CHANCHINBU ENKAWLTUTE

Editor : Chanchinmawia (9615820416) Jt. Editor : Lalnunsanga Fanai (9862120903) News Ed. : K.Lalremsiama, H.Lalhmingliana, C. Zonunpuia Lalhmachhuana Fanai (9615030822) Cir. Mag. : Lalramzauva Chawngthu (8575462587) OB i/c : Branch OB

Vengthlang Branch YMA Chanchinbu Phek 2

Kum : XXII Phek 3

Vawi : 44

Tahrik Ni : 3 Sahmulphah thla (October) 2013 Phek 4

AN SAWI LOKPAL BILL

BPL BIHCHIANNA

LAWRKHAWM
bakah thahrui hmanga Vengthlang chei nana thawkchhuak turin Decoration Sub Committee chuan min ngen a ni. Tin, a hranpaa vehbur khawn tum a nih loh avangin mahni remchan dan ang angin tanpuina hi Decoration Committee te hnenah a pek reng theih a ni.

Chhuanawm
@ Ni 28.10.2013 (Thawhtanni) khan Tv. B Lalzarliana (K-Sec) s/o Upa BS Kailiana Champhai Vengthlang chuan Doctor of Philosophy (Ph.D), Centre for the Study of Social System (Sociology), Jawaharlal Nehru University (JNU), Delhi atangin a dawng. A thesis title hi 'Confronting the Metropolis: A Study of Northeast Students in Delhi' tih a ni. Kan lawmpuiin kan chhuang em em e. @ Joseph Remmawia s/o Paul Tinkhuma, Champhai IB Veng tuna Kolasib a PWD SDO hna chelh mek chu tunhnai khan AMFU Kolasib District chuan hnathawk tha ber chawi mawina an hlan. Amah hi Vengthlang Branch YMA Fin. Secretary F. Vanlalliana nau a ni. Kan lawmpuiin kan chhuang takzet a ni.

VENGCHHUNG CHEI DAN TUR NGAIHTUAH

Ni 03 Sahmulphah Thla 2013:

Pawisa
Nimin thlenga India pawisa hlutzawng chu hetiang hi a ni e. 1 USD : Rs. 61.9046 1 Euro : Rs. 83.8775 100 Japan Yen : Rs. 63.2100 1 Pound Sterling : Rs. 99.1897

Ni 100 inhlawhna sem

Ni 100 inhlawhna kal mekah nimin khan ni 16 hlawh Rs. 1600 theuhin Jo b Card pakhatah sem a ni. Kumin chhung hian inhlawhna hi ni 42 chhung kalpui tawh a ni a. Kumin chhung hian ni 100 ah 58 inhlawhna a la awm thei dawn a ni. Hetihlai hian VC te office, BNRGSK chu tangkai taka hman chhoh mek a ni bawk.

Dt 31.11.2013(Ningani) Zan khan YMA Runah Decoration Sub Committee bul tumin Decoration Sub Committee leh Section OB bakah Vengthlang chei nana mi thahnemngai zualten Meeting an nei a. He meeting hi Decoration Sub Committee Chairman Pu C Laltanpuian kaihruaiin kan hma lawka Krismas leh Kumthar lo thleng tur lawmna atana Vengthlang chei dan tur an rel a. He meeting hian Vengthlang huam chhunga zau zawka hma lak a nih theih nan YMA kaihruaiin Vengthlang huamchhunga khawtlang huap NGO leh VC bakah Welfare hrang hrangte sawma hmalak dan tur relho leh nise an ti a. Hemi hun atan hian Dt 7.11.2013(Ningani) zan an ruahman a ni. Tin, he meeting hian Vengthlang cheina tura ruahmanna mimalin an lo neih hrang hrangte ngaithlain a bawhzui dan tur an rel hova. Kumin hian Vengthlang dawr dung bakah Vengthlang huamchhunga kawngpui pawimawh deuh deuh, IB Veng, Awmpui Phei etc te tuam vek tum a nih avangin Decoration Sub Committee mai tan chuan a hautak deuh dawna an hriat avangin Section hrang hrangten mahni Section inbuaipui dan tur ruahmanna an siam a. Kawngpui kam remchang laiah thing kak mawi tak tak tara, light system hmanga chei mawi tum a ni a. Hemi atan hian eng (light) rawng atan pawh a hring, a pawl leh a var chauh hman nise an ti a. Section hrang hrangten mahni section huamchhunga tar tur thing tang mawi tak tak lak nise an ti a. Tin, hnatlang hi a hma lama tan tum nise, tiin hnatlan hun hmasaber atan November 15 zan an ruat nghal bawk a, tin a hma lamin nikum lama bungraw neihte chingfel turin a hma lama hnatlang neih nise an ti bawk. Kumin hian Decoration Sub Committee chuan kumtira Branch Executive Committee-in Budget a lo siam tawh Rs 30000 neiin hei hi a bei tham deuh avangin sum leh pai lamah pawh Vengthlang mipuite tanpuina a mamawh hle a. Vengthlang hi Champhai kawtchhuah a nih avangin Champhai khawpui a mawi leh mawi loh chu Vengthlang thalaite leh nu leh pa kutah a innghat a ni ber a. Chuvangin sum leh pai mai column lehlamah zawmna...

Ruat Thar
Vengthlang huamchhunga NGO leh Kohhran hrang hrang atanga MPF Vengthlang Local Member tur ruat nise an tih angin Vengthlang Branch YMA atangin Pu RC Lalzuithanga leh Pu Rinlalvunga te ruat an ni . Tin, District Disaster Mangement Team hnuaia First Aid & Medical Team member atan kan Branch aiawhin Tv Lalhmachhuana Fanai ruat a ni.

SP Kawm
Champhai SP Pu BN Tiwari IPS chu Branch OB ten a Office-ah lengin Vengthlang huamchhunga hmalakna tur hrang hrangte sawipuiin an kawm a. SP hian kan Branch OB te hi a lo dawngsawng thain Mizo thalaiten, a bikin zirna leh eizawnna kawnga hma kan sawn theihna tur a veiin hetiang lam hawia theihtawp chhuaha hmalak a inhuam thu a sawi a. Tin, a thawhpuite nena zawi zawia siamthat ngei laite siam tha tura hma lak a tum thu a tarlang bawk a ni.

Branch Committee
Vengchhungah rokhawlhna dang a awm a nih loh chuan Dt 12.11.2013 (Thawhlehni) khian Branch Executive Committee neih tum a ni.

Kristian nundan tha ngaihsan

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 2-NA
BRANCH HRUAITUTE President : F. Lalrinmuana 9856793450 Vice President : C. Laltanpuia 9615021656 Secretary : C. Lalthanpuia 9862657366 Asst.Secretary : H. Laltharrenga 9856782358 Treasurer : H. Lalthanmawia 9862936734 Fin. Secretary : F. Vanlalliana 9615558817

YMA Palai SEMTUTE

Vanapa Section : Lalfakmawia, Lalawmpuia, CB Lalbiakdika, Saidingliana, Vanlalchhuanga, ZD Zorinpuii, ZD Lallawmzuala, Lawmsangzela, C. Vanlalhriata, Lalruatpuia, Lalrindika Neuva Section :Vanlalzuia, Freddy-a, Vanlalruatzela, C. Lalrinthianghliama, Lalhminghlua, Lalbuatsaiha Khuangchera Section : Lalruatsanga, Henry Mawia, Omeg Lalremthanga, Lalzomuanpuia, Rotluangpuia, Malsawmsanga

BRANCH MOTTO : Sual ngam chein awm suh la, thatnain sual chu ngam zawk rawh. Rom 12:21

AN SAWI LOK PAL BILL

- H Lalhmingliana, Neuva Section Tunlaiin Lok Pal Bill hi sawi atam hle a. Political Party thenkhatte phei chuan Party Manifesto-ah telhin sawrkarna an siam huna tihpuitlin ngei turah an dah mek bawk a.He bill chungchangah hian mi thiam tam tak an inhnial nasa thin hle a, a thatna leh that lohna sawi tur pawh tam tak a awm ve ve thei awm e. Tuna a lan danah chuan ruahmanna ruangam(theory) tha tak, mahse a tak (practical) a tihpuitlin har tur tak a nih hmel. He bill lo chhuahna chhan tak ni a lang chu, Idia ramah hian eirukna leh hlemhletna (corruption) a hluar hle a. Sawrkar hnathawk leh politician te an lian thur thur a, chutih laiin an eiru nasa awm mang e tih vel bakin tih theih kan nei tak tak si lo. Court-ah khing dawn ila, chuti maia khin mai theih a ni thin bawk si lova. Sawrkar phalna lak te a ngai a, ukil rawih nan sum engemawzat kan chawi a ngai dawn bawk si a. Court-ah inlan fo te a ngai bawk nen, a hautak thin em avangin ringhlel ru tak siin kan thlir liam vel mai mai ni berin a lang. Corruption lah a hluar zel a, eiru nia kan hriatten hrem an tawk ngai bawk si lova, hei tak hi mithiam ten an enghelh ta em em a, a hremna dan duan chhuah an duh ta a. He Lok Pal Bill, eirukna leh hlemhletna (corruption) dona bill hi an siam chhuak ta a ni. He bill siamtute chu Santosh Hedge, Plasant Bushan leh Arvind Kejliwal te an ni a. He bill-in a tum ber chu mipuiten awlsam taka case kan file ve theih dan tur a ni a. Eiruten thiam loh an chang a nih chuan kum hnih chhung ngeia Jail-a khung hmak mai tur an ni. Tin, an eiruk sa tawh chu khawi chet theih lohva siamsak tur an ni bawk ang. Lok Pal Bill Nihphung Tlangpuite : 1) Central-ah Lok Pal tih niin State-ah chuan Lokayukta tih a ni ang. Supreme Courtte, Election Commission te angin independent body a ni anga, politician leh mi dang tumah an inrawlh thei lovang. 2) Case file tawh reng reng kumkhat chhunga enfel tur a ni ang a, investigation hi kum hnih chhunga zawh fel ngei ngei tur a ni ang. Tichuan politician/officer eirute chu kum hnih chhunga jail-a khung ngei ngei tur an ni ang. 3) Eiru ten an lo eiruk tawh zat chu chhutchhuakin convict an nih chhungin an rul ngei ngei tur a ni ang. 4) Sawrkarin mipui hamthatna a tikhawtlai a nih chuan a tikhawtlaitusawrkar hna thawk chu pawisa chawitirin a pawisa chawi chu a tuartu zangnadawmna (compensation) atan pek tur a ni ang. 5) Sawrkar office dawr nikhuaa, min ngaiksak that duh loh chungchangah te, harsatna hrang hrang kan tawk a nih chuan kan report ang a, Lok Pal chuan min chinfel sak tawh dawn a ni. Tin, hnathawh tha lo lutuk te, hna muang lutuk leh fund dik lo taka hmanna te a awm a nih chuan complaint thehluh mai tur a ni a, Lokayukta chuan hma min laksakin a hrem zel mai dawn a ni. 6) Lok Pal hian complaint theluttute hi a venghim hle dawn a. Corruption dona avanga harsatna tawk an awm a nih a titu chu nataka hrem a nih theihna dan an siam dawn bawk a ni. 7) Lok Pal hnathawh leh kalphung te hi langtlang (trasparent) vek a ni tur a ni. 8) Vigillance Commission te, Anti Corruption Bureau of CBI te nen zai khatin an luang tlang ang a, an duh ang taka an chet theih nan thuneihna sang tak an nei ang a, mi tu pawh an chhui thei ang. 9) Tu pawhin Lok Pal kaltlangin case an file thei ang a, thlaruyk hmain an chingfel tur a ni ang. 10) Lok Pal member te hi Judge hluite, mipui aiawh atangte, dan hre mi atangtea ruat tur a ni ang. Sawi tur a tama, kan sawi seng vek lovang a, State hrang hranga kalpui dan pawh a inang lovang, thuneihna an pek dan pawh a inang lo ang. Engpawh nise kan ramah hian Loayukta hi din ni ve ta se, kan hlawkpui angem ? I ngaihdan lo siam ve phawt mai teh.

Thlasik chu inrin hman hmain a rawn thleng a ni ringawt alawm le. Kumin thlasik chu Krismas leh kumthar chauh a ni lova, inthlanpui kan hmachhawn dawn avangin boruak dang dang kan tem chho dawn a ang khawp mai. Democracy ram a nih avangin inthlan a nih chuan mipuiin vote thlak hi kan mawhphurhna a ni a. Kan aiawh tur thlan hi kan mawhphurhna a ni a, chutih mek lai chuan political party hmangin inthlan hi democracy ah chuan kan kalpui ta vek mai a. Political party hmang hi chuan a that lohna tam tak a awm a, kan chhui vek seng lovang. Mahse political party hi democracy-ah chuan necessary evil a ve tlat a, chuvangin kan kalphung pawh hi a thianghlim thei ang ber a nih theihna tura ke kan pen hi chu a ngai ve tawh a ni. Kristiante hian vaiho politics khelh dan kan lalut chho nasa tial tial hi chu a dik chiah lo a ni. Politics hi chu a thianghlim tak tak thei dawn lo, mahse a thianghlim thei ang ber tura kan kalpui ve hi chu a ngai tawh a ni. Tam takin politics leh sakhua hi kal kawp lo turin an duh a, a firfiak zawng leh a kulmuk zawnga a kan kalpui chuan tha hauh lo. Mahse sakhaw tin hian chin dan tha lai, mihring nunhona leh inkaihhruaina atana a tha lai hi kan nei theuh a. Kristiannaah phei hi chuan a tam lutuk. Hei hi kan ram kaihhruainaa hian lalut thei ila a duhawm hle ang.

Hunawl hman that

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 3-NA

YMA Palai SEMTUTE

Taitesena Section : R. Vanlalremruati, Lalbiakpuii, Ramluahpuia, R. Lalhmingliana, Lalnunkima, Lalmalsawma, Lalramnghaka, Lalramhluna, Jonathan Lalnuntluanga, Joseph Malsawmtluanga

Leader Asst Leader

YMA ADVISER
RC Zahlira ; C. Vanlalnema ; F. Lalfamkima ; Pu HS Vanlalfakzuala BARCLAYS PREMIER LEAGUE 2013 14 (Bihchianna) Sawmtei Pa Kum 1992 a khelh tan Premier League hian kumin hi a kum 22-na a lo ni ta reng mai. Fixture hi June ni 19, 2013 ah tihchhuah a ni a, August ni 17, 2013 ah khelh tan a ni. Tluang tak a khelh chhoh zel theih anih chuan May ni 11, 2014 ah zawh a ni ang. Goal Line Technology Hawk-Eye an tih mai chu hman tur a ni a, tunah hian a hun a rawn mai theih turin Stadium tinah Hawk-Eye hi an vuah fir fer tawh a ni. Goal line pel miah lo goal a puan a awm tawh lo ang a, a goal chiang ngei, goal lo tih tlat a awm tawh lo ang. A bihchianna tak tak chu heti zawng hian ziak ila chhiar a nuam zawk ang. Match khelh tawh zat 90, Goal lut tawh zat 219 (2.43 /match) Goal hmasa ber thuntu Daniel Sturridge, Liverpool. Goal thun hnem zualte Daniel Sturridge, Liverpool (8 goals) Sergio Aguero, Man City (7 goals) Luis Suarez, Liverpool (6 goals) Oliver Giroud, Arsenal (5 goals) Goal venghim rei zualte Artur Boruc, Southampton(match 6) Jussi Jaaskelainen, West Ham, leh Hugo Lloris, Tottenham (match 5) Tim Howard, Everton (Match 4) Home a chak nasa ber Man City 4 0 New Castle United Swansea City 4 0 Sunderland. Away a chak nasa ber Swansea City 1 4 Man Utd. Tottenham 0 3 WestHam United. Crystal Palace 1 4 Fulham. Chak zawn ngun ber Arsenal (match 5) Hnehloh neilo rei ber Arsenal (match 8) Hneh neilo rei ber Sunderland (match 8) Chaklo zawn ngun ber Sunderland, Crystal Palace (match 6) Entu tamna ber Man Utd 3 2 Stoke City (75,274) Entu tlemna ber Crystal Palace 0 2 Arsenal (20,050) A hmuna entu zawng zawng 3,299,337. Average 36,659. Stadium lian zualte Old Trafford, Man Utd (75,731) Emirates Stadium, Arsenal (60,338) St.James Park, Newcastle (52,405) Stadium te zualte Liberty Stadium, Swansea (20,750) KC Stadium, Hull City (25,400) Craven Cottage, Fulham (25,700) Hat-trick siam awmchhun Luis Suarez, Liv vs West Bromwich. Yellow Card hmu hnember Mathieu Flamini(Ars), Lucas Leiva(Liv), (mimal) Ashley Westwood(Ashton Villa vawi 4 Yellow Card hmu hnember(club)Manchester United (vawi 21) Red Card hmu hnem ber club hi Newcastle leh Arsenal niin vawi 2 ve ve a ni a, mimal bikah chuan vawikhat aia tam hmu an la awmlo. * Cardiff City, Hull City leh Crystal Palace te hi 2012-13 Football League Championship atanga rawn kaithar te an ni. * 1992 atanga Premier League ti a vuah anih tak atang hian Club 5 chauh an la champion a, Man. United(vawi 13), Arsenal(vawi 3), Chelsea (vawi 3), Blackburn Rovers leh Man. City (vawi 1). * Fixture leh TV vela an ziahlan reng reng a, ziah hmasak zawk apiang hi a thlengtu club an ni tihna zel a ni. * 2013-14 bikah hian an inkhelh laiin TV chungsir a an club hming an ziahna ah hian Red Card hmu an awm chuan a club hming chungah red card lem an dah thin. (Hriat ve mai mai atan)

:Tv Lalremruata :Tv Christopher Chawngthanmawia Secretary :Pu V Laldinthara Asst Secretary :Tv Lalramzauva Chawngthu Treasurer :Nl Helen Lalramsangi Fin.Secretary :Pu PC Lalngaihtuahkima

VANAPA SECTION

YMA Thuvawn : YMA chu tanpui ngaite tanpuitu a ni

I hria em ?
Kum khatah chanchinbu hi copy tluklehdingawn 24 vel tihchhuah a ni. @ China-ah chuan chanchinbu hi sorkar hnat hawk leh mi pawimawhte tan tihchhuah a lo ni tawh a, chu chu Han Dynasty hunlai, 3rd century AD vel daih tawh kha a ni. @ Tunlai chanchinbu chhuak hmasa ber chu Germany ah niin Relation (1605) a ni a. France in Gazette (1631), Belgium in Nieuwe Tijdingen (1616) leh England in London Gaz ette(1665) te an tichhuak veleh bawk. @ Chanchinbu hlui hi sawnbawl hnuah a thar anga hman leh theih a ni a, hetianga tih hian kum khatah thing 500,000 vel kan 'save' thei tihna a ni. @ India-ah chuan English chanchinbu lian ber chu The Times of India a ni a, copy maktaduai 2.14 an sem chhuak. @ Chanchinbu hi fakna atana tha bera ngaih a ni a. Fakna zawng zawng 99.4% hi chanchinbu-ah tihchhuah a ni. @ Chanchinbu chhiar thin a chanve aia tlem hian a thu awm zawng zawng an chhiar a, a tam ber chuan kan tuipui lai chauh kan chhiar thung. @ America-ah hian chanchinbu hlutna a hniam hret a, kuminah hian chanchinbu her chhuah zawng zawng atangin copy 1000 vel nitin an hralh bang tawh a, hei hi a chhan chu weekly an bengkhawn zawk an pun vang te, tualchhung chanchinbu-in ngaihhlut a hlawh chho tak zel vang a ni. @ National newspaper bikah, a phek chanve hi chu fakna-in a khat zel anga chawhrual a ni a. TV-a commercial break zin ang bawkin fakna hi a zing ve tihna a nih chu.

Zofate hmasawnna ngaihtuah

YMA PALAI : KARTIN CHHUAK CHANCHINBU : VENGTHLANG BRANCH YMA : PHEK 4-NA

NEUVA SECTION
Leader Asst Leader Secretary Asst Secretary Treasurer Fin.Secretary :Tv Lalpekliana :Pu Lalrobula :Tv C Zorammuana :Tv Lalrammawia :Pu Biakremtluanga :Tv F Lalhruaitluanga

TAITESENA SECTION
Leader Asst Leader Secretary :Pu H Zarzoliana :Pu T Daniala :Tv Lalhmachhuana Fanai Asst Secretary :Tv Lalrinawma Treasurer :Nl H Ramengmawii Fin.Secretary :Pu H Lalrammuana

KHUANGCHERA SECTION
Leader Asst Leader Secretary Asst Secretary :Pu C Zonunpuia :Tv Lalawmpuia Sailo :Pu C Vanlalpeka :Pu Lalthangmawia Kawlni Treasurer :Nl Lalruatkimi Fin.Secretary :Pu Zohmingthanga

YMA Kumpuan : Ram Leh Hnam Humhalh

Lawrkhawm
Planet thar hmuchhuak: Vansang zir mite chuan planet an hmu chhuak thar. Planet hi kan solar system ang deuh hian a awm a, planet 7 lai a awm a ni awm e. Dwarf star KIC 11442793 bulah a awmin kan lei atanga a hlat zawng chu lightyears 2500 bawr vel a ni a, planet hmuh chhuah tawh zingah chuan keini tih lovah chuan a pui ber a la ni. Planet zawn hna hi khawvela a tui hrang hrangte chuan volunteer ang deuhin an kalpui a, NASA in an Kepler Telescope thawh chhuahpuiin hemi hmanga data an kalkhawm chu heng volunteer te hian lo zirchiangin planet ni thei awm tur an lo zawng ngat ngat thin a, tuna mi pawh hi volunteer te hmuh chhuah a ni nghe nghe. Kan solar system pawn lamah hian exoplanet a tam hle a, thenkhat chu Neptune leh Jupiter tiat te pawh a awm a ni. Exoplanet hi kum 1992 khan a vawikhat nan hmuh chhuah a ni a, an hmuh chhuah hmasak ber hi 51 Pegasi B niin arsi, ni ang tak a hel kual ve bawk a ni. Samsung thar: South Korea mobile phone company lian Samsung chuan Galaxy phone dang an pho chhuak leh ta a, mipui lei theih turin Galaxy Express 2 chu an tlangzarh. He phone ni 4.5 inch lek a ni a, mipui vantlang lei theih tur tawk velin a man pawh bithliah tum a ni a. Processor-ah dual core 1.7Ghz a hmang dawn a, 1.5GB RAM nei tel bawkin NFC leh LTE te a support dawn a ni. Hei bakah hian a internal memory hi 8GB a ni ang a, microSD card a hmang tel thei bawk ang. Galaxy Express 2 hian Samsung app chi hrang hrang: Smart Stay, Group Play, S Travel, Story Album, S Translator leh a dang dang a chhawm tel nghal dawn a ni. A lum ber tum tawng chho mek : Tun kum 100 chhung khan Canadian Arctic chuan kum 44,000 chhunga a lum ber tum a tawng chho tawh. Arctic-ah hian ni zung chakna hi za zela 9 velin a luhbelh tawh nia sawi a ni a, hei hian boruak lumna belchhahin ice age hunlai, Holocene an tih, tun thlenga a hnuhma, vur tlang hmuh tur la awm hi a tuiral mai a hlauhawm zel niin mithiamte chuan an sawi. Holocene hma hian khawvel hi a lo lum tawh hle thin a, chu chu kum 120,000 vel kalta daih tawh kha a ni a, tuna khawlum dan nen hian inang thuak niin mithiamte chuan an sawi. Khami hunlai khan khawvel chhim tawp leh hmar tawpah hian vur a la awm lo, chumi hun chu keini pawhin kan hnaih tan tihna a ni. Vur zawng zawng hi tuiral ta se khawvela chhiatna thleng tur la chu a nasa hle bawk si.
Central KTP chuan Ruihtheihthil emaw vanga Rahbitleu, Chhanchhuah duh tak tak te (Mipa/Hmeichhia) chhawmdawl na`n Sponsorship a pe thei ta a, mahni chhungte leh mahni ngei pawh hetiang mamawh kan lo awm anih chuan - Vengthlang Branch KTP hruaitute hnenah hriattir theih nise a lawmawm ngawt ang.

AK-47

J Hnem tu ka ngai,pui tu ka ngai,

chhan tu ka ngai - Temama, N-Sec J Chhun chhun ah ka lung an len viau chu... - RKa, T-Sec JA dera hmangaihna hi intihder zawng zawngah a tuartu tan a na ber thin - Ramzauva, V-Sec J Zan a min haw lo tih hriat takin pang si rial a min lo seih hi chuan khawi lama MNF leh Congress tih vel, MPC leh ZNP tih vel in hmun an chang ta lo... Pu Tawia Sipai te chi, T-Sec J Hmangaihtu mita a kuhmum laitaka beiseina nena alo parchhuah hun ngha h ta ng tanga,,beiseina sangtak min neihtir tawh hnua parchhuak zoleh ta silo hian rilru hi a tina thin asin.. - VL Nghaka Mizoram Graphic

Chat-a, V-Sec

Zanin Inkhel tur Everton (7:00) Tottenham Cardiff (9:30) Swansea Nu ber a hman loh chuan Pa ber kan chet a ngai a

Published, Edited and Printed by Chanchinmawia for and on behalf of Vengthlang Branch YMA