိခြင်းနဲ့ စာလုံးပေါင်းခြင်းအရ ပက္ခတ် မိခြင်းဆိုပြီး


(၂)မျိုးရှိပါတယ်။ မြန်မာနာမည်တွေကတော့ အက္ခရာတစ်လုံးဟာ အသံတစ်ခုသာ ထွက်ရတာကြောင့်
အသံထွက်အရ ပက္ခတ်မိခြင်း တစ်မျိုး သာ ရှိပေမယ့် အင်္ဂလိပ်နာမည်များမှာတော့ အက္ခရာ
(၃)(၄)လုံးပေါင်းမှ အသံတစ်မျိုးဘဲထွက်တာမျိုးတွေက ပိုများတာ ကြောင့် စာလုံးပေါင်းအရ
ပက္ခတ်မိခြင်းကိုလည်း ထည့်တွက်ရပါတယ်။

အခု မိုက်ကယ်ဂျက်ဆင်ကတော့ “အသံထွက်အရ ပက္ခတ်မိခြင်း” ဖြစ်ပါတယ်။


မိက
ုကယ်ဂျက်ဆင်ဟာ (၄)ကြွင်းဖွား သောကြာသားဖြစ်ပါတယ်။ သူ့မွေးနေ့က ၁၉၅၈ ခုနှစ်၊
သြဂုတ်လ (၂၉)ရက်၊ ဖြစ်ပါတယ်။ ကွယ်လွန်ချိန်မှာ အသက် (၅ဝ)ပြည့်ပြီး (၅၁)နှစ်ထဲကို
ဝင်ရောက်နေချိန်ဖြစ်ပါတယ်။ သက်ရောက်အရ တနင်္လာသက်ရောက်ဖြစ်ပါတယ်။ အဲဒီနေရာမှာ
တွေ့ရ ပြန်တာက သက်ရောက် တနင်္လာဂြိုဟ်ဟာ မွေးနံ သောကြာနဲ့လည်း
ပက္ခတ်မိနေတာဘဲဖြစ်ပါတယ်။ အောက်က မဟာဘုတ်ခွင်ကို ကြည့်ပါ။
ဒီမဟာဘုတ်ခွင်မှာ မိုက်ကယ်ဂျက်ဆင်ရဲ့ နာမည်အစလုံးဖြစ်တဲ့ ကြာသပတေးနံ (မိုက)် နဲ့
အဆုံးလုံးဖြစ်တဲ့ အင်္ဂါနံ(ဆင်) တို့ ဟာ (ပုတိ + အထွန်း) ပက္ခတ် အုပ်စုထဲမှာ ဝင်နေတာကို
တွေ့ရပါတယ်။ နောက်ပြီး သိုက်မှာ ရပ်တည်တည်နေတဲ့ သူ့မွေးနံ သောကြာ နဲ့ အသက် (၅၁)နှစ်ရဲ့
သက်ရောက်ဂြိုဟ် တနင်္လာတို့ဟာလည်း (သိုက်+ရာဇ) ပက္ခတ်မိနေတာကို တွေ့ရ ပါတယ်။
ဒါကြောင့် နာမည်ပက္ခတ်မိနေသူတွေဟာ ကိုယ့်မွေးနံ နဲ့ ပက္ခတ်မိနေတဲ့ အသက်ပိုင်းတွေကို သတိပြု
ရပါမယ်။

စာရေးသူရဲ့ သုတေသနပြုချက်အရ ပက္ခတ်မိပြီး ကွယ်လွန်သွားရတဲ့ ကမ္ဘာကျာ်ပုဂ္ဂိုလ်များစာရင်းကို


ပြန်လည် ဖော်ပြလိုက် ပါတယ်။ သူတို့ကတော့ -

ဂျာမဏီအာဏာရှင် ဟစ်တလာ(ကိုယ့်ကိုယ်ကိုသတ်သေ)၊

အီတလီဖက်ဆစ်ခေါင်းဆောင် မွတ်ဆိုလိုနီ (သေဒဏ်ပေးခံရ)၊

အမျိုးသားအာဇာနည် ဗိုလ်ချုပ်အောင်ဆန်း(လုပ်ကြံခံရ)၊

အိန္ဒိယ လွတ်လပ်ရေးဖခင်ကြီး မဟတ္တမဂန္ဒီ (လုပ်ကြံခံရ)၊

ဗြိတိသျှ ဗိုလ်ချုပ်ကြီးဟောင်း မောင့်ဘက်တန် (လုပ်ကြံခံရ)၊

Rock ဂီတဘုရင်ကြီး အဲလ်ဗစ်ပရက်စလေ၊


အင်္ဂလန် ဝေလမင်းသမီး ဒိုင်ယာနာ (ကားမှောက်ကွယ်လွန်)၊

မိုနာကိုမင်းသမီးကြီး ဂရေ့စ်ကယ်လီ (ကားမှောက် ကွယ်လွန်)၊

လက်ဘနွန်ဝန်ကြီးချုပ် ရာဖစ်ဟာရီရ(ီ လုပ်ကြံခံရ)၊

Discovery Channel သရုပ်ဆောင် မိချောင်းမုဆိုး စတိအာဝင် (မတော်တဆဖြစ်ကွယ်လွန်)၊

ပါကစ္စတန် ဝန်ကြီးချုပ်ဟောင်း ဘင်နာဇီယာဘူတ(ို လုပ်ကြံခံရ)၊

အီဂျစ်သမ္မတ အန်ဝါဆဒတ်(လုပ်ကြံခံရ)၊

ဖိလစ်ပိုင် အတိုက်အခံခေါင်းဆောင် ဘင်နီနိုအကွီန(ို လုပ်ကြံခံရ)၊

အီရတ်အာဏာရှင်ဟောင်း ဆက်ဒမ်ဟူစိန် (သေဒဏ်ပေးခံရ)၊

အမေရိကန်နိုဗယ် ဆုရှင်စာရေးဆရာကြီး အားနက်စ်ဟင်းမင်းဝေး(ကိုယ့်ကိုယ်ကို သတ်သေ)

တို့ ဖြစ်ကြပါတယ်။

အခုနောက်ဆုံးစာရင်းကတော့ မိုက်ကယ်ဂျက်ဆင်ပေါ့။ Rock ဂီတဘုရင်ကြီး အဲလ်ဗစ်ပရက်စလေ


ကွယ်လွန်စဉ်က အသက် (၄၃)နှစ်သာ ရှိသေးတာမို့ မိုက်ကယ်ဂျက်ဆင် ထက် အများကြီး
ငယ်ပါတယ်။ သိပ်နှမြောစရာကောင်းတဲ့ အစားထိုးမရတဲ့ ဂီတ ပညာရှင်တွေဖြစ်ပါတယ်။

ဒါဟာ အဆိုးဆုံးဖြစ်ရပ်တွေကို ကောက်ယူထားတာဖြစ်ပြီး ပက္ခတ်မိတိုင်း


အသေဆိုးနဲ့သေတတ်တယ်၊ အသက်တိုမယ် လို့တော့ အဓိပ္ပါယ်ကောက် မလွဲစေချင်ပါဘူး။
လူတစ်ဦးတစ်ယောက်ရဲ့ အဆိုးဆုံးဖြစ်ရပ်တွေထဲမှာ သေဆုံးကွယ်လွန်မှု ကတော့
အထင်ရှားဆုံးဖြစ်ရပ်ဖြစ်တာမို့ သက်သေပြဖို့ အကောင်းဆုံး ဖြစ်နေလို့သာ ဖော်ပြရခြင်းဖြစ်ပါတယ်။
Accident ဖြစ်ခြင်း၊ ခွဲစိတ်ကုသ ခံရခြင်း၊ ကိုယ်အင်္ဂါ ချို့ယွင်းခြင်း၊ အိမ်ထောင်ရေးပျက်စီးခြင်း၊
စီးပွားပျက်စီးခြင်း၊ ရာထူးအာဏာ ကျဆုံးခြင်းများ လောက်နဲ့ ပြီးသွားတာ တွေလည်း ရှိပါတယ်။

ဥပမာ-အမေရိကန်သမ္မတဟောင်း ရစ်ချတ်နစ်ဆင် ဆိုရင် “Water Gate” အရေးအခင်းကြောင့်


ရာထူးမှ နုတ်ထွက်ပေးရပြီး သမိုင်းမှာ နာမည်အပျက်ဆုံး သမ္မတတစ်ဦး ဖြစ်သွားပါတယ်။ သူလည်း
ပက္ခတ်မိနေသူတစ်ဦး ဖြစ်ပါတယ်။ ဒါပေမယ့် သူဟာ သက်တမ်းပြည့်နေသွားရတာကို တွေ့ရပါတယ်။
နောက်ထပ် နာမည်အသံထွက်ရ၄င်း၊ စာလုံးပေါင်းခြင်းအရ၄င်း ပက္ခတ်မိနေတဲ့
ကမ္ဘာကျော်တွေရှိပါသေးတယ်။ နောက်မှ “ပေါက်ဖော်” မဖြစ်ရ လေအောင် သူတို့စာရင်းတွေကိုလည်း
ကြိုတင် အသိပေးထားချင်ပါတယ်။ အဆိုးဆုံးတွေချည်း ဖြစ်မယ်လို့တော့ မပြောနိုင်ပါဘူး။
ခပ်သေးသေး ပြဿနာ တွေနဲ့လည်း ပြီးသွားနိုင်ပါတယ်။ အိမ်ထောင်ရေးပြဿနာတွေနဲ့
လည်းပြီးသွားနိုင်ပါတယ်။ သူတို့ကတော့ -

အိုစမာဘင်လာဒင် (သေသည်ရှင်သည်မသိသေး)

မာရီယာရှာယာပိုဗာ (တင်းနစ်အလှမယ်)၊

ရော့စတီးဝပ် (ရောဒ့်အဆိုကျော်)၊

ဆာအလက်စ်ဖာဂူဆန်(မန်ယူနည်းပြချုပ်)၊

အင်နာကော်နီကိုဗာ( ရုရှား ဖက်ရှင်မယ်)၊

အမေရိကန် သမ္မတဟောင်း ဘီလ်ကလင်တန် နှင့် သူ့ဇနီး (ယခုနိုင်ငံခြားရေးဝန်ကြီး)


ဟီလာရီကလင်တန်၊

ဟောလီးဝုဒ် အော်စကာ ဆုများရှင် ဂျိုဒီဖော်စတာ၊ ဟောလီးဝုဒ်သရုပ်ဆောင် ဂျွန်ထရာဗိုလ်တာ၊

ဟောင်ကောင်အက်ရှင်မင်းသား ချောင်ယွန်ဖတ်၊

အက်ရှင်မင်းသားကြီး ဟယ်ရစ်ဆင်ဖို့ဒ်၊

အမေရိကန် နိုင်ငံခြားရေးဝန်ကြီးဟောင်း ဟင်နရီကစ်ဆင်းဂျား၊

အင်တာမီလန် နည်းပြချုပ် ဂျိုဆေးမော်ရင်ဟို ၊

ငြိမ်းချမ်းရေးနိုဗယ်ဆုရှင် ဒေါ်အောင်ဆန်းစုကြည်၊

Golf ချန်ပီယံ တိုက်ဂါးဝုဒ်၊

ပြိုင်ကားမောင်းချန်ပီယံ မိုက်ကယ်ရှုးမေကာ၊

ဟောလီးဝုဒ်သရုပ်ဆောင်မင်းသားချော ဂျူဒ်လော တို့ဖြစ်ကြပါတယ်။ ယခုလည်း


သုတေသနပြုလေ့လာဆဲမို့ နာမည်စာရင်း အသစ်များ တွေ့ရင် ထပ်မံတင်ပြပါဦးမယ်။
အခုတော့ ဒီလောက်နဲ့ဘဲ တော်လိုက်ပါဦးမယ်။ နောက်ပို့စ်တစ်ခုမှာ ကိုယ့်နာမည်ကို ပက္ခတ် မိ၊ မမိ
စစ်ဆေးတဲ့နည်းကို ဆက်ပြီး တင်ပြသွားပါမယ်။

You might also like