AN OFFICIAL ORGAN OF THE CHENNAI MIZO WELFARE ASSOCIATION

VOL.XVI ISSUE NO. 15 SUNDAY OCTOBER,13, 2013

CMWA INKHAWM PROGRAMME

Dt. 20. 10. 2013 SERMON INKHAWM A Hmun: CSI Wesley Church, Egmore Tan Hun : 03:30 pm Hruaitu : Jackie Zobiakvela Hnamte (Chepauk) Tantu : Nl. Linda Lalhmangaihzuali Sailo (MCC) Thawhlawm Khawntu : 1..Tv. Lalmalsawma Ralte (Choolaimedu) 2. Tv. Nicholas Vanlalfela (Choolaimedu) Thawhlawm Hlantu : Tv. Lalnunsang Sailo (Tambaram) Sermon: Nl.K.Lalhmingchhuanmawii (Shenoy Nagar) Special Item: Nl.B. Zonunchami (Chepauk) Hla Hriltu : Nl. Dorothy Lalrintluangi (MCC) Musicians: 1. Tv. C.Lalnuntluanga (Choolaimedu) 2. Tv. K.Lalchhuanliana (Chepauk) 3. Tv. John. Lalmalsawma (Chepauk) Receptionists : 1. Tv. David Lalmalsawma (Chepauk) 2. Tv. Biakthanmawia (Chepauk) 3. Nl. Lalfelkimi Sailo (Chepauk) 4. Nl. Lalhriatpuii (Chepauk)

MIZORAM A KRISTIANNA LO THLEN DAN TLANGPUI

Pu Hmingthanga
1. Tlawhtu hmasa : Chanchin tha hrilh nana Mizoram en hmasatu chu Khasi rama Welsh Missionary Rev. Williams a ni a. Aizawl ah kum 1891 bul lamah a thleng a chu tih lai chuan Aizawl chu khawpui a tana chei tan chauh a ni a, hnathawktu hnamdangte an tam hle a, Mizo erawh chu tlem te chauh anni. Rev. Williams chuan Mizo te chu a khawm a Isua lem te a sem a, Mizo pahnih khat tal Pathian thu zir tura Khasi rama hruai tur a zawnga mah se a hmu zo lo. Heng hunlai hian Mizoram thut nghet tuma lo lut sap leh an thuihruaite chu Mizo lal ten an lo bei zauh zauha inkah a lo reh tak tak lo, chuvangin sorkarin awm rei an phal lo a 11/4/1891 ah Mizoram chu an chhuahsan leh ta a. Mizo beng hriata Isua hming sawi ri hmasa ber chu William Williams-a hi a ni. 2. Arthington mission (Tum hnihna) : He mission dintu Robert Arthington-a hi England ram Leeds khua Huns Let Lane venga cheng a ni. Kum 1823 a piang a ni. Kum 1850 vel atangin Arthington chu missionary hna lamah a tui hle a, missionary chanchin a chhiarte chuan a rilru a hneh hle a ngaihnawm a ti em em thin. Aizawl apawimawh ber chu mi zawng zawng hnenah chanchin tha hrilh hi tul a ti hle a, a ngaihtuah ber a ni ta. A sum enkawltu a thianpa hnen atangin pound 8,00,000 a la neih thu a hriat chuan khawvel a chanchin tha hrilh nan hman a duh ta a. Bengali ram atangin missionary hawng Johan Dalmas hnen atangin Assam tlang mite hnenah chanchin tha a la thleng lo tih a hria a. Tichuan, J. Dalmas-a ruahman puihnain, Arthington Aboringins mission alo din ta a ni. Hei hi Mizo ten Arthington mission tia kan lo hriat tak hi a ni. Tichuan Arthington www.chennaimizo.org mission a thawktu a lak J.H Lorrain (Pu Buanga) leh F.W Savidge (Sap upa) te Tripurachhimbalweekly@gmail.co m ah awm hmun khuar tumin an thawk a. Mahse, an Raja chuan a phal loh avangin 2 Pages Chittagong lamah an kir leh a. He tah lai hian Mizoram-ah mahni ram humhalh tumna Free Circulation Mizo lal ten sap an do a la reh loh avangin, sorkharin luh a phal lo a. Silchar-ah an Since 1 998 insuana Welsh missionary Miss Laura Evans-i hnenah an cheng a. Mizoram luhphalna kum khat chhung lai an nghah hnuin an hmu thei ta hram a ni. Tlang dung zawhin lawngin an inkar chho a. Harsatna tam tak an tawk a, 11/1/1894 ah Sairang an thleng.12/ 1/1894 ah Aizawlah an lo lut a. Heng zosap (missionary) pahnih te hian Mizoramah kum 4 lai January 18941897 thleng rawng an bawl a, an hnathawh ber chu lehkha bu siam a ni. Mizo in A.Aw.B an la neih loh avangin Roman lehkha ziah dan rinchhanin tun a mizo A.Aw.B hi kum 1894 ah an siam chhuak a, Mizo zirtir bu pawh 1896 ah an ti chhuak thei a. Bible lehlin hna 1895 atangin an thawk tan a. Chanchin tha Luka ziak an khawih hmasa ber a, chanchin tha Johana leh Tirhkohte Thiltih an letling leh a. 1898 ah chanchin tha Luka ziak chu press a chhuin an ti chhuak thei a ni. Missionary ten an hla lehlin hmasa ber chu Isua vanah a awm a, khawvelah a zuk lo kal a(KHB No.130) Hla lehlin hmasa 18 pawh 1899 ah a bu a chhuah a ni bawk. Heng an hnathawh zawng zawng puitu mi pathum te chu Pu Suaka (Durtlang Lal ni ta) te Pu Thangphunga(Chaltlang Lal ni ta) te Pu Khamliana (Lunglei Lal ni ta) te an ni. Heng Zosap pahnih te hian tun a Mizo High School Field, Mac Donald Hill Aizawl chhak lam sirah hian in an sa a, Biak in ah an hmang nghal a, chu chu Mizoram a biak in ding hmasa ber a ni. 3. Welsh Mission (Tum thumna) : Arthington Mission kalphung chu chanchin tha la hrilh lohna apiang a sawi lawr zel a ni a, chuvangin Pu buanga leh sap upa te chu ram dang a kalsawn tura tih anni a. Tichuan Welsh mission chuan an hmun luah turin Rev. David E Jones a a rawn tir a. Aizawl chu 31 August 1897 ah a thleng a a lo awm hmasa Pu Buanga te thian dun nen thla 4 vel an inhrawn hman. Mizo tawng an zir ta ngat ngat a, nitin tawng mal sawm kua a hre hman a, a lo awm hmasa te avang chuan a vengvat phah hle. Khasi kohhranin Rev. D. E Jones-a pui turin Rajbahajura an tir ve bawk. Missionary dang Rev. Edwin Rowland-a pawh Aizawl-ah 31 December1898 ah a thleng

Bible Changthlan He khawvel finna hi Pathian ngaih chuan atna a ni si a,Ani chuan mifingte chu anmahni fin verveknain a awk thin. I Korinth 3:19

CHHIMBAL

SUNDAY
a. A ni hi hla lam thiam leh school zirlai bu siam kawngah tangkai em em a ni. A thleng hmasa Rev. D. E. Jones-a chu Zosap hluia a thar zawk chu zosap thara tiin an ko mai a an mizo hming a ni an ti hlen ta a ni. Tichuan Pu Buanga leh Sap Upa te thian dunin Zoram an chhuahsan hnuin Zosap hluia leh Zosap thara ten an rawngbawl hna zawng zawng chu an chhunzawm ta a ni. 4. Aizawlah kum 4 lai rawng lo bawl tawh Pu Buanga leh Sap Upate chu lungleiah rawngbawl turin an lo chhuak leh ta a. Zoram pana Tlabungah an awm laiin Sethlun khua a Kristian te chuan an zuk hmuak a, an inhmu chu an lawm em em a, a hmuaktu thenkhat te chu an tap hial a ni. Lunglei chu 13 March 1903 ah an thleng a, Sethlun Biak in ah inkhawm tura an kal hmasa ber tum chuan, nuho in kalkawngah puan an lo phah hial a ni. Ringtu hmasa te nundan tlangpui Mizoram a lo lut Missionary te chuan hna an thawk nasa hle a, chanchin tha hrilh nan an zin kual reng a, an thawh rah pawh an hmu hma hle a ni. Mizoram a Baptisma chang hmasa ber te chu Khuma leh Khara te an ni. Ni 25 June 1899 ah khan an chang. Hming pe satliah te chu an awm nual a, Ringtu hmasa te chu michhia leh mi huihphai deuh te an ni. Miten Pathian thusawi ho an ti thin. Ringtu hmasa te chu an awm mai mai thei lo a, Pathian thu hrilin an zin chhuak a, mite hnenah Lal Isua lo ring ve tawh rawh u tiin an hmuh apiangte hnenah an sawi thin a. Tih duhdahna tin reng an tuar a, mahse Pathian tan rinawm takin an ding tlat a ni. Chutiang harsatna karah pawh Kristian a lut tur mi an zawng zela tunah chuan Kristian za ah za awmna a lo ni ta a ni. Mizoram ah Pastor hmasa ber chu Chhuahkhama a ni. Kum 1913 October thlaah nem ngheh a ni. Bible pum mizo tawnga kan neih kum chu 1959 ah a ni. Source: www.mizokhawvel.com
SUNDAY INKHAWM REPORT

OCTOBER, 13, 2013

Editorial
CMWA :Unity for Better tomorow CMWA (Chennai Mizo Welfare Association) hi Kum 1998 atang khan Pathian kaihhruaina zarah tluang takin alo kal chho ve bek bek zela, a chhunga cheng Mizo te erawh kumtin kan danglamin member hluite member tharten rawn finin member thenkhatten min chhuahsan zel mek bawk a, hetia member mize hrang hrang nei leh awmna hmun hrann hran atanga lo kalte min suihkhawmtu CMWA hi achhunga cheng keini hian kan hriat chiana kan chhawm nuna, kan fin chhuaha loh chuan enge anih ang le? tih hi zawhna lian tak a ni thei ngei ang le. CMWA chuan memberte career ti chhe thei zawng emaw an zirna leh hnathawh tibuai thei zawng emaw a activity neih hi athil tum a ni ngai lova, kan lenna vek thei tur nilo programme a buatsaih ngai heklo. Nimahsela keini member zawkte hian Activity chu sawiloh Sunday inkhawm tak ngial pawh kan peihlo thin hi chu CMWA mai nilo Pathian hi azahawm thin teh e tiru!.. Hei hi hre thar leh ila, mizo te chu thenawmte nen bai insuah tlang, chaw thing inban tawn, mai leng an um ngailohna ram a cheng kan ni tih hi, CMWA hi i duh ang thlapin akal lo maithei, duh khawp lohna tam tak inei maithei, mahse, kan tlin lohna leh kan chak lohna lai tak hi inhrilh tawna inti chak tawn zawk tur kan ni tih hi i hre thar leh theuh ang u hmiang. CMWA hi i ta, ka ta, an ta a ni si a.

Editorial board
Editors K. Lalchhuanliana 9790978813 Jt.Editors Lalnuntluanga Vanchhawng 9176955764 F. Hmingthanzuala 9600027841 Lalthanpuia 7401652340 Correspondents C.Lalnuntluanga 9940187058 Lalnunthara 9884820638 R.Lalruatfela 9677160495 Hmingsangzuali 9940441412

KAN CHHUNGKUA 1. Nl. Lalruatfeli (UCA) chu Kalyani Hospital ah hun engmaw chen damlohna avanga a awm hnu in Pathian zarah Dt.08.Oct.13 khan dam takin achhuak leh theia alawmawm hle a ni. 2. Vawiin ni a kan thingpui in leh cake tui tak kan ei te hi Lallawmkima Fanai leh Daniel Lalrinsanga te thlah nan Gabriel P.C Lalliansanga leh athian te tum a ni a, an chungah kan lawm hle a ni. 3. Kum 2013-2014 session atan a CMWA Directory chu Press ah dah luh tawh a ni a, Dt.20.Oct.2013 hian inkhawm naah Release hman tum a ni. 4. Zirlai member zawng2 te kan zirlai ah thahnem ngai tak a zir theuh tur in kan in chah duh bawk a ni e.
CHAWNGKHUM DAN TLANG HUAT LOH..!!

SHOOT ME...SHOOT ME..! 9790978813 ah thawh theih reng a ni A hua hua hlawk-ah....

Vanglaini Daily News chhiar ve duh tan http://www.vanglaini.org/

Date : 06.10. 2013 Inkhawm zat Mipa-46 Hmeichhia-41 Total :87 Thawhlawm : Rs. 2574 /Thawhlawm Ip Rs.14250/Total = Rs.16824/-

1. Phone thar neih chu Nuam pang2 hle mai ! -Hna-i Chepauk. 3.Presidents Cup Best Player ka nilo kha chu ka mut ala tui thei thawlt lo.-Isaac 2.Dina te ka insawn pui chu duh aiin hmeichhe hmelhriat anlo nei tha a,haw hma a ngaih phah ve. -Hriatpuia