NUKKAD

[ek chatur naar beginning....]

Hmmmmm.....aaa eeee

Narrators: Aao aao dekh jaao,

Yahan jo dekho kabhi naa bhul paao.
Bachche budhe nau jawan
Sabko hum kar dete hairan
Jaadu naa samjho, ye sachchai hai
Naa koi putle naa haaath ki safai hai.

Audience: Arey bhai kaun ho tum,kaam hai kya?

Shabdon mein naa uljhaao humein,yeh bataao naam hai kya.

Narrators: Kya bataye naam hai kya,

kya bataye ji kaam hai kya...
Yun dekho toh hum hain gaate
Yun dekho toh kahani sunaate.
Sabko hasate sabko rulaate
Har nukkad par ek aaina sajaate
Kehne ko toh hai humm aam madaari
Par harkaton se chaunke duniya saari.

Audience: Madaari toh bahut hai dekhe,tum kiss khet ki mooli ho

kartab toh humne bahut hai dekhe,lagte tum maamooli ho.

Narrators: Maamoli hain hum,humaari baatein nahi

Choro puraani baatein,suno kahaani nayi.

Toh ji hoshiyaar,Meherbaan,Kadardaan.....
Hum dikhaate hain ab tumhe.....INSAAAN!!!!

Chorus:insaan???...insaan?......[adlib]
Kya kehte ho tum kuch dhyaan karo,
Mar chuke hain insaan saare kuch toh samaan karo...

Dhyaan bhi hai,Sammaan bhi hai,Par yeh toh humaara apmaan bhi hai,
Jhooth lagti hai tumhe meri baatein,Dekho dhyaann se ab Insaan hai ye...

INsaan!!!! bhaago.....bhaago....Bhoot...Bhoot....

Narrators: Arey bhai tanik ruk jaao,thoda tham jaao....

Hum kya kehte hain yeh toh sun jaao...

Audience: Nahi sunani tumhaari baatein,yeh kya chaalaaki hai?

Tantra hai,jaadoo hai,ya dharti par abhi insaan baaki hai?

Narrators: Jaadu nahi,yeh mantra nahi,

Bhoot nahi yeh tantra nahi.
Kya hai yeh toh naa jaane hum
Bas kahani insaan ki aaye hain bataane hum.

Sound: Bak bak bakar bam,chchak chchak chchakar chchum

Tan tan takar tam,dak dak dakar dum.
[scene change]
[song]

Narrators: Baat hai tumhe bataane ki,

Ki baat hai uss zamaney ki
Jab insaan tha sirf insaan
Na tha woh bhagwaan na bana tha haivaan.
Thi woh beesvin(20th) sadi
Kal hi toh sukhi thi Saraswati nadi.

Insaan ne bas par failayen hi the

Ki tarraki ke sapne usne sajayen hi the
Tab keh gaya ek door drasthi
Ki na bachegi yeh sundar srishti
Bola vo-Water water everywhere not a drop to drink,
Baat usne sahi kahi but no one else did think.

Jharne aur nadi mein taira manushya

saawan ki baarish mein bheega manushya.
[song]
[Scene change]
Aao chalo aagey badhe,manushya ka itihaas dubaara padhe.
Sachin ne ek hi shatark maara tha aur paida hua Pujaara tha.
SCENE:
[Holi scene...songs....gulaal with tap in middle..]

Paani?? paani?.......Arey bhaiyon.....holi ke din bhi....

Dhat yaar mazaa kirkira kar diya...

Yeh kya tamasha machaya hai?

Do din se paani kyon nahi aaya hai?

[Bhajan type]
Jab paani tha tab tune bachaya nahi baad aansu bahaney se kya fayda.
Jab baarish giri toh beej boya nahi baad kua(well) khodne se kya fayda.

Bak bak bakar bam,chchak chchak chchakar chchum

Tan tan takar tam,dak dak dakar dum.
[scene change]

Narrators: Aa chuke hum aur bhi aagey

Kargil se they ghuspaithiye bas bhaagey bhaagey
SARS ka keher abhi macha na tha
Fodder laaloo ko pacha na tha..
SCENE:
[train scene....make human train...too people get down on platform..brushing
near a tap.]
Kyaa aap close down karte hain? hmmm hmmm hmmm...(song)

(Man1 leaves tap open after using it...)

CHORUS:tip tip tip tip......
(Man2 near him closes the tap...silence of chorus)
(Man1 leaves tap open again...)
Chorus again.this time louder....
Man2:(trying to speak with his mouthful of paste...inaudible)
Man1: kya?
Man2(spits n says):Arey bhaiya nal toh band kar do.
Man1:Aji bas ho gaya....
Man2(after 5 secs):Aji paani behta chala jaa raha hai...
Man1:aji bas ek aur minute...

Man2(againa fter 5 secs):Yeh toh gair zimmedaari hai...

Man1:Tameez se baat kya karne lag jaao,log toh baap ban baithte hain....Mujhe
zimmedaar banane ka theka le rakha hai kya?
Paani tere baap ki jaagir nahi....
Man2((interrupting):Baap pe mat jaaiye aap paani...
People in line pushing thm aside:Aye shaane shaan patti baad mein
dikhaana...aagey badh aagey badh...

Aagey badh aagey badh....

Manushya ka itihaas gehraai se padh...

Aaj Kalmadi ne dikhaya kamaal hai

Pyaaj bechne wala hua maalamaal hai..
Jaadu ne badli Hritik ki chaal
Aur...
Roz din lagta ab sukhe ka kaal...
SCENE:

Thande thande paani se...

chash......(chorus sound of water dropping into bucket)

1:Arey kya baat hai,aaj tu bhi naha raha hai? tabiyat toh thik hai naa?
2:Haan yaar...woh bas mummy papa kal.. college aa rahe hain
[throws a bucket full of water.]
1:Abey yeh kya kiya?
2.Arey woh geyser se garam paani aane mein thoda time lagta hai naa?isiliye...
1.Parr yaar tu toh aise bhi thanda paani milakar hi toh nahata hai...
2.Dude....Peace maar...chill...

1.Abey kya peace re....pata hai naa paani ki kitni problems hai...
2.Ya ya...whatever...just dontt bug me...

Chorus sound again....

Bak bak bakar bam,chchak chchak chchakar chchum

Tan tan takar tam,dak dak dakar dum.
[scene change]

Ghadi ki suyiaan fir fir bhaagi,

Manushya ne apni murkhta itihaas mein daagi.....
Saal tha woh 20-20
Troubles bhi thi plenty plenty
Aur....
SCENE:
Mil gaya....mil gaya.....
(song)Mil gaya mil hi gaya mil gaya ...mil hi gaya

Par kaun mil gaya??

Nai nai yaaron...tarika mil gaya....

Saalon ki research k baad ek aisa machine banaya hai jisse pollution hi nahi ho!!!

Waah waah....kya baat hai...

bhai yeh toh batao...k woh kiss jaadui cheez par chalta hai?

Paani...

Paani?Paani?Paani?
Haahahahahahhahahaa

Yahan do gilaas naseeb nahi

Aur paani se machine chale,bhai yeh toh sahi nahi...

Nahi nahi sahi nahi...yeh toh bilkul sahi nahi...

Paani raashan par lena pade yeh sahi nahi.
Sone ke daam par paan bike,yeh bhi sahi nahi..
Paani ki prithvi par paani tarse,yeh toh bilkul sahi nahi...

Sahi galat ka faisla kya karega insaan

Pyaas se jaaye jab uski jaan

Lifestyle ke naam pe jo paani ki chadhti kurbani,

Jab life bachi na,style kahan ka??samjho badi meherbani!!

Aj tujhe paani bachao mein hansi badi jo aati hai,

Yaad rakho ki kaal se pehle hi buddhi mar jaati hai!

Arey kholo buddhi ke parde,aur kuchh vivek se kaam karo,

Khub bahaya hai paani, kuchh toh bhavishya ke naam karo!!

Samjho,jo ab kiya nahi kuchh,kaal manushya par barsega..

Soch ke dekho baccha baccha boond boond ko tarsega!!

Kyun wait kare jo time hai woh bad se baddtar ho jayega,

Jab yeh manav paani ki khatir royega,chillayega!!

Sona chandi tel se bhi paaani mehenga ho jayega!

Aur garibo ko pani bas rashan mein mil payega!!

Kya garib,ji kya amir bhi is prakop se bach payega??

Bank ke locker mein hi woh pani ki canein rakhega!

Duniya hogi iske pichhe,mudda garmata jayega,

Na chahte huye bhi duniya third world war kar jayega!!

Kyun world war??paani ke liye hum manav ka sanhaar karein,

Time abhi bhi hai thoda,kyun na mil kar prayas karein!

Boond boond bach jane se toh sagar bhi bach jata hai,
Soch samajh kar karo use isme tera kya jata hai??

Vyarth na ho ek boond bhi pani ab se hum prayas karein,

Jal hi jeevan hai yaaron,yeh yaad rakhein,khush-haal rahe!!!!