Pakikipag-ugnayan o pakikipag-kapwa tao ay tunay na mahalagang aspeto
ng social life. Ang pagtugon sa pangangailangan ng ating kapwa ay nangangailangan ng ilang mahahalagang kasanayan at pagpapahalaga. Para sakin pinapahalagahan mo ang kapwa tao sa pamamagitan nang mabuting pakikipagkapwa. Dapat nating panatilihing maganda ang pakikipag- ugnayan sa ating kapwa. Dapat din nating unawain sila. Maipapakita mo ang pagpapahalaga sa kapwa sa pamamagitan nang paglilingkod at pag unawa sa pangangailangan. Ang paglilingkod sa kapwa ay siyang pinaka ubod ng anumang pakikipag ugnayan. Sa paglilingkod napapayaman an gating pagkatao at karanasan at nagiging makabuluhan sa ating buhay. Maglingkod nang may galak sa puso. Ibigay ang iyong buong pusong paglilingkod sa kapwa. Tumulong sa kapwa sa abot ng makakaya. Iwasang tumulong para lamang makilala at mabigyan ng papuri ng iba. Magkaroon ng pag-ibig sa kapwa. Maging handang gumawa para sa iba ng higit pa kaysa inaasahan ninyo sa kanila kung nagkapalit kayo ng sitwasyon.Hindi sapat na maging mabuti ang tao, kailangan niyang ipakita ito.Ang pinakasinserong tao na tumutulong sa kanhang kapwa ay ang mga hindi nagpapakilala, hindi nalalalaman ng mundo ang kabutihang ginagawa, puno ng kababaang-loob at hindi kailanman naghahangad ng pagkilala sa kanyang ginawa. Naniniwala pa din ako sa sabi nila na kung ang hangarin ng isang tao sa ginawang kabutihan ay makakuha ng paggalang mula sa kapwa ya nawawalan ng saysay ang kabutihan na kanyang ibinigay.