You are on page 1of 3

Hámdordi

Mv. Mohammed Rafique Mir Ahmed Gónggri Fara Quebec Canada

Ekéla gas ór, uggwá théilat,


Bulbuli udás ói, accíl boiçát.
Hoiló aróu matár uore, aiyér rait,
Din guzori giyóui, uri gúra fírat.
Ken foóñccúm añár bahát,
Hárr sis luwai giyóui andárot.

Fúni bulbulir aházari, deháilo hámdordi,


Junáikka fuk e hoiló, ki óiye o bái bulbuli.
Modot goijjúm, jan forane dil kúli,
Andáijja rait ot no zaiyúm toré buli.
Allah yé diyé moré nur or bijoli,
Soli aññí andár ot cóçok mari mari.

Andájja rait óile, kiyór ferecan kiyódhdhor,


Zaibaccót tor rastare, gorí diyúm foór.
Allah yé banaiyé beggúm cóñço dhoóñr,
Cóñço boli moré, kiyé no goré kodor.
Mogor cóñço óileyo mui, kessú no báfomor,
Mui zeéne farom, éene modot goró mor.

Junáikka fuk or, dekí hámdordi,


Bulbulir foran ót, ailó faní.
Bulbuli hoilo! tar bondúre les lari lari,
O bái junáikka fuk, soli tora tori.
Junáikka! fuk e hoilo, o bái ar no gorí deri,
Bulbuli tar fuáñre, óilo zaibolla razi.

Cáayer e fórmar, ekkán asól hóbor,


Ceér óttu buzí loiba, gorá foribóu ki amól.
Umid gorír kessú, mor hotá buzoór,
Bála ham ze goré, te óibou dhoóñr.
Lofzór maáni
Théila = dhéila, them. Udás = ferecan,ocánti, ohoman / ofoman, cúksar,
monorduk. Aházari = fóriyad, araz, ouccóuk. Búli = foórai, fóroc, monot
notáka, híyal notáka, yaad notáka. Bijoli = foór, kaárun elekthrí. Cóçok =
foór or fótthki, Kodor = dam, kimot, main, izzot, eheteram. Umid = dórca,
acá, sáara. Nur = foór. Kodor = dam, kimot, main, izzot, eheteram /
eeteram.

Súwal

1. Nisottú diya giyé de súwal or juwab lekó.


(a) Bulbuli kiyólla udás accíl de?
(b) Junáikka fake bulbuli yé keén mood goodie?
(c) Kasidar ahéri ceér ót maze caayer e ki fórmayé?

2. Nisottú aiyédde lofzó gún or zid lofzó lekó.

A B
Andár
Hañsé
Gom
Bala
Asé
Deri
Ferecan
3. Nise diya giyé de jumla ólor háli zaga gún munaséb
lofzó di dórai do.

Theilat, Théilat.
(a) Ekéla gas ór, uggwá ……………. .

Matár, Matar.
(b) Hoiló aróu …………… uore, aiyér rait.

Fúk, Fuk
(c) Junáikka ………… e hoiló, ki óiye o bái bulbuli.

Moré, More.
(d) Cóñço boli moré, kiyé no goré kodor.

4. Nise diya giyé de sóyi jumla ólore (√ ) or, ar gollot or ( x ) ar


nicán lagai do.
Sóyi Gollot
(a) Junáikka fuk rait to comke. …………………………… ∆ ∆
(b) Din ot mazé andár také. ……………………………. ∆ ∆
(c) Gas ot bulbuli nóboiyé. ……………………………. ∆ ∆
(d) Junáikka fuk e bulbuli ré modod goijjé. ……………….. ∆ ∆
(e) Añárattú oinno zon or modod no gorón sa. ….……… ∆ ∆
(f) Bulbulir moon fail óu háwat maze ure. ………………… ∆ ∆

You might also like