Source: The Aizawl Post Dec 12, 2007

Hmar Students Association chuan nimin khan Vairengteah general assembly vawi
51-na an \an a, chhunah rorel inkhawm neiin Hmar biala mautam \am tuarte \anpui
an rel.

Khawmpuia tlangzarh tak magazine 'Ruong le Vai Suo' hralhnaa pawisa hmuhte
chu mautam \am tuarte \anpui nana hman ni se tiin an rel a, hei bakah hian
thawhlawm an khawn mek bawk niin HSA joint headquarters, Aizawl president JC
Tlangthansiama chuan The Aizawl Post a hrilh. An theih ang tawkin \am tuarte hi
\anpui an tum niin a sawi. Hmar zirlai kalkhawmte chuan 2008 hi zirna hmasawn
nana nasa lehzuala lak an rel niin he zirlai pawl hruaitute chuan an sawi bawk.

Nizan khan vantlang inkhawm \an a ni a, H Lalsangzuala MLA chu khuallian a ni

a, Manipur-a minister ni \hin Selkai Hrangchal chu functional president a ni.
Khawmpuiah hian Mizoram, Assam, Manipur leh Meghalaya a\angin palai 1000 an
kalkhawm; Hmar hnam zinga milian leh mithiamte pawhin he khawmpui hi an
hmanpui a ni.

Vawiin hian chawhma lam inkhawmah H Vanlalauva minister chu khuallian a ni

ang a, chawhnu lamah "With a purpose" tih thupui hmanga inkawmhona hun an
hmang ang.