You are on page 1of 2

PAGGUNITA SA MATAGUMPAY NA PAGPASOK NI HESUS SA JERUSALEM

PANALANGIN SA BAWAT KUBOL

Darasalin ang sumusunod na panalangin matapos awitin ang “Hossana Filio David” sa bawat kubol.

UNANG KUBOL

Manalangin tayo.

Diyos naming Ama nagpupuri at nagpapasalamat kami sa panahong ito na bigay mo sa


amin. Ang pagdiriwang na ito ng mga mahal na araw ay magsilbi nawang ala-ala ng wagas
mong pag-ibig sa sangkatauhan upang ang iyong bugtong na Anak ay magpakasakit at
mamatay alang-alang sa ikatutubos ng aming mga kasalanan. Hinihiling namin ito sa
pamamagitan ni Hesukristo, kasama ng Espiritu Santo, magpasawalang hanggan. Amen.

Wiwisikan ng pari ng banal na tubig ang kubol. Pagkatapos nito, magpapatuloy ang prusisyon patungo
sa susunod na kubol.

IKALAWANG KUBOL

Manalangin tayo.

Ama naming mapagmahal, niloob mong ang iyong Anak ay mabayubay sa Krus para sa
aming lahat upang ang paniniil ng kalaban ay kanyang mabigyang wakas. Ipagkaloob mong
amin nawang makamtan ang pagpapalang kaloob ng muli niyang pagkabuhay bilang
Tagapamagitan kasama ng Espiritu Santo, magpasawalang hanggan. Amen.

Wiwisikan ng pari ng banal na tubig ang kubol. Pagkatapos nito, magpapatuloy ang prusisyon patungo
sa susunod na kubol.

IKATLONG KUBOL

Ama naming makapangyarihan, ipagkaloob mong aming magampanan ang


pagsasakasalukuyan ng pagpapakasakit ng aming Poong mahal upang kami’y
pagindapating magkamit ng ibinunga nitong kapatawaran sa pamamagitan ni Hesukristo,
kasama ng Espiritu Santo, magpasawalang hanggan. Amen.

Wiwisikan ng pari ng banal na tubig ang kubol. Pagkatapos nito, magpapatuloy ang prusisyon patungo
sa simbahan, ang huling kubol.
IKAAPAT NA KUBOL – SIMBAHAN
Aawitin ang sumusunod na taludtod sa tono ng Pasyong Mahal

Ibukas n’yo ang pintuan Kay Kristo, Haring Mesiyas


ng templo ng dalanginan sumalubong nang may galak
nang mapasok, matuluyan taglay ang mga palaspas
nitong Haring nagtagumpay mga batang iyong anak,
taglay ang kadakilaan Jerusalem na mapalad

Sinong Haring nagtagumpay Masasayang nag-awitan


Ang sa ati’y dumadalaw? ng Osana at Mabuhay
Panginoon ang pangalan, mga bata’t katabataan:
Siya’y makapangyarihan nagpupuri, nagdiriwang
dumarating ngayong tunay. kay Kristo, Hari ng buhay!

Kakatukin ng pari ang pintuan ng simbahan gamit ang krusipihong pangprusisyon nang makatlong
beses. Bubuksan ang pinto ng simbahan at aawitin ng koro ang pambungad na awit habang pumapasok
ang mga tagapaglingkod sa misa at ang tagapagdiwang na may tangang palaspas.

You might also like